ءتىلشى جاڭ تيڭ
”’نە ىستەسەڭ دە تاباندىلىقپەن ىستەپ، قۇر قيالعا بەرىلمەي، قۇر اتاققا بوي ۇرماي، تەك قانا اقيقاتتى ىزدەۋ پوزيتسياسىمەن تاباندى كۇش سالۋىڭ كەرەك. وسى پوزيتسيادا ءبىلىم قۋساڭ، اقيقات ايقىندالادى. وسى پوزيتسيامەن ءىس ىستەسەڭ، ىستەگەن ىسىڭدە تابىسقا جەتەسىڭ‘. بۇل لي داجاۋدىڭ اقىليا ءسوزى ءارى مەنىڭ تۇرمىس پەن قىزمەتكە ۇستانعان پوزيتسيام“، - دەدى 9 - ايدىڭ 30 - كۇنى شينجياڭ ۋاڭيۋان بيولوگيالىق عىلىم - تەحنيكا توبىنىڭ باس جوراسى چىن گاڭلياڭ.
12 جىلدان بەرى چىن گاڭلياڭ بۋرىلتوعاي اۋدانىنا تامىر تارتىپ، شينجياڭ ۋاڭيۋان بيولوگيالىق عىلىم - تەحنيكا توبىن قۇرىپ، كەدەيلەردى بەلسەنە سۇيەمەلدەپ، قيىنشىلىعى بارلارعا كومەكتەسىپ، الەۋمەتتىك يگىلىك ىستەرگە قىزۋ ات سالىسىپ، ءوزى بەلسەنە كىرىستى.
9 - ايدىڭ 27 - كۇنى چىن گاڭلياڭ ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ بولىپ ماداقتالىپ - سيلاندى، اتاق - ابروي الدىندا ول كۇلىمسىرەپ بىلاي دەدى: ”ارقالاعان جاۋاپكەرشىلىگىمنىڭ ءتىپتى دە اۋىرلاعاندىعىن سەزىندىم، مەن تاعى ءۇرتىس قۇلشىنىپ، تۇيە باعاتىن ءتىپتى دە كوپ مالشىلاردىڭ جاقسى تۇرمىس كەشىرۋىنە مۇمكىندىك جاسايمىن“.
بۇل ونىڭ مۇنداي ءسوزدى ءبىرىنشى رەت ايتۋى ەمەس، 2007 - جىلى ول چاڭجياڭنىڭ وڭتۇستىگىندەگى اتا مەكەنىندەگى جايلى تۇرمىسىن تاستاپ بۋرىلتوعاي اۋدانىنا كەلىپ، تۇيە شارۋاشىلىعىن زەيىن سالا زەرتتەيدى، 12 جىلدى ءبىر كۇندەي وتكىزىپ، مالشىلارعا بەرگەن ۋادەسىن ورىنداۋ ءۇشىن، وسى ءبىر ءىستى ىستەۋدەن جازبايدى. ونىڭ قۇلشىنىسىنىڭ ارقاسىندا، كەزىندە ءبىر مەزگىل قاتىناس قۇرالى بولعان تۇيە مالشىلاردىڭ كىرىسىن ارتتىرىپ، اۋقاتتانۋىنداعى ”ءدىلدا اعاشى“نا اينالادى. بۇگىنگى تاڭدا التاي ايماعىندا 2700دەن ارتىق تۇيە باعاتىن وتباسى تۇيە شارۋاشىلىعىنىڭ يگىلىگىن كوردى، تۇتاس سولتۇستىك شينجياڭدا 5500دەن ارتىق تۇيە باعاتىن مالشى وتباسى تۇيە باعۋ، ءسۇت پۋنكتىن باسقارۋ، تاسىمالداۋعا ات سالسۋ ارقىلى كەدەيلىكتەن ارىلىپ، كىرىستەرىن ارتتىردى. تۇيە شارۋاشىلىعى بۋرىلتوعاي اۋدانىنىڭ ”تەبىندەپ كەلە جاتقان شارۋاشىلىعىنا“، كەدەي ەگىنشى - مالشىنى اۋقاتتاندىراتىن شارۋاشىلىققا، جەرگىلىكتى ورىننىڭ ەكونوميكاسىن دامىتۋداعى تىرەكتى شارۋاشىلىققا اينالدى.
جۋىقتا ۋاڭيۋان توبى 2 ميلليارد يۋانعا جۋىق قارجى قوسقان، 380 مۋ اۋماقتى يەلەگەن ساياحات، قارجى قوسۋ، ساۋىقتىرۋ - كۇتىمدەۋ، كوڭىل اشۋ، تۇتىنۋ شوعىرلى ءبىر تۇلعالانعان ”جۇڭگو تۇيە شاعىن قالاشىعى“ نىسانى رەسمي قۇرىلىس جۇرگىزۋ ساتىسىنا ءوتتى.
