تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

قول ۇستاسا كەدەيلىكتەن ارىلتۋدان قامال الىپ، كوركەم كەلەشەكتى بىرگە قۇرايىق

رايونىمىزداعى كەدەيلىكتەن ارىلتۋدان قامال الۋدىڭ ءبىرىنشى شەبىندە ەرلىكپەن شايقاس جاساپ جاتقان كادرلار مەن بۇقارا باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ رۋحىن مۇقيات ۇيرەندى، يگەردى −

قول ۇستاسا كەدەيلىكتەن ارىلتۋدان قامال الىپ، كوركەم كەلەشەكتى بىرگە قۇرايىق

  باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنداعى ماڭىزدى ءسوزى تيانشاننىڭ تۇستىگى مەن تەرىستىگىندە كەدەيلىكتەن ارىلتۋدان قامال الۋدىڭ ءبىرىنشى شەبىندە ەرلىكپەن شايقاس جاساپ جاتقان ءار ۇلت كادرلارى مەن بۇقارانىڭ كەدەيلىكتەن ارىلتۋدان قامال الۋ شايقاسىندا، ءسوزسىز، جەڭىسكە جەتۋ جىگەرىن اناعۇرلىم تاسقىنداتتى، سەنىمىن كۇشەيتتى.

  كوپشىلىك جاپا - تارماعاي مىنالاردى ءبىلدىردى: كەدەيلىكتەن ارىلتۋدان قامال الۋ نەعۇرلىم سوڭىنا تاياعان سايىن سولعۇرلىم قيىنداسادى، باس شۋجي شي جينپيڭنىڭ ماڭىزدى ءسوزىنىڭ رۋحىن ويداعىداي ۇيرەنىپ، دايەكتىلەندىرىپ، ۇزدىكسىز كۇرەس جۇرگىزىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋگە بار كۇشىمىزدى سالۋىمىز ءتيىس.

■ جاۋاپكەرشىلىكتى كۇشەيتىپ، نىسانادان تايمادى، استە بوساڭسىمادى

  ”باس شۋجي شي جينپيڭنىڭ ماڭىزدى ءسوزى اۆتونوميالى رايونىمىزداعى كەدەيلەردى سۇيەمەلدەۋ جۇيەسىندەگى كادرلار مەن جۇمىسشى - قىزمەتشىلەردى ايرىقشا شابىتتاندىردى“. اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشىسى ساۋ جىۋىن مىنالاردى ءبىلدىردى: ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن باتىل دايەكتىلەندىرىپ، تياناقتاندىرىپ، جاۋاپكەرشىلىكتى اناعۇرلىم كۇشەيتىپ، سەنىمدى بەكەمدەپ، استە اۋىتقىماي، نىسانادان تايماي، استە بوساڭسىماي، ماسەلەنى رەتتەۋ - وڭاۋدا استە بولبىرلىق ىستەمەي، جاۋاپكەرشىلىكتى تياناقتاندىرۋدا استە سالعىرتسىماي، ستيلدە بۇرىلىس جاساۋدا استە سامارقاۋلىققا سالىنباي، باتىل تۇجىرىم جاسايتىن ەرلىكپەن، شەشۋشى شايقاس جۇرگىزەتىن بەكىممەن، ەڭ مىعىم كۇشپەن شايقاسقا اتتانىپ، قامال الىپ، قيىندىقتاردى جەڭىپ، كەدەرگىلەردى الاستاپ، كەدەيلىكتەن ارىلتۋدان قامال الۋ شايقاسىندا باتىلدىقپەن جەڭىسكە جەتەمىز.

  كەلپىن اۋداندىق پارتكومنىڭ شۋجيى كى شۇي بىلاي دەدى: باس شۋجي شي جينپيڭنىڭ ماڭىزدى ءسوزى كەدەيلىكتەن ارىلتۋدان قامال الۋدىڭ ءبىرىنشى شەبىندە ەرلىكپەن شايقاس جاساپ جاتقان كادرلار جونىنەن ءارى جەتەكشى، ءارى شابىت جانە مەدەت بولدى. ”ءبىز’ دالمە - ءدال بولۋ‘دى مىقتاپ يگەرىپ، بوساڭسىماي، جەر جاعدايىنا قاراي، قىستاققا، وتباسىلارىنا، ادامعا قاراي شارا قولدانۋ تالابى بويىنشا، جۇمىستاندىرۋ ارقىلى كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، وقۋ - اعارتۋ ارقىلى كەدەيلەردى سۇيەمەلدەۋ، سالاماتتىق ارقىلى كەدەيلەردى سۇيەمەلدەۋ سياقتى كەدەيلەردى دالمە - ءدال سۇيەمەلدەۋدەگى ءتۇيىندى قىزمەتتەردى تىڭعىلىقتى تۇردە ويداعىداي ىستەپ، كەدەيلەردى دالمە - ءدال، تۇبىرىنەن سۇيەمەلدەۋدى ىلگەرىلەتەمىز. سونىمەن قاتار باسىمدىعى بار بايلىقتاردى تياناق ەتىپ، بەلدى كاسىپورىنداردى قولداپ، ايگىلى ماركالاردى جەتىلدىرىپ، كاسىپ سالاسىن دامىتۋ ارقىلى ەگىنشى - مالشىلاردىڭ كىرىسىن ورنىقتى ارتتىرۋعا باستايمىز، - دەدى كى شۇي.

