اۋىل - قىستاق كاسىپ سالاسىن كوركەيتۋدى جەتەكشى ەتىپ، اۋىل - قىستاق، اۋىل شارۋاشىلىعى، شارۋالار قىزمەتىنىڭ جاڭا جاعدايىن اشايىق
ءتىلشى لي ياڭ 10 - ايدىڭ 11 - كۇنى ۇرىمجىدەن حابارلايدى. اۆتونوميالى رايوننىڭ اۋىل - قىستاق كاسىپ سالاسىن كوركەيتۋ جونىندەگى زەرتتەۋ - تالقى ءماجىلىسى 10 - ايدىڭ 10 - كۇنى ۇرىمجىدە اشىلدى. ءماجىلىس باس شۋجي شي جينپيڭنىڭ اۋىل - قىستاق، اۋىل شارۋاشىلىعى، شارۋالار قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، رايونىمىزدىڭ 1 - كاسىپتىڭ دەڭگەيىن جوعارىلاتۋدى جەبەۋدەگى تاجىريبەلەرى مەن ءادىس - تاسىلدەرىن قورىتىندىلاپ، رايونىمىزدىڭ اۋىل - قىستاق كاسىپ سالاسىن كوركەيتۋدەگى ارتىقشىلىقتارىنا جانە ولقىلىقتارىنا جۇيەلى تالداۋ جاساپ، اۋىل - قىستاق كاسىپ سالاسى دامۋىنىڭ جاڭا ۇلگىسى، جاڭا كاسىپ قالىبى، جاڭا قوزعالىس ەنەرگياسى جونىندە ىشكەرىلەي زەرتتەۋ - تالقى جۇرگىزىپ، اۋىل - قىستاق، اۋىل شارۋاشىلىعى، شارۋالار قىزمەتىن ويداعىداي ىستەۋدى جەبەۋگە، اۋىل - قىستاق كاسىپ سالاسىن كوركەيتۋگە اقىل - كەڭەس بەردى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.
جۋىق جىلداردان بەرى، رايونىمىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنا تاباندى بولىپ، اۋىل - قىستاق، اۋىل شارۋاشىلىعى، شارۋالار قىزمەتىن تىڭعىلىقتى ويداعىداي ىستەدى، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى ىشكەرىلەي ىلگەرىلەتىلىپ، اۋىل شارۋاشىلىعىن كاسىپ سالالاندىرۋدىڭ جەتەكتەۋ كۇشى اناعۇرلىم پارمەندى بولىپ، اۋىل - قىستاق كاسىپ سالاسى كۇيى اناعۇرلىم تۇرلىلەنىپ، كاسىپ تيجاراتى ۇلگىسىندە ۇزدىكسىز جاڭالىق اشىلىپ، كاسىپ سالاسى ارقىلى كەدەيلەردى سۇيەمەلدەۋ تىڭعىلىقتى ىلگەرىلەتىلدى. الايدا ءىشىنارا جەتەرسىزدىكتەر دە ساقتالۋدا.
ءماجىلىس مىنالاردى اتاپ كورسەتتى: ءبىز باس شۋجي شي جينپيڭنىڭ اۋىل - قىستاق، اۋىل شارۋاشىلىعى، شارۋالار قىزمەتى جونىندەگى ماڭىزدى بايىمداۋلارىن ۇيرەنۋدىڭ، دايەكتىلەندىرۋدىڭ تەرەڭگە بويلاۋىن، كوڭىلگە ۇيالاۋىن، ناقتىلانۋىن جەبەپ، اۋىل - قىستاق كاسىپ سالاسىن كوركەيتۋدى جەتەكشى ەتىپ، جاۋاپكەرشىلىك سەزىمدى، كوكەي تەستىلىك سەزىمدى شىن مانىندە كۇشەيتىپ، اۋىل - قىستاق، اۋىل شارۋاشىلىعى، شارۋالار قىزمەتىنىڭ جاڭا جاعدايىن قۇلشىنا اشۋىمىز كەرەك.
ءماجىلىس مىنالاردى باسا دارىپتەدى: اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋ سىندى وسى نەگىزگى ارقاۋدى ويداعىداي يگەرۋگە تاباندى بولىپ، استىقتى ورنىقتىرۋدى، ماقتانى ساپالىلاندىرۋدى، مال شارۋاشىلىعىن جەبەۋدى، جەمىس شارۋاشىلىعىن الۋەتتەندىرۋدى، ەرەكشە شارۋاشىلىقتى گۇلدەندىرۋدى ىلگەرىلەتىپ، ەرەكشەلىگى ايقىن، باسىمدىعى شوعىرلانعان، كاسىپ سالاسى توعىسقان، بازارداعى باسەكەلىك قۋاتى كۇشتى اۋىل شارۋاشىلىعى ونىمدەرى باسىم ءوڭىرىن سومداپ، اۋىل شارۋاشىلىعى ونىمدەرىنىڭ ءونىمدى قامداۋ ساپاسى مەن پايداسىن ۇزدىكسىز جوعارىلاتىپ، شارۋالاردىڭ كىرىستەرىن ۇزدىكسىز ارتتىرۋىنا جانە كەدەيلىكتەن ارىلىپ، بايۋىنا ءونىمدى جەتەكشىلىك ەتۋ كەرەك. شارۋالاردىڭ كىرىسىن ارتتىرۋدى كوزدە ۇستاي وتىرىپ، اۋىل - قىستاقتىڭ ءوندىرىس ءتاسىلىن جانە تۇرمىس ءتاسىلىن، سونداي - اق قوعامدىق جونگە سالۋ جۇيەسىن وسىزامانداندىرىپ تيپىن وزگەرتۋدى جەبەپ، بايلىقتىڭ جايعاسۋىن اناعۇرلىم ساپالىلاندىرىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى، اۋىل - قىستاق ەڭبەككۇشتەرىن باسقا سالاعا ويىستىرىپ جۇمىستاندىرۋدى، اۋىر كەدەي وڭىرلەردىڭ كەدەيلىكتەن ارىلتۋدان قامال الۋدا تىڭ ناتيجە جاراتۋىن تىڭعىلىقتى ىلگەرىلەتۋ كەرەك. اۋىل - قىستاقتىڭ جاسىل دامۋ دەڭگەيىن، نەگىزدىك قۇرىلعى قۇرىلىس دەڭگەيىن، الەۋمەتتىك قىزمەت وتەۋ دەڭگەيىن، رەفورما جاساۋ، جاڭالىق اشۋ دەڭگەيىن جوعارىلاتىپ، اۋىل - قىستاق كاسىپ سالاسىن كوركەيتۋدىڭ نەگىزىن ۇزدىكسىز بەكەمدەۋ كەرەك. اۋىل - قىستاق ۇسىنىلىمىن قامتاماسىزداندىرۋ جۇيەسىن، اۋىل شارۋاشىلىعى عىلىم - تەحنيكاسىمەن قىزمەت وتەۋ جۇيەسىن، دارىندىلارمەن قولداۋ جۇيەسىن، اپاتتان ساقتانۋ، مەڭگەرۋ جۇيەسىن، اۋىل - قىستاقتى جونگە سالۋ جۇيەسىن تەز قارقىنمەن كەمەلدەندىرىپ، اۋىل - قىستاق كاسىپ سالاسىنىڭ جوعارى ساپالى دامۋىن جۇزەگە اسىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى. اۆتونوميالى رايون باسشىلارىنان دۇڭ شينگۋاڭ، ءمۇتاللىپ وبۇل، كۇڭ شيڭلۇڭ قاتىناستى. اۆتونوميالى رايوننىڭ اۋىل شارۋاشىلىعىنا قاتىستى ورىنداردىڭ، عىلمي زەرتتەۋ ورىندارىنىڭ، زەرتتەۋ ۇجىمدارىنىڭ، كاسىپورىنداردىڭ جانە ايماقتاردىڭ، وبلىستاردىڭ ءبىر ءبولىم قاتىستى جاۋاپتى جولداستارى ارناۋلى تاقىرىپتا بايانداما جاسادى.
