تىلشىلەر ياۋ گاڭ، رىن جياڭ 10 - ايدىڭ 8 - كۇنى ۇرىمجىدەن حابارلايدى. 10 - ايدىڭ 8 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋعا قاراعاندا، 3 - جاق سەرىكتەستىكتىڭ تەكسەرۋ ساناعى بويىنشا، مەملەكەت مەرەكەسى دەمالىسى كەزىندە شينجياڭ ەل ىشىنەن 12 ميلليون 478 مىڭ 900 ادام - رەت ساياحاتشى قابىلداپ، سايكەس مەزگىلدەگىدەن ％22.19 ارتىپ، ەل ءىشى ساياحاتىنان 17 ميلليارد 577 ميلليون يۋان كىرىس كىرگىزىپ، سايكەس مەزگىلدەگىدەن ％23.37 ارتىپ، قابىلداعان ساياحاتشىلاردىڭ جالپى سانى جانە ساياحات كىرىسى بىردەي جوعارى دەڭگەيگە كوتەرىلگەن.
بۇكىل شينجياڭنىڭ جەر - جەرىندەگى كورىنىس وڭىرلەرى، كورىنىس تۇيىندەرى الۋان فورماداعى قيمىلداردى وتكىزىپ، جاڭا جۇڭگونىڭ 70 جىلدىق مەرەيتويىن قۇتتىقتادى. 10 - ايدىڭ 1 - كۇنى قۇمتاع قۇمدى كورىنىس ءوڭىرى جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ نەگىزگى تاقىرىبىندا ۇلكەن بالكۇلشە جاساتىپ، ساياحاتشىلارمەن ورتاقتاستى. باعراش كولى داحىكوۋ كورىنىس ءوڭىرى ىشىندە 200دەن استام بەس جۇلدىزدى قىزىل تۋ جەلمەن جەلبىرەپ، ساياحاتشىلاردى جاپا - تارماعاي سۋرەتكە ءتۇسىپ ەستەلىك قالدىرۋعا باۋرادى.
شينجياڭ ىشىندەگى ءارقايسى ۇلكەن قىزىل ساياحات كورىنىس وڭىرلەرى، كورىنىس تۇيىندەرى قىرۋار ساياحاتشىنى باۋرادى. 10 - ايدىڭ 1 - كۇنىنەن 4 - كۇنىنە دەيىن شينجياڭ بيڭتۋان اسكەري تىڭ يگەرۋ مۇراجايى ءار كۇنى 3000 ادام - رەتتەن استام ساياحاتشى قابىلدادى، 359 - لۇيىنىڭ تىڭ يگەرۋ ەسكەرتكىش سارايى 4 كۇندە جيىنى ەكسكۋرسيالاۋشىلاردان 10 مىڭنان استام ادام - رەت قابىلدادى.
بۇكىل شينجياڭنىڭ جەر - جەرىندەگى قىزىل ساياحات كورىنىس وڭىرلەرى، كورىنىس تۇيىندەرى مەملەكەت تۋىمەن سۋرەتكە ءتۇسۋ، پارتياعا كىرگەندەگى سەرتتى قايتا ەسكە ءتۇسىرۋ اۋماعىن ارنايى ورنالاستىرىپ، ەكسكۋرسيالاۋعا كەلگەن ساياحاتشىلار قويۋ وتانشىلدىق سۇيىسپەنشىلىكپەن مەملەكەت تۋىمەن سۋرەتكە ءتۇسىپ، ءارقايسى ۇلكەن كورىنىس وڭىرلەرىنىڭ، كورىنىس تۇيىندەرىنىڭ اسەم كورىنىسىنە اينالدى.
مەملەكەت مەرەكەسى دەمالىسى كەزىندە، ءوز اۆتوكولىگىمەن ساياحاتتاۋ كوپتەگەن ساياحاتشىلاردىڭ باستى تالعامىنا اينالدى. ءۇرىمجى اۋدانى ۇلكەن نانشان حالىقارالىق ساياحات ءوڭىرىنىڭ نانشان گۇل تەڭىزى كورىنىس ءوڭىرى قىرۋار ساياحاتشىنى قارسى الدى، ساياحاتشىلار نەگىزىنەن ءۇرىمجى قالاسىنىڭ ماڭايىنان ءوز كولىگىمەن ساياحاتتاپ كەلگەندەر.
بۇگۇر، پوسكام، موري قاتارلى جەرلەر ورىستەتكەن التىن كۇزدە توراڭعىنى تاماشالاۋ قيمىلى دا شينجياڭنىڭ ءىشى - سىرتىنان قىرۋار ساياحاتشىنى باۋرادى.
قارامايلى قالاسىنداعى دۇنيە جۇزىلىك سايتان كەرىش كورىنىس ءوڭىرى ”سايتان كەرىشتى تۇندە ارالاپ، شىراق سالتاناتىن بىرگە تاماشالاۋ“ نەگىزگى تاقىرىبىندا قيمىل وتكىزىپ، كوپتەگەن ساياحاتشىنى وزگەشە كورىنىستى تاماشالاۋعا باۋرادى. 10 - ايدىڭ 2 - كۇنى وسى كورىنىس ءوڭىرى 29 مىڭ ادام - رەتكە تاياۋ ساياحاتشى قابىلداپ، سايكەس مەزگىلدەگىدەن ％35.27 ارتتى.
مەملەكەت مەرەكەسى دەمالىسى كەزىندە، جەر - جەر ساياحات تۇتىنۋ بازارىن باقىلاۋ - باسقارۋدى كۇشەيتىپ، ساياحاتشىلاردىڭ الاڭسىز تۇتىنۋىنا، كوڭىلدى سەرۋەن قۇرۋىنا مۇمكىندىك جاسادى. تيانشان بوعدا كورىنىس ءوڭىرىن باسقارۋ كوميتەتى ورگان كادرلارىن كورىنىس ءوڭىرىنىڭ ءبىرىنشى شەبىندە وركەنيەتتى ءناسيحاتتاۋ جونىنەن ءجون سىلتەۋ، قىزمەت وتەۋ سياقتىلاردى ورىستەتۋگە جىبەردى، تاماشا قىزمەت وتەۋ كوپتەگەن ساياحاتشىنى تيانشان بوعدا كولى كورىنىس وڭىرىنە كەلۋگە باۋراپ، مەملەكەت مەرەكەسى دەمالىسى كەزىندە كورىنىس ءوڭىرى جيىنى 120 مىڭ ادام - رەتتەن استام ساياحاتشى قابىلداپ، ساياحات كىرىسىن 200 ميلليون يۋاننان اسىردى.