■ ستيلگە بۇرىلىس جاساپ، دالمە - ءدال شارالاردى ناقتاپ تياناقتاندىردى

  قازىر اقتاۋ اۋدانى پىلال اۋىلى پىلال قىستاعىندا كۇزگى جيىن - تەرىن جۇمىستارى ءالى اياقتامادى، قىستاق تۇرعىندارىمەن بىرگە ۇنەمى ەگىس جۇمىستارىن ىستەيتىن اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ اقتاۋ اۋدانى پىلال اۋىلى پىلال قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جوۋ فىڭ مىنالاردى ءبىلدىردى: پىلال قىستاعى بيىل اۋىر كەدەي قىستاقتاردىڭ قاتارىنان شىعارىلدى. ءبىز باس شۋجيدىڭ ماڭىزدى ءسوزىنىڭ رۋحىن، ءسوزسىز، قاز - قالپىندا تياناقتاندىرىپ، كەدەيلىكتەن ارىلتۋدان قامال الۋدىڭ ىشكەرىلەي دامۋىن دەن قويا، سۇيىسپەنشىلىكپەن، كۇش سالا ىلگەرىلەتەمىز.

  جاڭاشار اۋدانى ارال اۋىلدىق پارتكومنىڭ شۋجيى جان باڭجۋ مىنالاردى ءبىلدىردى: باس شۋجيدىڭ ماڭىزدى ءسوزى جۇرتتى جىگەرلەندىرىپ، ادامعا دەم بەرەدى. ”ءبىز جاۋاپكەرشىلىگىمىزدىڭ اۋىر ەكەندىگىن تەرەڭدەي سەزىندىك. ءار جاقتىڭ كۇشىن ىشكەرىلەي ءبىر تۇتاس جوسپارلاپ ورنالاستىرىپ، ۇزدىكسىز ناقتى يگەرىپ، تەرەڭدەي يگەرىپ، باعىتتامالىلىعى اناعۇرلىم كۇشتى شارالاردى قولدانىپ، دالمە - ءدال بولۋعا كۇش سالىپ، ناقتى ونىمدىلىككە جەتەمىز“. جان باڭجۋ بىلاي دەدى: ”ءبىز باس شۋجيدىڭ تاپسىرماسىن ەستە بەرىك ساقتاپ، بۇكىل اۋىلداعى ءار ۇلت كادرلارىن، بۇقاراسىن ىنتىماقتاستىرىپ، باستاپ، ءبىر نيەت، ءبىر تىلەكتە بولىپ، كەدەيلىكتەن ارىلتۋدان قامال الۋ شايقاسىندا تاباندىلىقپەن باتىل جەڭىسكە جەتەمىز“.

■ كۇرەس جىگەرىن تاسقىنداتىپ، قيىندىقتاردان تايسالماي، باتىلدىقپەن جاۋاپكەرشىلىك ارقالادى

  10 - ايدىڭ 1 - كۇنى موري قازاق اۆتونوميالى اۋدانى شيجىر قالاشىعى شۇيموگوۋ قىستاعىندا، قىستاق تۇرعىنى مۇحاممەت قادىر ءوز ءۇيىنىڭ شارۋالار قوناقجايىندا ساياحاتشىلارمەن بىرگە باس شۋجيدىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنداعى ماڭىزدى ءسوزىنىڭ تىكە بەرىلىمىن كوردى. ول تەبىرەنە: باس شۋجيدىڭ ماڭىزدى ءسوزىن تىڭداعاننان كەيىن، كوڭىلىم شالقىدى. پارتيا مەن ۇكىمەتتىڭ قولداۋىندا مەن كەدەيلىكتەن ارىلىپ، كەدەيلىك قالپاعىن الىپ تاستادىم، ەندى قالاي اۋقاتتانۋدا تاعى دا ءوز قۇلشىنىسىما سۇيەنەمىن، قازىر ساياسات وسىنشاما جاقسى، تەك تاباندىلىقپەن بەرىلە ىستەسەك بولعانى، الداعى كۇندەرىمىزدىڭ بارعان سايىن جاقسى بولاتىندىعىنا سەنەمىن“ دەدى.

  بىرنەشە كۇننەن بەرى، اراتۇرىك اۋدانى اداق اۋىلى شارۋالار شاتتىعى ساياجايىن اشاتىن عالىپ ياحۇپ ساياحاتشىلاردى كۇتىپ ابىگەر، ول ۇيىندە كەدەيلەردى سۇيەمەلدەۋ بويىنشا بەرىلگەن تاۋىقتى جاقسى باققاندىقتان، ونىڭ ۇستىنە ايەلىنىڭ اسپازدىق ونەرى ۇستەم بولعاندىقتان، كوپتەگەن ساياحاتشىنى وزدەرىنە باۋرادى. باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنداعى ماڭىزدى ءسوزىن اۋىزعا العاندا، ول بىلاي دەدى: ”مەن كەزىندە كەدەي بولاتىنىمىن، قازىر كەدەيلىكتەن ارىلىپ، اۋقاتتانىپ، دوڭگەلەك داۋلەتتى بولۋعا قاراي ۇمتىلدىم، بۇل پارتيانىڭ ابزال ساياساتىنىڭ ناتيجەسى. باس شۋجي ’جۇڭگونىڭ ەرتەڭى، ءسوزجوق، اناعۇرلىم كوركەم‘ بولاتىندىعىن ايتتى، وسى ءسوزدى ەستىگەندە مەن ايرىقشا جەلپىندىم، ەرەكشە ماقتانىش سەزىندىم، كۇش - قايراتىم تاسقىندادى“.

  (تىلشىلەر جاڭ جىلي، ۋاڭ شينحۇڭ، حان چينيان، گاي يوۋجۇن، حى ليڭ، رايدا، ەرىكتى تىلشىلەر چىن ليڭ، ۋ دان جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى