تيانشان تورى   ›   جاڭالىقتار   ›   شينجياڭ حابارلارى

ۇزدىكسىز كۇرەس جاساپ، جوعارى ساپالى دامۋدى قۇلشىنا ىلگەرىلەتەمىز

رايونىمىزدىڭ كاسىپورىن سالاسىنداعى قايراتكەرلەر باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەندى، دايەكتىلەندىردى −

ۇزدىكسىز كۇرەس جاساپ، جوعارى ساپالى دامۋدى قۇلشىنا ىلگەرىلەتەمىز

  ەكپىندەي ىلگەرىلەگەن 70 جىلدا تيانشاننىڭ تۇستىگى مەن تەرىستىگىندە جاڭا تاراۋلار جازىلدى. سوڭعى بىرنەشە كۇننەن بەرى، باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى ءار سالادا كۇشتى اڭىس قوزعادى. رايونىمىزدىڭ كاسىپورىن سالاسىنداعى قايراتكەرلەر جابال مىنالاردى ءبىلدىردى: ”قوس 100 جىلدىق“ كۇرەس نىساناسىن جۇزەگە اسىرۋدىڭ ۇلى ساپارىندا باس شۋجي شي جينپيڭنىڭ تاپسىرماسىن باستان - اياق ەستە بەرىك ساقتاپ، جاڭا ءداۋىردىڭ جاۋاپكەرشىلىگى مەن بورىشىن اناعۇرلىم جاقسى ارقالاپ، جاڭا دامۋ ۇستانىمىن جاپپاي دايەكتىلەندىرىپ، جوعارى ساپالى دامۋ تالابىن تياناقتاندىرىپ، ۇزدىكسىز كۇرەس جاساپ، اناعۇرلىم كوركەم بولاشاقتى بىرگە جاراتامىز.

■ وتاننىڭ گۇلدەنىپ - كوركەيگەندىگىن، بايىپ - قۇدىرەتتەنگەندىگىن ماقتانىش ەتەمىز

  مەملەكەت مەنشىگىندەگى مال - مۇلىك پەن مەملەكەت مەنشىگىندەگى كاسىپورىن − رەفورما جاساۋدىڭ، ەسىك اشۋدىڭ نەگىزگى كۇشى، جوعارى ساپالى دامۋ تالابىن تياناقتاندىرۋداعى كوشباسشىسى. اۆتونوميالى رايونداعى 69 جىلدىق تاريحقا يە ءتۇيىندى مەملەكەت مەنشىگىندەگى كاسىپورىن رەتىندە، شينجياڭ ءتۇستى مەتال ونەركاسىبى (توبى) شەكتى جاۋاپكەرلىك سەرىكتەستىگى پارتيا مەن مەملەكەتتىڭ قامقورلىعىندا تولىسا ەسەيىپ، ورنىقتى قاداممەن دامىدى.

  ”باس شۋجي شي جينپيڭنىڭ ماڭىزدى ءسوزى كوڭىلىمدى ەرەكشە تولقىتىپ، ايرىقشا جىگەرلەندىردى“. اتالعان سەرىكتەستىكتىڭ جوبالاۋ - دامىتۋ ءبولىمىنىڭ مەڭگەرۋشىسى حۋاڭ ۋي مىنانى ءبىلدىردى: كوكىرەك تولى وتانشىلدىق سەزىمىمدى قىزمەت ورنىنا تابان تىرەپ، كۇرەس جۇرگىزىپ، ەرلىكپەن سايىسۋداعى ءىس جۇزىندىك ارەكەتكە اينالدىرىپ، كاسىپورىننىڭ دامۋى ءۇشىن بارلىق اقىل - پاراساتىم مەن كۇش - قۋاتىمدى ارنايمىن.

