تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن توپتىق ۇيرەندى

”ەكىدەن تارىقتىرماۋ، ۇشتە قامتاماسىز ەتۋ“دى تىعىز ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزەيىك

چىن چۋانگو باسقاردى، شوكىرات زاكىر، شاۋكەت يمىن، لي پىڭشين قاتىناستى

  تىلشىلەر ياۋ تۇڭ، ۋاڭ شيڭرۇي 10 - ايدىڭ 13 - كۇنى ۇرىمجىدەن حابارلايدى. 10 - ايدىڭ 13 - كۇنى تۇستەن بۇرىن، اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ وتكىزىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنىڭ، باس شۋجي شي جينپيڭنىڭ ”ەكىدەن تارىقتىرماۋ، ۇشتە قامتاماسىز ەتۋ“دەگى كورنەكتى ماسەلەلەردى شەشۋ جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن ىشكەرىلەي ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى جانە ءسوز سويلەدى. ول بىلاي دەپ باسا دارىپتەدى: ”ءتورت تانىم“دى ونان ارى كۇشەيتىپ، ”ءتورت سەنىم“ دى بەكەمدەپ، ”ەكىنى قورعاۋ“دى ورىنداپ، وسكەلەڭ يدەيالىق سانالىلىقپەن، ساياسي سانالىلىقپەن جانە ارەكەت سانالىلىعىمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزۋ كەرەك.

  اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، سارقىت اقان، ياڭ شين قاتارلىلار قاتىناستى.

  چىن چۋانگو بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋعا ايرىقشا ءمان بەرىپ، باس شۋجي شي جينپيڭ ءبىرسىپىرا ماڭىزدى ءسوز سويلەپ، ءبىرسىپىرا ماڭىزدى نۇسقاۋ بەرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە ايقىن بەتالىس كورسەتتى، ءتۇبىرلى بويسۇنۋ ولشەمىن ۇسىندى. يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىمەن باتىل تۇردە بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ”ەكىدەن تارىقتىرماۋ، ۇشتە قامتاماسىز ەتۋ“دەگى كورنەكتى ماسەلەلەردى شەشۋدىڭ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدىڭ كەلەلى ءمانىن جىعا تانىپ، ءسوزسىز، جەڭەتىن سەنىمدى بەكەمدەپ، قامال الۋدىڭ بىرىككەن كۇشىن توپتاپ، كەدەيلىكتەن ارىلتۋدان قامال الۋ مىندەتىن باتىل، ويداعىداي ورىنداۋ كەرەك.

  ءبىرىنشى، نازاريامەن قارۋلانۋدى باستان - اياق ساباقتاستىرۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەمەن بىرلەستىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنىڭ، كەدەيلىكتەن ارىلتۋدان قامال الۋ جونىندەگى ەڭ جاڭا ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن ۇيرەنۋدى ۇزاق ۋاقىتتىق مىندەت، كەلەلى ساياسي جاۋاپكەرشىلىك ەتە وتىرىپ ماڭىزدى ورىنعا قويىپ، ماڭىزدى كۇن تارتىپكە ەنگىزىپ، جان - جاقتى، جۇيەلى ۇيرەنىپ، دەر كەزىندە ىلەسە ۇيرەنىپ، تەرەڭدەي وي جۇگىرتە ۇيرەنىپ، ءىس جۇزىندىكپەن بايلانىستىرا ۇيرەنىپ، ىشكەرىلەي ۇيرەنۋگە، جەتە تۇسىنۋگە كۇش سالىپ، ۇيرەنگەندى قولدانا ءبىلۋ جاعىندا ناقتى ونىمدىلىككە تالپىنىپ، شينجياڭنىڭ كەدەيلىكتەن ارىلتۋدان قامال الۋ قىزمەتىنە شىن مانىندە جەتەكشىلىك ەتۋ كەرەك.

  ەكىنشى، دالمە - ءدال بولۋ جالپى جوباسىن باستان - اياق ساباقتاستىرۋ كەرەك. تاباندىلىقتى، سابىرلىلىقتى ساقتاپ، ىجداعاتتىقپەن ىستەۋگە كۇش سالىپ، ”ەكىدەن تارىقتىرماۋ، ۇشتە قامتاماسىز ەتۋ“مەن تىعىز بايلانىستىرىپ، مۇلدە كەدەيلىكتى جويۋدى ارقاۋ ەتىپ، كەدەيلەردى سۇيەمەلدەۋدىڭ قازىرگى نىسانا ولشەمىن بۇلجىتپاۋعا تاباندى بولىپ، ”التى دالمە - ءدال بولۋ“دى تياناقتاندىرىپ، ”جەتى ءبىر توپ“تى ىلگەرىلەتىپ، ”ۇشتە سەرپىندى ارتتىرۋ“دى ورىنداپ، ”ۇشتە قامتاماسىز ەتۋ“ جانە اۋىز سۋ حاۋىپسىزدىگى جاعىنداعى ولقىلىقتاردى كۇش سالا تولىقتاپ، كەدەيلىكتەن ارىلتۋدان قامال الۋ مىندەتىن جوعارى ساپامەن ورىنداۋعا شىنايى كەپىلدىك ەتۋ كەرەك.

  ءۇشىنشى، ناتيجەنى بەكەمدەۋدى باستان - اياق ساباقتاستىرۋ كەرەك. قايتا كەدەيلەسۋدەن ساقتانۋدى ماڭىزدى ورىنعا قويىپ، ءبىر جاعىنان، قالدىق كەدەي حالىقتىڭ سانىن ازايتۋدى مىقتى يگەرىپ، ەندى ءبىر جاعىنان، كەدەيلىكتەن ارىلعان حالىقتىڭ بەكەمدەلۋىن، دەڭگەيىنىڭ ءوسۋىن مىقتى يگەرىپ، كەدەيلىك تىزىمىنەن شىعارۋ ولشەمىن قاتاڭ ۇستاپ، كەدەيلىكتەن ارىلتۋ ساياساتتارىن ورنىقتىرىپ، قالپاق الىنعانىمەن جاۋاپكەرشىلىكتى تاستاماي، قالپاق الىنعانىمەن ساياساتتى توقتاتپاي، قالپاق الىنعانىمەن كومەكتەسۋ - سۇيەمەلدەۋدى توقتاتپاي، قالپاق الىنعانىمەن باقىلاۋ - باسقارۋدى توقتاتپاي، كەدەيلىكتەن ارىلتۋدان قامال الۋ مەزگىلىندە كەدەيلەردى سۇيەمەلدەۋ كۇشىنىڭ وزگەرمەۋىن، سۇيەمەلدەۋ قارىم - قاتىناسىنىڭ وزگەرمەۋىن ساقتاپ، قايتا كەدەيلەسۋدى باقىلاپ - تەكسەرۋدى كۇشەيتۋ، حاۋىپ - قاتەردەن ساقتانۋدى جانە ونى تىزگىندەۋدى كۇشەيتۋ، ءتۇزىم قۇرىلىسىن كۇشەيتۋ كەرەك.

  ءتورتىنشى، ماسەلەلەردى رەتتەۋ - تۇزەتۋدى باستان - اياق ساباقتاستىرۋ كەرەك. قاتاڭ، شىنايى بولۋعا تاباندى بولىپ، ماسەلەنى باعدار ەتۋدى كورنەكتىلەندىرىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ بويىنشا ارناۋلى شارلاۋ، رەتتەۋ - تۇزەتۋ جونىندەگى ءتۇرلى ورنالاستىرۋلارى مەن تالاپتارىن باتىل تياناقتاندىرىپ، شارلاۋدى، رەتتەۋ - تۇزەتۋدى كەدەيلىكتەن ارىلتۋدان قامال الۋدا ورىن تەپكەن ماسەلەلەردى جانە ولقىلىقتاردى شەشۋمەن بىرلەستىرىپ، كەدەي اۋدانداردىڭ كەدەيلىك قالپاعىن الىپ تاستاۋىمەن جانە كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە ۋاعىندا جەتۋمەن بىرلەستىرىپ، تومەنگى شەك وي جۇيەسىن قالىپتاستىرىپ، ءالسىز بۋىنداردى كۇشەيتىپ، كۇشتى شوعىرلاندىرا وتىرىپ قامال الىپ، ماسەلەلەردىڭ تۇگەلدەي ءۇزىلدى - كەسىلدى تۇزەتىلۋىنە، تىڭعىلىقتى تۇزەتىلۋىنە، قايتالاماۋىنا شىنايى كەپىلدىك ەتىپ، رەتتەۋ - تۇزەتۋ ارقىلى كەدەيلىكتەن ارىلتۋدان قامال الۋ قىزمەتىنىڭ، ساپاسىنىڭ جانە ونىمدىلىگىنىڭ جاپپاي جوعارىلاۋىن جەبەۋ كەرەك.

  بەسىنشى، باقىلاۋدى، ءتارتىپ اتقارۋدى باستان - اياق ساباقتاستىرۋ كەرەك. پارتيالى كادرلاردىڭ ستيل قۇرىلىسىن ۇزدىكسىز كۇشەيتىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋ سەرپىنىن ارتتىرىپ، فورماشىلدىقتى، تورەشىلدىكتى كۇش سالا جونگە سالىپ، پارتيا ورتالىق كوميتەتىنىڭ شەشىمدەرى، ورنالاستىرۋلارى قاي جەرگە بارسا، باقىلاۋ - تەكسەرۋدىڭ دە سول جەرگە بارۋىنا شىنايى كەپىلدىك ەتىپ، كەدەيلەردى سۇيەمەلدەۋ قىزمەتىنىڭ ناقتى بولۋىن، كەدەيلىكتەن ارىلتۋ بارىسىنىڭ تىڭعىلىقتى بولۋىن، كەدەيلىكتەن ارىلتۋ ناتيجەسىنىڭ شىنايى بولۋىن شىن مانىندە جۇزەگە اسىرۋ كەرەك.

  التىنشى، جاۋاپكەرشىلىكتى تياناقتاندىرۋدى باستان - اياق ساباقتاستىرۋ كەرەك. كەدەيلىكتەن ارىلتۋدان قامال الۋ قىزمەت مەحانيزمىن جانە باسقارۋ ءتۇزىلىسىن كۇشەيتىپ، كەدەيلەردى قاۋىرت سۇيەمەلدەۋ اۋقىمىنا تاباندى بولىپ، بەس دارەجەلى شۋجيلەر بىرگە يگەرۋدەن، ءار دارەجەلى پارتكوم مەن ۇكىمەت بىرگە يگەرۋدەن، ءار دارەجەلى تاراۋلار سايكەسە يگەرۋدەن جازباي، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرىنىڭ، ءبىرىنشى شۋجيلەردىڭ جانە كەدەيلەردى سۇيەمەلدەۋشى ارناۋلى كادرلاردىڭ رولىن تولىق ساۋلەلەندىرىپ، جوعارى مەن تومەن بىرلەسە قيمىلدايتىن، بىرگە يگەرىپ، ورتاق باسقاراتىن قۋاتتى بىرىككەن كۇش قالىپتاستىرۋ كەرەك.

  اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىق) توتە قاراستى قاتىستى ورىندارداعى جاۋاپتى جولداستار توپتىق ۇيرەنۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.