رايونىمىزداعى وقۋ - اعارتۋ قىزمەتكەرلەرى باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەندى، يگەردى −
باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزداعى وقۋ - اعارتۋ قىزمەتكەرلەرى اراسىندا قىزۋ اڭىس قوزعادى. كوپشىلىك جاپپاي: ۇدەرە العا باساتىن رۋحاني كۇيمەن ونەگە كورسەتىپ ادام تاربيەلەۋ سىندى ءتۇبىرلى مىندەتتى تىعىز ارقاۋ ەتىپ، حالىق رازى بولاتىن وقۋ - اعارتۋدى ويداعىداي جۇرگىزۋگە قۇلشىنىپ، جاڭا داۋىردە وقۋ - اعارتۋدىڭ جاڭا تاراۋىن جازاتىندىقتارىن ءبىلدىردى.
■ پارتيا ءۇشىن ادام تاربيەلەيتىن بورىشتىلىق سەزىمدى كۇشەيتەمىز
”باس شۋجي شي جينپيڭنىڭ ءسوزى ادامدى جىگەرلەنە العا باسۋعا جەبەدى، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە تاباندى بولىپ، پارتيانىڭ ساياسي قۇرىلىسىن پارتيانىڭ ءتۇبىرلى قۇرىلىسى ەتىپ، پارتيانىڭ مەكتەپتەرگە جاپپاي باسشىلىعىن شىنايى كۇشەيتىپ، سوتسياليستىك مەكتەپ باسقارۋ بەتالىسىنا شىنايى كەپىلدىك ەتەمىز“. شينجياڭ داشۋەسى پارتكومىنىڭ شۋجيى شۇي شيان - ي مىنانى ءبىلدىردى: ءبىز يدەيالىق - ساياسي قۇرىلىستى ماڭداي الدى ورىنعا قويىپ، قالىڭ وقىتۋشى - وقۋشىلاردى رۋحاني ”كالتسي“دى تولىقتاۋعا، يدەيالىق ”جان - جۇيە“نى بەكەمدەۋگە جەتەكتەپ، ”قوس 100 جىلدىق“ كۇرەس نىساناسىن قۇلشىنا جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا اقىل - پاراساتىمىزدى جانە كۇش - قۋاتىمىزدى قوسامىز.
بايىنعولين كاسىپتىك تەحنيكالىق شۋەيۋانىنىڭ تاربيەشىسى چىن شۋەيا بىلاي دەدى: ”شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاڭا داۋىردە تاربيەشىلەردىڭ يدەيالىق قىزمەت ورىستەتۋىنە ءجون سىلتەيتىن قيمىل باعدارناماسى سانالادى، مەن نازاريا ۇيرەنۋدى ۇزدىكسىز كۇشەيتىپ، ساياسي دەڭگەيىمدى قۇلشىنا جوعارىلاتىپ، جاڭا داۋىردەگى ستۋدەنتتەردىڭ يدەيا - ساياسي تاربيە قىزمەتىن ويداعىداي ىستەپ، وقۋشىلاردى احىلاق، اقىل - وي، دەنە، ەستەتيكا، ەڭبەك جاقتان جان - جاقتى جەتىلگەن سوتسياليزمنىڭ تولىمدى قۇرىلىسشىلارى مەن سەنىمدى ءىزباسارلارى ەتىپ جەتىلدىرەمىن.