سونىمەن بىرگە، جەمەنەي اۋدانىمەن سەلبەسكەن جاڭا نىسان − ”ۋاڭيۋان جەمەنەي ون مىڭ تۇيە باقشاسى“نىڭ الدىڭعى مەرزىمدەگى دايىندىق قىزمەتى دە اياقتاپ، 800 مۋلىق تاجىريبە جايلىم العاشقى ونىمدىلىگىن كورسەتتى، جىل سوڭىنان بۇرىن 2000 تۇيە ەنگىزۋ جوسپارلاندى، سايكەستى قۇرىلعى قۇرىلىستارى نەگىزىنەن اياقتادى. بۇل نىساندى اتقارۋدا، ارحيۆ تۇرعىزىلىپ، كارتچكالاندىرىلعان ءاربىر كەدەي وتباسىنا 2 ساۋىن تۇيە بەرۋگە ءارى 1000نان ارتىق جۇمىستانۋ ورنىمەن قامداۋعا كەلىستى.
كاسىپورىن كەدەيلىكتەن ارىلتۋدان قامال الۋعا كومەكتەسۋ جولىندا، چىن گاڭلياڭ ەشقاشان كومەگىن توقتاتقان ەمەس، 10 نەشە جىلدان بەرى، چىن گاڭلياڭ تۇيە ءسۇتىن ءوندىرۋدىڭ، مانەرلەۋدىڭ كەمەلدى تىزبەگىن ورناتتى. سەرىكتەستىك العاش قۇرىلعاننان قازىرگە دەيىن، ىلگەرىندى - كەيىندى 600دەن ارتىق تۇيە باعاتىن كەدەي وتباسىنا بەرگەن قارىز اقشا جانە كەپىل قارىز اقشاسى جالپى 1200 رەتتەن اسىپ، جالپى سوماسى 90 ميلليون يۋاننان اسقان. ساۋىن تۇيە باعىمشىلىعىمەن شۇعىلداناتىن وتباسىلاردىڭ دامۋىن جەدەلدەتۋ ءۇشىن، ۋاڭيۋان توبى 2012 - جىلدان 2019 - جىلعا دەيىن ءىرى باعىمشىلىق وتباسىلارىن قۇنى 2 ميلليون يۋانعا جەتەتىن 50دەن ارتىق توڭازىتۋ جابدىعىمەن تەگىن قامدادى. 2013 - جىلدان 2019 - جىلعا دەيىن سەرىكتەستىك ىلگەرىندى - كەيىندى 900 مىڭ يۋان قارجى شىعارىپ، مالشىلاردى بەيجيڭ، شاڭحاي، شياڭگاڭ، اۋمىن سياقتى جەرلەرگە بارىپ ساياحاتتاۋعا، ەكسكۋرسيالاۋعا ۇيىمداستىرىپ، كوزايالارىن كەڭەيتىپ، مالشىلاردىڭ پارتيا مەن مەملەكەتكە دەگەن العىس سەزىمىن كۇشەيتتى.
بيىل ۋاڭيۋان توبىنىڭ بازاردا ورنالاسۋى بارعان سايىن كەڭەيىپ، بۇكىل مەملەكەتتىڭ جەر - جەرىنەن 1300دەن ارتىق ارناۋلى ساتۋ دۇكەنىن قۇردى. سونىمەن بىرگە، سەرىكتەستىك شەتەل بازارىنا ءورىس اشىپ، امەريكا، جاڭا زەلانديا سياقتى 13 مەملەكەتتە شەتەلدە ساتۋ ءتۇيىنىن قۇردى.
”ءبىر ادامنىڭ كۇشى وتە ءالسىز، ءبىر كاسىپورىننىڭ كۇشى دە وتە شەكتى، الايدا مەن تۇيە شارۋاشىلىعىن جالعاستىرا بەرەمىن، شەكارا وڭىرلەردەگى تۇيە باعاتىن كوپتەگەن مالشىلاردىڭ قالتاسىن قامپايتىپ، باقىتتى تۇرمىس كەشىرۋىنە مۇمكىندىك جاسايمىن. مەن باقىتتى تۇرمىستىڭ كۇرەسپەن كەلەتىندىگىنە كامىل سەنەمىن، جارقىن بولاشاقتىڭ، ءسوز جوق، جۇزەگە اساتىندىعىنا دا كامىل سەنەمىن“، - دەيدى چىن گاڭلياڭ.
