تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ نەپالدىڭ زۇڭتۇڭى بانداريمەن كەزدەستى

ەكى مەملەكەتتىڭ باسشىلارى جۇڭگو مەن نەپالدىڭ دامۋعا جانە گۇلدەنۋگە بەت العان ۇرپاقتان - ۇرپاققا جالعاساتىن دوستىق ستراتەگيالىق سەلبەستىك سەرىكتەستىك قارىم - قاتىناسىن ورناتۋدى بىرگە جاريالادى

  10 - ايدىڭ 12 - كۇنى مەملەكەت ءتوراعاسى شي جينپيڭ كاتماندۋداعى زۇڭتۇڭ سارايىندا نەپالدىڭ زۇڭتۇڭى بانداريمەن كەزدەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 10 - ايدىڭ 12 - كۇنى كاتماندۋدان بەرگەن حابارى (تىلشىلەر حو شياۋگۋاڭ، مىڭ نا، سۇن حاۋ). مەملەكەت ءتوراعاسى شي جينپيڭ 10 - ايدىڭ 12 - كۇنى كاتماندۋداعى زۇڭتۇڭ سارايىندا نەپالدىڭ زۇڭتۇڭى بانداريمەن كەزدەستى. ەكى مەملەكەتتىڭ باسشىلارى ەكى جاقتىڭ تار جول، تايعاق كەشۋدەن بىرگە ءوتۋ، سەلبەستىك ورناتىپ، تەڭ يگىلىككە كەنەلۋ رۋحىن نەگىزگە الىپ، جۇڭگو مەن نەپالدىڭ دامۋعا جانە گۇلدەنۋگە بەت العان ۇرپاقتان - ۇرپاققا جالعاساتىن دوستىق ستراتەگيالىق سەلبەستىك سەرىكتەستىك قارىم - قاتىناسىن ورناتاتىندىقتارىن بىرگە جاريالادى.

  شي جينپيڭ بىلاي دەپ اتاپ كورسەتتى: بيىل 4 - ايدا بەيجيڭدە ءسىز مەنى بيىل نەپالدا ساپاردا بولۋعا شىن ىقىلاسپەن ۇسىنىس ەتتىڭىز. مەن بۇگىن ۋادە بويىنشا كەلدىم. زۇڭتۇڭ حانىمنىڭ ايتقانىنداي، جۇڭگو مەن نەپال اراسىندا تەك دوستىق جانە سەلبەستىك بار. اۋەجايداعى جانە جول بويىنداعى قارسى العان ادامداردىڭ جۇزدەرىنەن مەن نەپال حالقىنىڭ شىنايى جايدارىلىعىن كورىپ، ولاردىڭ جۇڭگو حالقىنا دەگەن شىن نيەتتى دوستىعىن سەزىندىم، بۇل ماعان جۇڭگو مەن نەپال دوستىعىنىڭ نەپالدا كەڭ كولەمدى ورتاق تانىمعا جانە بەرىك نەگىزگە يە ەكەندىگىن تاعى ءبىر رەت سەزىندىردى. جۇڭگو مەن نەپال ەكى ەل حالقىنىڭ نيەتى ءبىر، تىنىسى ءبىر، كورشىلەس ەلدەردىڭ دوستىق بارىس - كەلىسىنىڭ تيپتىك ۇلگىسى. مەن وسى رەتكى ساپارىم ارقىلى جۇڭگو مەن نەپالدىڭ ءداستۇرلى دوستىعىن جالعاستىرىپ، ەكى ەل حالقىنىڭ تىلەگىنە سايكەسىپ، ەكى ەل قارىم - قاتىناسىنىڭ تاعى ءبىر جوعارى ساتى كوتەرىلۋىن ىلگەرىلەتۋدى ءۇمىت ەتەمىن.

  شي جينپيڭ بىلاي دەپ باسا دارىپتەدى: ەكى جاق جۇڭگو مەن نەپال قارىم - قاتىناسىنىڭ ساياسي نەگىزىن بەكەمدەپ، تاعدىرلاس ورتاق تۇلعا ورناتۋدى جۇڭگو مەن نەپال قارىم - قاتىناسىن دامىتۋدىڭ ۇزاق بولاشاقتىق نىساناسى ەتۋ كەرەك. نەپال جاقتىڭ ءبىر جۇڭگو ساياساتىن باتىل اتقارىپ، ۇزاق ۋاقىتتان بەرى جۇڭگو جاقتى باتىل قولداپ كەلگەندىگىنە العىس ايتامىن. جۇڭگو جاق نەپالدىڭ مەملەكەتتىڭ تاۋەلسىزدىگىن، يەلىك ۇقىعىن، تەرريتوريا تۇتاستىعىن قورعاۋىنا بۇرىنعىسىنداي قولداۋ كورسەتىپ، نەپالدىڭ ەكونوميكالىق، قوعامدىق دامۋىنا قۋاتىنىڭ جەتىسىنشە قولداۋ كورسەتەدى جانە كومەكتەسەدى.