■ ۇلتتار ىنتىماعى، العاباسارلىعىندا اناردىڭ ءدانى بولامىز
”ىنتىماق بولماسا، باقىتتى ءومىر دە بولماق ەمەس. ۇلتتار ىنتىماعىن بالالاردان باستاپ مىقتى ۇستاۋ كەرەك، بۇل ءبىز سياقتى وقۋ - اعارتۋعا كومەك بەرۋشى وقىتۋشىلار ارقالاۋعا ءتيىستى جاۋاپكەرشىلىك“. اۆتونوميالى رايوندىق پارتكوم بىرلىكساپ ءبولىمىنىڭ كەلپىن اۋدانى يۇىرچي اۋىلى شيڭشيڭ بالاباقشاسىنا وقۋ - اعارتۋعا كومەككە بارعان كادر ما شياڭتيڭ بىلاي دەدى: ”مەن باس شۋجي شي جينپيڭنىڭ تاپسىرماسىن قاشاندا ەستە بەرىك ساقتاپ، ’ۇلتتار ىنتىماعىنىڭ بەرەكەلى شاڭىراعى‘ جانە ۇلتتار ىنتىماعىنىڭ بىرلەسكەن دوستىق قيمىلىن زور كۇشپەن ورىستەتىپ، بالاباقشاداعى ۇلتتار ىنتىماعى تاربيەسىن ۇزدىكسىز تەرەڭدەتىپ، ۇلتتار ىنتىماعى تۇقىمىنىڭ بالالار جۇرەگىندە تامىر تارتىپ، وركەن جايۋىنا مۇمكىندىك جاسايمىن“.
ءۇرىمجى قالالىق 36 - ورتا مەكتەپ ۇلتتار ىنتىماعى تاربيەسى قىزمەتىن قاشاندا وقۋ - وقىتۋدىڭ ءار بۋىنىنا ءسىڭىرىپ، ”وتاندى سۇيەتىن، مەكتەپتى سۇيەتىن، ىنتىماقتاسا العا باساتىن، قۋانىشتى دا جاراسىمدى“ تاماشا اۋقىم قالىپتاستىردى. اتالعان مەكتەپ پارتيا باس ياچەيكاسىنىڭ شۋجيى باي ياديڭ مىنانى ءبىلدىردى: مەكتەبىمىز وتباسى مەن مەكتەپتىڭ بايلانىسىن ۇزدىكسىز نىعايتىپ، پارتيانىڭ وقۋ - اعارتۋدا حالىققا تيىمدىلىك جاساۋ ساياساتتارىن ويداعىداي تياناقتاندىرىپ، وتانشىلدىق جانە ۇلتتار ىنتىماعى تاربيەسىن تاباندىلىقپەن تىنباي ورىستەتىپ، ۇلتتار ىنتىماعى تاربيەسىنىڭ مەكتەپكە كىرۋىن، ساباقحاناعا كىرۋىن، وي - ساناعا ءسىڭۋىن ۇزدىكسىز ىلگەرىلەتىپ، ۇلتتار ىنتىماعى تاربيەسىنىڭ ۇدايىلانعان مەحانيزمىن ورناتىپ، ادامنىڭ ءبارى ۇلتتار ىنتىماعى، العاباسارلىعىنداعى اناردىڭ ءدانى بولۋعا تالپىناتىن تاماشا اۋقىم قالىپتاستىرامىز.
ىلە پەداگوگيكا داشۋەسى ماركسيزم شۋەيۋانى نەگىزدىك وقىتۋدى زەرتتەۋ كەڭسەسىنىڭ مەڭگەرۋشىسى ما چۇنشيا بىلاي دەدى: ”جوعارى مەكتەپتەگى يدەيا - ساياسي ساباعىنىڭ وقىتۋشىسى رەتىندە، مەن پارتيا ءۇشىن ادام تاربيەلەۋ، وتان ءۇشىن دارىندى تاربيەلەۋ سىندى داڭقتى بورىشتى ەسىمدە مىقتى ساقتاپ، ونەگە كورسەتىپ، ادام تاربيەلەۋ سىندى ءتۇبىرلى مىندەتتى ويداعىداي تياناقتاندىرىپ، وقۋشىلاردىڭ وتانشىلدىق سۇيىسپەنشىلىگىن، مەملەكەتتى قۇدىرەتتەندىرۋ جىگەرىن، وتاننىڭ ءۇمىتىن اقتاۋ ارەكەتتەرىن جالىنداتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاستىق كوكتەم كۇشىن ۇستەيمىن“.
(تىلشىلەر جاۋ شييا، فۋ شياڭلۇڭ، جاڭ جىلي، دۋ جيانحۇي، جازيرا نەسىپبەك، ۋاڭ دۇڭ جازعان)