  ”باس شۋجي شي جينپيڭنىڭ ماڭىزدى ءسوزى گوتاي شينحۋاداعى بارلىق كادر - قىزمەتكەرلەردى بارىنشا جىگەرلەندىردى“. شينجياڭ گوتاي شينحۋا كەن شارۋاشىلىعى شەكتى جارنا سەرىكتەستىگى پارتكومىنىڭ شۋجيى ۋاڭ شياڭياڭ مىنالاردى ءبىلدىردى: ءبىز وتانىمىزدىڭ ۇلى تابىستارىن ماقتانىش سەزىنەمىز، قۇدىرەتتى وتان − مەملەكەت مەنشىگىندەگى كاسىپورىنداردىڭ باياندى دامۋىنىڭ مىعىم تىرەگى. گوتاي شينحۋانىڭ بارلىق كادر - قىزمەتكەرلەرى بورىشتى ادا ەتىپ، ەرلىكپەن ءورىس اشىپ، كومىر حيميا ونەركاسىبى سالاسىنداعى BDO ءونىمىن وزەكتى فاكتور ەتىپ، كاسىپتى ساپالىلاندىرىپ، الۋەتتەندىرىپ، سوڭعى كاسىپ تىزبەگىن جاپپاي جانداندىرىپ، شينجياڭ ەكونوميكاسىنىڭ جوعارى ساپالى دامۋى ءۇشىن كۇش قوسامىز.

■ كۇرەس جاساۋ − وتاندى ءسۇيۋدىڭ ەڭ جاقسى ءتاسىلى

  جۇڭگو جۇڭمەي ەنەرگيا شەكتى جارنا سەرىكتەستىگى شينجياڭ بولىمشە سەرىكتەستىگى پارتكومىنىڭ شۋجيى جاۋ ليجىڭ بىلاي دەدى: باس شۋجي شي جينپيڭنىڭ ءسوزى اسا تارتىمدى، ادامدى ەكپىندەي ىلگەرىلەۋگە جەبەيدى. جۇڭمەي ەنەرگياسى شينجياڭ بولىمشە سەرىكتەستىگى رەفورما جاساۋعا، جاڭالىق اشۋعا، شىنايى يگەرىپ، ناقتى ىستەۋگە تاباندى بولىپ، شەكارا وڭىرگە تامىر تارتىپ، قاجىرلىلىقپەن كۇرەس جاساپ، كومىر قازۋ مەن ەلەكتر شىعارۋدى بىرلەستىرىپ تيجارات جۇرگىزۋدىڭ جاڭا ۇلگىسىن ورناتىپ، جاڭا ءداۋىردىڭ ۇمىتىنەن شىعا الاتىن تىڭ ناتيجە جاراتۋعا قۇلشىنامىز.

  باس شۋجي شي جينپيڭنىڭ ماڭىزدى ءسوزىن ۇيرەنگەننەن كەيىن، ەرەكشە ترانسفورماتور شەكتى جارنا سەرىكتەستىگىنىڭ شينجياڭ كەرنەۋ وزگەرتكىش زاۆودى توتەنشە جوعارى كەرنەۋلى سىم وراۋ سەحىنىڭ قىزمەتكەرى لياڭ دۇڭ ايرىقشا جىگەرلەندى. ول بىلاي دەدى: وسىنداي ۇلى جاڭا داۋىردە تۇرمىس كەشىرىپ جاتقان ءبىز جونىنەن العاندا، كۇرەس جاساۋ − ءبىزدىڭ وتاندى ءسۇيۋىمىزدىڭ ەڭ جاقسى ءتاسىلى. بۇدان كەيىن مەن اناعۇرلىم قۇلشىنىپ قىزمەت ىستەپ، ەرەكشە ترانسفورماتور سەرىكتەستىگىنىڭ جۇڭگونىڭ جابدىق جاساۋ سالاسىنداعى ايگىلى ماركا جاراتۋى ءۇشىن تالىقپاي قۇلشىنامىن.

  ”جاڭا ءداۋىر ساپارىندا ءبىز مەملەكەت مەنشىگىندەگى كاسىپورىنداردىڭ جاڭا دامۋ ۇستانىمىن دايەكتىلەندىرۋ، رەفورمانى جاپپاي تەرەڭدەتۋ سىندى ءداۋىر بورىشىن سانالىلىقپەن ارقالاپ، ءتۇستى مەتال كاسىپ سالاسىنىڭ جوعارى ساپالى دامۋىنا جەتەكشىلىك ەتۋدەي تاريحي جاۋاپكەرشىلىكتى ىرىقتىلىقپەن ۇستىمىزگە الىپ، شينجياڭنىڭ ايرىقشا كەن ءونىم بايلىعى ارتىقشىلىعىن تياناق ەتىپ، نەگىزدى كۇشەيتىپ، ۇزاق بولاشاقتى كوزدەپ، نازاردى ساپانى جوعارىلاتىپ، ءونىمدى ارتتىرۋعا شوعىرلاندىرىپ، تۇتاس فاكتورلىق ءوندىرىس مولشەرىن جوعارىلاتىپ، جاڭالىق اشۋ كۇشىمەن ەكونوميكانىڭ جاڭا دامۋ قالىبىنا ۇيلەسىپ، ەل ىشىندە بىرەگەي كەن شارۋاشىلىعى توبىن قۇرۋعا كۇش سالامىز“، - دەدى باتىس بولىك التىن قارامايلى حاتۋ التىن كەنى شەكتى جاۋاپكەرلىك سەرىكتەستىگى پارتكومىنىڭ شۋجيى، ديرەكتورى دۋان ۋيدۇڭ.