  ەكى جاق جان - جاقتى سەلبەستىك جۇلگەسىن ورناتىپ، گيمالاي اتتاعان ستەرەولدى ۇلاستىرۋ - تۇتاستىرۋ تورى قۇرىلىسىن ورىستەتىپ، ءتۇرلى سالالارداعى اۋىس - كۇيىستى، سەلبەستىكتى كەڭەيتۋ كەرەك.

  شي جينپيڭ بىلاي دەپ باسا دارىپتەدى: ءبىز تاياۋدا عانا جاڭا جۇڭگو قۇرىلعاندىعىنىڭ 70 جىلدىعىن سالتاناتپەن قۇتتىقتادىق. وسى 70 جىل جۇڭگو كوممۋنيستىك پارتياسىنىڭ جۇڭگو حالقىن باستاپ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جورىعىندا باسىپ وتكەن 70 جىلى. بۇل كەرەمەت جول گۇل - بايشەشەككە جانە شاپالاق ۇنىنە، سونداي - اق قيىنشىلىقتارعا جانە سىن - سايىستارعا تولى جول. ءبىز ۇزدىكسىز رەفورمانى تەرەڭدەتىپ، ەسىكتى ايقارا اشىپ، جوعارى ساپالى دامۋدىڭ جۇزەگە اسۋىن ىلگەرىلەتەمىز. ورنىقتى، اشىق، گۇلدەنگەن جۇڭگو قاي - قاشان دا نەپالدىڭ جانە دۇنيە ءجۇزىنىڭ دامۋداعى ورايى.

  بانداري ءتوراعا شي جينپيڭنىڭ نەپالعا ساپارلاي كەلگەندىگىن قىزۋ قارسى الدى ءارى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن تاعى دا قۇتتىقتاپ، مىنالاردى ءبىلدىردى: نەپال جۇڭگونىڭ دامۋداعى تابىستى تاجىريبەلەرىنەن ۇيرەنۋدى، ۇلگى الۋدى قالايدى، جۇڭگو حالقىنىڭ جۇڭگو كوممۋنيستىك پارتياسىنىڭ باستاۋىندا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن، ءسوزسىز، تابىستى جۇزەگە اسىرا الاتىندىعىنا سەنەدى، بۇل نەپالدىڭ جانە ءوڭىردىڭ بەيبىتشىلىگىنە، دامۋىنا، گۇلدەنۋىنە يگىلىك اكەلەتىندىگى داۋسىز.

  بانداري مىنانى ءبىلدىردى: جۇڭگونىڭ مەملەكەت ءتوراعاسىنىڭ اراعا 23 جىل ۋاقىت سالىپ نەپالعا تاعى دا ساپارلاي كەلۋى ماڭىزدى تاريحي ءمان الادى. نەپال مەن جۇڭگونىڭ ستراتەگيالىق سەلبەستىك سەرىكتەستىك قارىم - قاتىناس ورناتۋدى جاريالاۋى ەكى ەلدىڭ ءداستۇرلى دوستىعىن بەكەمدەپ، ەكى ەل قارىم - قاتىناسىنىڭ مازمۇنىن بايىتىپ، جۇڭگو مەن نەپال قارىم - قاتىناسىنىڭ جاڭا داۋىرگە قادام تاستاۋىن ىلگەرىلەتەتىندىگى داۋسىز. نەپال جاق جۇڭگو جاقتىڭ تالاي جىلدان بەرى كورسەتكەن پارمەندى قولداۋىنا جانە كومەگىنە العىس ايتادى، جۇڭگونىڭ يەلىك ۇقىعىنا جانە تەرريتوريا تۇتاستىعىنا قۇرمەت ەتەدى، ءارقانداي جۇڭگوعا قارسى كۇشتىڭ نەپال تەرريتورياسىندا جۇڭگوعا قارسى ءارقانداي قيمىل جۇرگىزۋىنە استە جول بەرمەيدى. نەپال جاق جۇڭگونىڭ كورشى ەلدەرمەن ەتەنە، ىزگى، ءتيىمدى، باۋىرمال توڭىرەكتىك ديپلوماتيالىق ساياساتىن القايدى، ”ءبىر بەلدەۋ، ءبىر جول“دى بىرگە قۇرۋعا بەلسەنە ات سالىسىپ، گيمالاي اتتاعان ستەرەولدى ۇلاستىرۋ - تۇتاستىرۋ تورىن قۇرۋعا، نەپالدىڭ ”گۇلدەنگە نەپال، باقىتتى نەپالدىق“تار ارمان - تىلەگىن جۇزەگە اسىرۋعا كۇش ۇستەۋدى قالايدى.

  شي جينپيڭ تاعى نەپالدا 10 - ايدىڭ 12 - كۇنى تۋىلعان الەۋمەتتىك اۆتوكولىگىنىڭ جارتاستان قۇلاۋ شىرعالاڭىندا اۋىر ءولىم - ءجىتىم بولعاندىعى جونىندە بانداريدان شىنايى حال سۇرادى. بانداري العىس ايتتى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.