شي جينپيڭ حات جولداپ، جۇڭگو پيونەرلەر وتريادى قۇرىلعاندىعىنىڭ 70 جىلدىعىن قۇتتىقتاپ، بىلاي دەپ باسا دارىپتەدى
بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ - ەرجەتۋگە قۇلشىنايىق
قۇتتىقتاۋ حات
جۇڭگو پيونەرلەر وتريادى قۇرىلعاندىعىنىڭ 70 جىلدىعى بايلانىسىمەن، مەن پارتيا ورتالىق كوميتەتى اتىنان بۇكىل ەلدەگى ءجۇز ميلليونداعان پيونەردى، پارتيانىڭ وسپىرىمدەر ىستەرى ءۇشىن جاپالى قىزمەت ىستەگەن قالىڭ پيونەرلەر وتريادى جەتەكشىلەرىن جانە پيونەرلەر وتريادى قىزمەتكەرلەرىن قىزۋ قۇتتىقتايمىن جانە شىنايى سالەم جولدايمىن!
70 جىلدان بەرى، پارتيانىڭ باسشىلىعىندا، پيونەرلەر وتريادى ۇيىمدىق تاربيەنى، وزىندىك تاربيەنى، امالياتتىق تاربيەنى ءوزارا بىرلىككە كەلتىرۋگە تاباندى بولىپ، پارتيا مەن حالىق ىستەرىنىڭ ۇرپاقتان - ۇرپاققا جالعاسۋىنا ماڭىزدى ۇلەس قوستى.
پيونەرلەر وتريادى وسپىرىمدەردىڭ جۇڭگوشا سوتسياليزمدى جانە كوممۋنيزمدى ۇيرەنەتىن مەكتەبى بولۋى ءتيىس، سوتسياليزمدى جانە كوممۋنيزمدى قۇراتىن زاپاس قوسىنى بولۋى ءتيىس. جاڭا داۋىردەگى پيونەرلەر وتاندى قىزۋ ءسۇيىپ، حالىقتى قىزۋ ءسۇيىپ، جۇڭگو كوممۋنيستىك پارتياسىن قىزۋ ءسۇيىپ، ۇلى مۇرات ورناتىپ، تاڭداۋلى ءمورال جەتىلدىرىپ، قۇلشىنا ءبىلىم ۇيرەنىپ، دەنە مەن جىگەردى شىمىرلاپ، شىڭداپ، ەڭبەك رۋحىن جەتىلدىرىپ، بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ - ەرجەتۋگە قۇلشىنۋى كەرەك!
بۇكىل پارتيا، بۇكىل قوعام پيونەرلەر وتريادى قىزمەتىنە باسا ءمان بەرۋ كەرەك. ءار دارەجەلى پارتكوم مەن ۇكىمەت باسشىلىق ەتۋدى جانە قامتاماسىزداندىرۋدى كۇشەيتىپ، پيونەرلەردىڭ اقاۋسىز ەسەيىپ - ەرجەتۋىنە جانە پيونەرلەر وتريادى ىستەرىنىڭ دامۋىنا شارت - جاعداي جاراتۋى كەرەك. كوممۋنيستىك جاستار وداعى بۇكىل وداق وتريادتى جەتەكتەۋ قىزمەت جاۋاپكەرشىلىگىن ويداعىداي اتقارىپ، پيونەرلەر وتريادىن اۋەلگى ماقسات پەن بورىشتى ەستە بەرىك ساقتاپ، قاي - قاشان دا پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرا باستاپ، قىزىل گالىستۋكتى اناعۇرلىم نۇرلاندىرا ءتۇسۋ كەرەك!
شي جينپيڭ
2019 - جىلى 10 - ايدىڭ 13 - كۇنى
(شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 10 - ايدىڭ 13 - كۇنى بەيجيڭنەن بەرگەن حابارى. جۇڭگو پيونەرلەر وتريادى قۇرىلعاندىعىنىڭ 70 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حات جولداپ، پارتيا ورتالىق كوميتەتى اتىنان بۇكىل ەلدەگى ءجۇز ميلليونداعان پيونەردى، پارتيانىڭ وسپىرىمدەر ىستەرى ءۇشىن جاپالى قىزمەت ىستەگەن قالىڭ پيونەرلەر وتريادى جەتەكشىلەرىن جانە پيونەرلەر وتريادى قىزمەتكەرلەرىن قىزۋ قۇتتىقتادى جانە شىنايى سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 70 جىلدان بەرى، پارتيانىڭ باسشىلىعىندا، پيونەرلەر وتريادى ۇيىمدىق تاربيەنى، وزىندىك تاربيەنى، امالياتتىق تاربيەنى ءوزارا بىرلىككە كەلتىرۋگە تاباندى بولىپ، پارتيا مەن حالىق ىستەرىنىڭ ۇرپاقتان - ۇرپاققا جالعاسۋىنا ماڭىزدى ۇلەس قوستى.
شي جينپيڭ بىلاي دەپ اتاپ كورسەتتى: پيونەرلەر وتريادى وسپىرىمدەردىڭ جۇڭگوشا سوتسياليزمدى جانە كوممۋنيزمدى ۇيرەنەتىن مەكتەبى بولۋى ءتيىس، سوتسياليزمدى جانە كوممۋنيزمدى قۇراتىن زاپاس قوسىن بولۋى ءتيىس. جاڭا داۋىردەگى پيونەرلەر وتاندى قىزۋ ءسۇيىپ، حالىقتى قىزۋ ءسۇيىپ، جۇڭگو كوممۋنيستىك پارتياسىن قىزۋ ءسۇيىپ، ۇلى مۇرات ورناتىپ، تاڭداۋلى ءمورال جەتىلدىرىپ، قۇلشىنا ءبىلىم ۇيرەنىپ، دەنە مەن جىگەردى شىمىرلاپ، شىڭداپ، ەڭبەك رۋحىن جەتىلدىرىپ، بالا كۇنىنەن اتويشىلداردان ۇيرەنىپ، ەسەيگەندە اتويشىل بولىپ، ۇلتتىڭ گۇلدەنۋى ۇلى مىندەتىن ارقالاي الاتىن ءداۋىردىڭ جاڭا ادامى بولىپ ەسەيىپ - ەرجەتۋگە قۇلشىنۋى كەرەك.
شي جينپيڭ بىلاي دەپ باسا دارىپتەدى: بۇكىل پارتيا، بۇكىل قوعام پيونەرلەر وتريادى قىزمەتىنە باسا ءمان بەرۋ كەرەك. ءار دارەجەلى پارتكوم مەن ۇكىمەت باسشىلىق ەتۋدى جانە قامتاماسىزداندىرۋدى كۇشەيتىپ، پيونەرلەردىڭ اقاۋسىز ەسەيىپ - ەرجەتۋىنە جانە پيونەرلەر وتريادى ىستەرىنىڭ دامۋىنا شارت - جاعداي جاراتۋى كەرەك. كوممۋنيستىك جاستار وداعى بۇكىل وداق وتريادتى جەتەكتەۋ قىزمەت جاۋاپكەرشىلىگىن ويداعىداي اتقارىپ، پيونەرلەر وتريادىن اۋەلگى ماقسات پەن بورىشتى ەستە بەرىك ساقتاپ، قاي - قاشان دا پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرا باستاپ، قىزىل گالىستۋكتى اناعۇرلىم نۇرلاندىرا ءتۇسۋ كەرەك.
جۇڭگو پيونەرلەر وتريادى − جۇڭگو كوممۋنيستىك پارتياسى قۇرعان جانە باسشىلىق ەتەتىن ءارى كوممۋنيستىك جاستار وداعىنىڭ توتە باسشىلىق ەتۋىنە تاپسىرعان جۇڭگو وسپىرىمدەرىنىڭ بۇقارالىق ۇيىمى. 1949 - جىلى 10 - ايدىڭ 13 - كۇنى قۇرىلعاننان بەرى، پيونەرلەر وتريادى پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيا مەن مەملەكەتتىڭ كەلەلى جاعدايىن تىعىز ارقاۋ ەتىپ، وسپىرىمدەردىڭ ءداۋىر ەرەكشەلىگىنە نەگىزدەلە وتىرىپ، جاندى دا جالىندى تۇردە امالياتتىق قيمىلدار ورىستەتىپ، سان ۇرپاق سوتسياليزم قۇرۋشىلارىن جانە ءىزباسارلارىن جەتىلدىردى. قازىر بۇكىل ەلدە 6 جاستان 14 جاس ارالىعىنداعى پيونەردەن شامامەن 130 ميلليونى بار.