■ العان بەتتەن قايتپاي، وتاننىڭ دامۋىنا قىزمەت وتەيمىز

  ”باس شۋجي شي جينپيڭنىڭ ماڭىزدى ءسوزى العا باسۋ ساپارىنىڭ ايبىندى جوباسىن سىزىپ، جاڭا داۋىردە ەكپىندەي ىلگەرىلەۋدىڭ اتتانىسقا كەلتىرۋ جارلىعىن جاريالادى. تولىسقان زاماندى كوزىمىزبەن كورگەن، حالىقتىق كاسىپورىن تيجاراتشىسى بولعان ءبىز پارتيا مەن مەملەكەتتىڭ قامقورلىعىن، مەيىرىن شىنايى سەزىندىك، سونداي - اق جوعارى ساپالى دامۋ جولىمەن ءجۇرۋ سەنىمىمىزدى اناعۇرلىم بەكەمدەي تۇستىك“. اۆتونوميالى رايوندىق ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى، گۋاڭحۇي توبىنىڭ باس جوراسى سۇن گۋاڭشين تەبىرەنىپ بىلاي دەدى: ”ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، وتاننىڭ دامۋىنا قىزمەت وتەۋدى باستان - اياق العان بەتتەن قايتپايتىن تالپىنىسىمىز ەتىپ، كوڭىلدى وزگەگە بۇرماي، تاعى دا ۇزدىك ناتيجە جاراتىپ، وتاننىڭ قادامىنا تىعىز ىلەسىپ، ءداۋىر كوشىمەن توعىسىپ، ۇلى وتاننىڭ اناعۇرلىم كوركەم بولاشاعىن بىرگە جازامىز“.

  جۇڭتاي توقىماشىلىق توبىنا كەلىپ قىزمەت ىستەگەننەن بەرى، شينجياڭ جۇڭتاي توقىماشىلىق توبى شەكتى سەرىكتەستىگى سۋمەن قامداۋ - سۋ ىعىستىرۋ سەحىنىڭ ارالاپ تەكسەرۋ جۇمىسشىسى ابدۇۋالي احات ءماتتۇرسىن مەن ايەلى ۇزبەي ۇيرەنىپ، تەز ارادا تولىستى، ەكەۋىنىڭ ايلىق كىرىسى 10 مىڭ يۋانعا تاياپ، وتباسىندا بانكەگە قويعان اقشالارى بولىپ، بىلتىر ءبىر وتكەرمەلى اۆتوكولىك ساتىپ الدى. ”باقىت كۇرەستەن كەلەدى، تاماشا تۇرمىس جۇمىس ىستەۋدەن كەلەدى“. ابدۇۋالي احات مىنانى ءبىلدىردى: ”مەن باس شۋجيدىڭ ماڭىزدى ءسوزىن رۋحاني قوزعاۋشى كۇش ەتىپ، ۇزدىكسىز جاڭا ءبىلىم ۇيرەنىپ، جاڭا جابدىقتارعا جاتىلىپ، قىزمەت ورنىمدا قۇلشىنا كۇرەس جاساپ، وتباسىمداعىلاردىڭ ءتىپتى دە جاقسى تۇرمىس كەشىرۋىنە مۇمكىندىك جاسايمىن“.

  (تىلشىلەر شى شين، يۋان لەي، ما ينيڭ، ياڭ شۋحان، لۋ فىڭباۋ، ەرىكتى تىلشىلەر ليۋ شۋچىڭ، تۋ يانشيا، ليۋ حۋان جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى