ءتىلشى لي ياڭ 10 - ايدىڭ 13 - كۇنى ۇرىمجىدەن حابارلايدى. 10 - ايدىڭ 13 - كۇنى اۆتونوميالى رايون سولتۇستىك شينجياڭنىڭ (شىعىس شينجياڭ) سۋ يگىلىگى قىزمەتى ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكومنىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ باستىعى لي پىڭشين ماجىلىسكە قاتىناسىپ ءارى ءسوز سويلەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ سۋدى جونگە سالۋ جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، سولتۇستىك شينجياڭنىڭ (شىعىس شينجياڭ) سۋ يگىلىگى قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋدى اقىلداسىپ جوسپارلاۋدى باسا دارىپتەدى.
ءماجىلىس بىلاي دەپ اتاپ كورسەتتى: سولتۇستىك شينجياڭ (شىعىس شينجياڭ) ءوڭىرى شينجياڭنىڭ ەكونوميكالىق، قوعامدىق دامۋىنىڭ ءتۇيىندى ءوڭىرى، سولتۇستىك شينجياڭنىڭ (شىعىس شينجياڭ) سۋ حاۋىپسىزدىگىنە كەپىلدىك ەتىپ، سۋ بايلىعىنىڭ سولتۇستىك شينجياڭ (شىعىس شينجياڭ) ەكونوميكاسىنىڭ، قوعامىنىڭ باياندى دامۋى جانە ەكولوگيالىق وركەنيەت قۇرىلىسىنداعى تىرەكتىك رولىن ويداعىداي ساۋلەلەندىرۋ شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋ جونىنەن كەلەلى ءمان الادى. جەر - جەر، قاتىستى تاراۋلار جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ تۇرعىسىن نەگىزگە الىپ، سولتۇستىك شينجياڭنىڭ (شىعىس شينجياڭ) سۋ يگىلىگى قىزمەتىن جاقسى ىستەۋدەگى جاۋاپكەرشىلىك سەزىم مەن كوكەي تەستىلىك سەزىمدى شىن مانىندە كۇشەيتىپ، مۇقيات وي جۇگىرتىپ، اقىلداسىپ، بەلسەندىلىكپەن ىرىقتى تۇردە ءىس تىندىرىپ، سۋدى جونگە سالۋ، سۋ ىستەرىن كوركەيتۋ، سۋ ۇنەمدەۋ، سۋ باسقارۋ ءتۇرلى قىزمەتتەرىن شىنايى تياناقتاندىرۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭ العا قويعان ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا بىركەلكى بولۋ، جۇيەلى جونگە سالۋ، ەكى جاقتان كۇش سالۋ“ سىندى سۋدى جونگە سالۋ باعىتىن جاپپاي دايەكتىلەندىرىپ، سۋ بايلىعىنىڭ حاۋىپسىزدىك تانىمىن مىقتاپ ورناتىپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس ويداعىداي جوسپارلاپ، سۋ بايلىعىن ساپالىلاندىرۋدى، ورنالاستىرۋدى جانە عىلمي، ۇيلەسىمدى پايدالانۋدى قۇلشىنا ىسكە اسىرۋ كەرەك. سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرىپ، سۋدان پايدالانۋ جالپى مولشەرى مەن سۋدان جوسپارلى پايدالانۋدى باسقارۋدى قاتايتىپ، سۋ بايلىعىنداعى الۋ، پايدالانۋ، سارىپ بولۋ، ىعىستىرۋ سياقتى ارەكەتتەردى يكەمدى باقىلاۋ - باسقارۋدى جاپپاي كۇشەيتىپ، جەر استى سۋىن شەكتەن تىس تارتۋدى جونگە سالۋدى شىن مانىندە جاقسى يگەرىپ، اۋىل شارۋاشىلىعى سۋ باعاسىنىڭ جالپىلىق رەفورماسىن جەدەل ىلگەرىلەتىپ، سۋدان پايدالانۋ ءتاسىلىن ۇتىمسىزدىقتان ۇنەمشىلدىككە، شوعىرلىلىققا قاراي بۇرىلىس جاساۋىن ىلگەرىلەتىپ، سۋ بايلىعىنان پايدالانۋ ونىمدىلىگى مەن دەڭگەيىن ۇزبەي جوعارىلاتۋ كەرەك. سۋ يگىلىگى ينجەنەرياسىنىڭ ولقىلىقتارىن تولىقتاۋ، سۋ يگىلىگى كاسىبىن باقىلاۋ - باسقارۋدى كۇشەيتۋ تالابىن تياناقتاندىرىپ، ”شىنىمەن قاجەتى بار بولۋ، ەكولوگيالىق ورتاعا حاۋىپسىز بولۋ، باياندى جالعاستىرۋ“ پرينسيبى نەگىزىندە، سۋ يگىلىگى ينجەنەرياسى قۇرىلىسىن ورنىقتى قاداممەن ىلگەرىلەتىپ، سۋ يگىلىگى ينجەنەرياسىنىڭ حاۋىپسىزدىك تومەنگى شەگىن باتىل ساقتاپ، سۋ بايلىعىن سۋ ساقتاۋ ارقىلى رەتتەۋ قابىلەتىن ۇزبەي كۇشەيتۋ كەرەك. سۋدان پايدالانۋ قۇرىلىمىن رەتتەپ، ساپالىلاندىرىپ، ەكولوگياعا پايدالانىلاتىن سۋدى قامتاماسىز ەتۋ تەبىنىن ارتتىرىپ، سۋ قورشاعان ورتاسىن قورعاۋدى جانە سۋ ەكولوگياسىن قالپىنا كەلتىرۋدى كۇشەيتىپ، ەكونوميكالىق، قوعامدىق دامۋدىڭ سۋ بايلىعىنىڭ كوتەرىمدىلىك قۋاتىنان اسىپ كەتپەۋىنە كەپىلدىك ەتىپ، سۋ بايلىعىنىڭ ەكونوميكالىق ونىمدىلىگىنىڭ، قوعامدىق ونىمدىلىگىنىڭ، ەكولوگيالىق ونىمدىلىگىنىڭ ءوزارا بىرلىككە كەلۋىن جۇزەگە اسىرۋ كەرەك. وزەن - كول باستىعى ءتۇزىمىن جاپپاي جولعا قويۋ ارقىلى جەتەكشىلىك ەتىپ، سۋدى جونگە سالۋ ءتۇزىلىسىن - مەحانيزمىن اناعۇرلىم كەمەلدەندىرۋ، جاقسارتۋ كەرەك.
ءماجىلىس مىنانى باسا دارىپتەدى: پارتيانىڭ سۋ يگىلىگى قىزمەتىنە جاپپاي باسشىلىعىن شىن مانىندە كۇشەيتىپ، سۋ يگىلىگى رەفورماسىنىڭ، دامۋىنىڭ دۇرىس باعىتپەن العا باسۋىنا كەپىلدىك ەتۋ كەرەك. جاۋاپكەرشىلىكتى تياناقتاندىرۋدى كۇشەيتىپ، تاراۋلار ارا سايكەسۋدى جانە وڭىرلەر ارا بىرلەسىپ ارەكەتتەنۋدى كۇشەيتىپ، تەڭ يگەرىپ، بىرگە باسقاراتىن، تۇلعالىق ىلگەرىلەتەتىن قىزمەت جۇلگەسىن قالىپتاستىرىپ، تىڭعىلىقتى دا پارمەندى ارەكەت ارقىلى ءار ۇلت بۇقاراسىنىڭ سۋ بايلىعى، سۋ ەكولوگياسى، سۋ قورشاعان ورتاسى جونىندەگى سۇرانىسىن اناعۇرلىم جاقسى قاناعاتتاندىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.
