جاۋاپ حات
اۋمىن جيەفاڭ باس قوعامى يجۇن ورتالىعىنىڭ قاريالار ەرىكتى ەڭبەك گرۋپپاسىنداعى بارلىق مۇشەلەر:
سالەمەتسىزدەر مە! سىزدەردىڭ جازعان حاتتارىڭىزدى كورىپ، 10 جىلدىڭ الدىندا اۋمىندا كوپشىلىكپەن كەزدەسكەن ءسات ەسىمە ءتۇستى. سىزدەردىڭ زەينەتكە شىققاننان كەيىن دە الەۋمەتتىك يگىلىك ىستەرىنە قىزۋ ات سالىسىپ، تۇرمىستارىڭىزدىڭ ءماندى دە شات - شادىمان ءوتىپ جاتقاندىعىن ءبىلىپ قاتتى قۋاندىم.
جاڭا جۇڭگونىڭ زامانداستارى رەتىندە، سىزدەر مەملەكەتتىڭ نەشە ون جىلدىق وراسان زور وزگەرىسىنە كۋا بولدىڭىزدار، ”ءبىر ەل، ەكى ءتۇزىم“نىڭ اۋمىندا ءساتتى جۇزەگە اسقانىن باستان كەشىردىڭىزدەر. سىزدەر وزدەرىڭىزدىڭ جۇڭگولىق بولعاندىقتارىڭىزدى شىن جۇرەكتەن ماقتانىش سەزىنەتىندىكتەرىڭىزدى ايتتىڭىزدار، بۇل قالىڭ اۋمىندىق باۋىرلاستاردىڭ دا ورتاق جۇرەك ءسوزى ەكەنىنە سەنەمىن. سىزدەردىڭ قارتتىق ونەگە كورسەتىپ، ۇزدىكسىز ساۋلە شاشىپ، جىلۋ سيلاپ، اۋمىن جاستارىنا وتان قۇشاعىنا ورالۋدان بۇرىنعى، كەيىنگى اڭگىمەلەردى كوبىرەك ايتىپ، ولاردى مەملەكەتتى ءسۇيۋ، اۋمىندى ءسۇيۋ رۋحىن ويداعىداي جالعاستىرىپ، گۋاڭدۇڭ - شياڭگاڭ - اۋمىن ۇلكەن شىعاناق رايون قۇرىلىسىنا بەلسەنە ات سالىسىپ، قول ۇستاسا وتىرىپ اۋمىندى ءتىپتى دە كوركەم ەتىپ قۇرۋعا ىنتالاندىرۋلارىڭىزدى ءۇمىت ەتەمىن.
چۇڭياڭ مەرەكەسى كەلۋ الدىندا تۇر، سىزدەردىڭ، بۇكىل ەلدەگى قارتتاردىڭ ساۋ - سالامات بولىپ ۇزاق عۇمىر ءسۇرۋىن، تۇرمىستارىنىڭ باقىتتى بولۋىن تىلەيمىن!
شي جينپيڭ
2019 - جىلى 10 - ايدىڭ 6 - كۇنى
(شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 10 - ايدىڭ 7 - كۇنى بەيجيڭنەن بەرگەن حابارى. جۇڭگونىڭ ءداستۇرلى مەرەكەسى چۇڭياڭ مەرەكەسى قارساڭىندا، مەملەكەت ءتوراعاسى شي جينپيڭ 10 - ايدىڭ 6 - كۇنى اۋمىن جيەفاڭ باس قوعامى يجۇن ورتالىعىنىڭ قاريالار ەرىكتى ەڭبەك گرۋپپاسىنداعى 30 قارتقا جاۋاپ حات قايتارىپ، ولارعا شىنايى سالەم جولدادى جانە ولاردى جىگەرلەندىردى ءارى بۇكىل ەلدەگى قارتتاردىڭ ساۋ - سالامات بولىپ ۇزاق عۇمىر ءسۇرۋىن، تۇرمىستارىنىڭ باقىتتى بولۋىن تىلەدى.
شي جينپيڭ جاۋاپ حاتىندا مىنالاردى ءبىلدىردى: سىزدەردىڭ جازعان حاتتارىڭىزدى كورىپ، 10 جىلدىڭ الدىندا اۋمىندا كوپشىلىكپەن كەزدەسكەن ءسات ەسىمە ءتۇستى. سىزدەردىڭ زەينەتكە شىققاننان كەيىن دە الەۋمەتتىك يگىلىك ىستەرىنە قىزۋ ات سالىسىپ، تۇرمىستارىڭىزدىڭ ءماندى دە شات - شادىمان ءوتىپ جاتقاندىعىن ءبىلىپ قاتتى قۋاندىم.
شي جينپيڭ مىنالاردى ءبىلدىردى: جاڭا جۇڭگونىڭ زامانداستارى رەتىندە، سىزدەر مەملەكەتتىڭ نەشە ون جىلدىق وراسان زور وزگەرىسىنە كۋا بولدىڭىزدار، ”ءبىر ەل، ەكى ءتۇزىم“نىڭ اۋمىندا ءساتتى جۇزەگە اسقانىن باستان كەشىردىڭىزدەر. سىزدەر وزدەرىڭىزدىڭ جۇڭگولىق بولعاندىقتارىڭىزدى شىن جۇرەكتەن ماقتانىش سەزىنەتىندىكتەرىڭىزدى ايتتىڭىزدار، بۇل قالىڭ اۋمىندىق باۋىرلاستاردىڭ دا ورتاق جۇرەك ءسوزى ەكەنىنە سەنەمىن. سىزدەردىڭ قارتتىق ونەگە كورسەتىپ، ۇزدىكسىز ساۋلە شاشىپ، جىلۋ سيلاپ، اۋمىن جاستارىنا وتان قۇشاعىنا ورالۋدان بۇرىنعى، كەيىنگى اڭگىمەلەردى كوبىرەك ايتىپ، ولاردى مەملەكەتتى ءسۇيۋ، اۋمىندى ءسۇيۋ رۋحىن ويداعىداي جالعاستىرىپ، گۋاڭدۇڭ - شياڭگاڭ - اۋمىن ۇلكەن شىعاناق رايون قۇرىلىسىنا بەلسەنە ات سالىسىپ، قول ۇستاسا وتىرىپ اۋمىندى ءتىپتى دە كوركەم ەتىپ قۇرۋعا ىنتالاندىرۋلارىڭىزدى ءۇمىت ەتەمىن.
اۋمىن جيەفاڭ باس قوعامى يجۇن ورتالىعى 2007 - جىلى قۇرىلعان، ول قارتتارعا قىزمەت وتەيتىن ارناۋلى قۇرىلىم. 2009 - جىلى 1 - ايدا سول كەزدە مەملەكەتتىڭ ورىنباسار ءتوراعاسى مىندەتىن وتەيتىن شي جينپيڭ اۋمىندى كوزدەن كەشىرگەن كەزدە، وسى ورتالىقتاعىلارعا شىنايى امانداسا بارعان بولاتىن. تاياۋدا يجۇن ورتالىعى قاريالار ەرىكتى ەڭبەك گرۋپپاسىنداعى 30 قارت شي جينپيڭگە حات جازىپ، اۋمىننىڭ وتان قۇشاعىنا ورالعاننان كەيىنگى دامۋىن، وزگەرىستەرىن اڭگىمەلەپ، وزدەرىنىڭ جۇڭگولىق بولعانىن اسا ماقتانىش ەتەتىن كوڭىل كۇيلەرىن، مەملەكەتتى سۇيەتىن، اۋمىندى سۇيەتىن رۋحتى جالعاستىراتىن بەكىمدەرىن ءبىلدىردى.
