تيانشان تورى   ›   جاڭالىقتار   ›   شينجياڭ حابارلارى

داۋىرمەن قادامداس بولىپ، حالىققا سارا تۋىندى ۇسىنامىز

رايونىمىزدىڭ مادەنيەت قىزمەتكەرلەرى باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەندى، يگەردى −

داۋىرمەن قادامداس بولىپ، حالىققا سارا تۋىندى ۇسىنامىز

  باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزى رايونىمىزدىڭ ءار ۇلت مادەنيەت قىزمەتكەرلەرى اراسىندا قىزۋ اڭىس قوزعادى. كوپشىلىك جابال مىنالاردى ءبىلدىردى: حالىقتى وزەك ەتۋدەن جازباي، پارتيانى جىرلاعان، وتاندى جىرلاعان، حالىقتى جىرلاعان، قاھارماندى جىرلاعان سارا، تارتىمدى تۋىندىلاردى ۇزدىكسىز شىعارىپ، شينجياڭداعى ءار ۇلت حالقىنا اناعۇرلىم جاقسى قىزمەت ىستەپ، ءار ۇلت بۇقاراسىن اناعۇرلىم مول تابىس سەزىمىنە كەنەلتىپ، ”قوس 100 جىلدىق“ كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۋاتتى وڭ ەنەرگيا توپتايمىز.

■ حالىقتى وزەك ەتۋدەن جازبايمىز

  ”باس شۋجي شي جينپيڭنىڭ ماڭىزدى ءسوزى ەرەكشە شابىتتاندىرىپ، بارىنشا جەلپىندىردى. مەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتى وزەك ەتۋدەن جازباي، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن قۇلشىنا قاناعاتتاندىرىپ، داۋىرمەن قادامداس بولۋدان جازباي، حالىققا سارا تۋىندى ۇسىنامىن“، - دەيدى. تارباعاتاي ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى چاي حۇڭحۋا، - بۇقارانىڭ تاماشا تۇرمىسقا دەگەن تالپىنىسىن ارقاۋ ەتىپ، مادەنيەت - ساياحات قىزمەتىن ۇزدىكسىز ىلگەرىلەتىپ، ”ماي بوياۋلى سۋرەتتەي تارباعاتاي، مادەنيەتتەگى كىرشىكسىز ءوڭىر، تىنىعۋداعى تاماشا جەر“ قۇرامىز.

  شينجياڭ سۋرەتحاناسىنىڭ ورىنباسار باستىعى جاڭ لەيجىن بىلاي دەدى: ”ءبىز وسى زامانعى جۇڭگونىڭ ۇلى جاسامپازدىعى بارىسىنان شىعارماشىلىق تاقىرىبىن بايقاپ، جاسامپازدىقتىڭ شابىتىن الىپ، وسى ءداۋىرىمىزدىڭ تاريحي زور وزگەرىسىن تەرەڭ بەينەلەپ، ءداۋىردى ەستەلىككە الىپ، وتاندى جىرلايمىز، حالىقتى جىرلايمىز“.

■ حالىققا قىزمەت وتەۋ ورەسىن جوعارىلاتامىز

  حالىقتى وزەك ەتۋدەن جازباۋدا، ءسوز جوق، حالىققا قىزمەت وتەۋ ورەسىن جوعارىلاتۋ كەرەك. ”ءبىز ادەبيەت - كوركەمونەر تۋىندىلارىنىڭ كىشكەنەسى ارقىلى ۇلكەندى بەينەلەۋ، شاتتىققا بولەپ تاربيە بەرۋ، شىعارما ارقىلى ادامدى يلاندىرۋداي ارتىقشىلىقتارىن تولىق ساۋلەلەندىرىپ، ادەبيەت - كوركەمونەر شىعارماشىلىعىن، جاسامپازدىعىن ۇزدىكسىز جۇرگىزىپ، ادەبيەت - كوركەمونەر تۋىندىلارىنىڭ ساپاسىن ۇزدىكسىز جوعارىلاتىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، پارتيانى جىرلاعان، وتاندى جىرلاعان، حالىقتى جىرلاعان، قاھارماندى جىرلاعان سارا، تارتىمدى تۋىندىلاردى ۇزدىكسىز شىعارىپ، ءار ۇلت بۇقاراسىن پارتياعا العىس ايتىپ، وتانعا العىس ايتىپ، قازىرگى تاماشا تۇرمىستى قاستەرلەۋگە جەتەكتەيمىز“، - دەدى اقسۋ ايماقتىق ادەبيەت - كوركەمونەرشىلەر بىرلەستىگىنىڭ ورىنباسار ءتوراعاسى، تارىم ءان - ءبي ۇيىرمەسىنىڭ باستىعى ءمامتىمىن سادىق.

  ماكىت اۋدانى بازار ءجامي قالاشىعى شامقۇرلىق باستاۋىش مەكتەبىندە، 30دان استام وقۋشى حاتكەرلىككە جاتتىعىپ وتىر، بۇل اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ قىستاقتا تۇراتىن قىزمەت اترەتىنىڭ قۇلشىنىسىنىڭ ناتيجەسى. بيىل اۆتونوميالى رايوندىق ادەبيەت - كوركەمونەرشىلەر بىرلەستىگى «ۇلتتار ادەبيەتى جيناعى» جۋرنالى مەكەمەسىنىڭ باس رەداكتورى، شينجياڭ جازۋشىلار قوعامىنىڭ ورىنباسار ءتوراعاسى دىلمۇرات تالاتتىڭ ”ۇعىسۋ، تيىمدىلىك جاساۋ، توعىستىرۋ“ قىزمەتىنە قاتىناسقاندىعىنىڭ ءۇشىنشى جىلى. ول بىلاي دەدى: ”باس شۋجي شي جينپيڭنىڭ ءسوزى مەنى بارىنشا شابىتتاندىردى، مەن ءتىپتى دە جاقسى، ءتىپتى دە كلاسسيكالىق تۋىندىلار جازىپ، ءار ۇلت حالقىنا اناعۇرلىم جاقسى قىزمەت وتەيمىن“.

  ”قازىر شينجياڭنىڭ ءارقايسى اۋدان، قالا، رايوندارىندا مادەنيەت سارايى، كىتاپحانا، مۇراجاي سياقتى الەۋمەتتىك قىزمەت وتەۋ قۇرىلىمدارىمەن جاپپاي قامتۋ جۇزەگە استى، 1183 اۋىل، قالاشىق، الاڭدا نەگىزگى ساتى كەشەندى مادەنيەت قىزمەت وتەۋ ورتالىعىمەن جاپپاي قامتۋ جۇزەگە استى“. اۆتونوميالى رايوندىق مادەنيەت جانە ساياحات مەڭگەرمەسى الەۋمەتتىك قىزمەت وتەۋ باسقارماسىنىڭ باستىعى ۋاڭ شۋشىڭ بىلاي دەدى: ”كەلەسى قادامدا، ءبىز وسى زامانعى الەۋمەتتىك مادەنيەت قىزمەت وتەۋ جۇيەسىن ورناتىپ، ءار ۇلت حالقىنىڭ مادەنيەتتىڭ گۇلدەنۋى مەن كوركەيۋىنەن وتانىمىزدىڭ جالپىلىق مەملەكەت قۋاتىنىڭ جوعارىلاعاندىعىن اناعۇرلىم سەزىنۋىنە مۇمكىندىك جاسايمىز“.

(تىلشىلەر شۇي بو، رىن جياڭ، ياۋ گاڭ، دۇڭ لياڭ، لي لي، جيا چۇنشيا جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى