تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەستىڭ اقپارات كەڭسەسى «جۇڭگونىڭ استىق حاۋىپسىزدىگى» اق تىستى كىتابىن جاريالادى

  شينحۋا اگەنتتىگىنىڭ 10 - ايدىڭ 14 - كۇنى بەيجيڭنەن بەرگەن حابارى (تىلشىلەر گاۋ جيڭ، دۇڭ جۇن). مەملەكەتتىك كەڭەستىڭ اقپارات كەڭسەسى 10 - ايدىڭ 14 - كۇنى «جۇڭگونىڭ استىق حاۋىپسىزدىگى» اق تىستى كىتابىن جاريالادى.

  شامامەن 12 مىڭ ارىپتەن تۇراتىن اق تىستى كىتاپ العى ءسوز، جۇڭگونىڭ استىق حاۋىپسىزدىگىنىڭ تابىسى، استىق حاۋىپسىزدىگىنىڭ جۇڭگوشا جولى، سىرتقا ەسىك اشۋ جانە حالىقارالىق سەلبەستىك، بولاشاققا نازار جانە ساياساتتىق دارىپتەمە، ءسوز سوڭى سياقتى 6 بولىمنەن قۇرالعان. اق تىستى كىتاپتا ەلىمىزدىڭ استىق حاۋىپسىزدىگىندە قول جەتكىزگەن تاريحي تابىستارى جاپپاي قورىتىندىلانىپ، بەينەلەنىپ، 1996 - جىلدان، اسىرەسە، پارتيا 18 - قۇرىلتايىنان بەرى ەلىمىزدىڭ استىق حاۋىپسىزدىگىن قامتاماسىزداندىرۋ جاعىندا اتقارعان ءبىر قىدىرۋ باعىت - ساياساتتارى مەن شارا، ادىستەرى ءتۇيىندى تۇردە بايىمدالىپ، جۇڭگونىڭ استىق جاعىندا سىرتقا ەسىك اشۋى مەن حالىقارالىق سەلبەستىگىنىڭ پرينسيپتىك تۇرعىسى تانىستىرىلدى ءارى بولاشاقتاعى جۇڭگونىڭ استىق ماسەلەسىنىڭ ساياساتتىق دارىپتەمەسى العا قويىلدى.

  اق تىستى كىتاپتا بىلاي دەلىندى: 70 جىلدان بەرى، جۇڭگو كوممۋنيستىك پارتياسىنىڭ باسشىلىعىندا قاجىرلى كۇرەس جۇرگىزۋ جانە تالماي قۇلشىنۋ ارقىلى جۇڭگو اۋىل شارۋاشىلىعىنىڭ نەگىزى ەرەكشە ءالسىز بولۋ، حالىق تۇرمىسى توتەنشە كەدەي بولۋ نەگىزىندە، ءوز كۇشىنە سۇيەنىپ استىقپەن نەگىزىنەن ءوزىن - ءوزى قامداۋدى جۇزەگە اسىرىپ، ءبىر ميلليارد 400 ميلليونعا جۋىق ادامنىڭ تاماق ماسەلەسىن ءساتتى تۇردە شەشىپ قانا قويماي، تۇرعىنداردىڭ تۇرمىس ساپاسى مەن قورەكتەنۋ دەڭگەيى كورنەكتى تۇردە جوعارىلاپ، استىق حاۋىپسىزدىگىندە كۇللى دۇنيە ءجۇزىن جالت قاراتقان زور تابىسقا قول جەتكىزدى.

  اق تىستى كىتاپتا مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى استىق حاۋىپسىزدىگىن ەل باسقارۋداعى ماڭداي الدى ءىرى ءىس ەتىپ، ”استىقپەن نەگىزىنەن ءوزىن - ءوزى قامداۋعا، ىشەر استىقتىڭ مۇلدە حاۋىپسىزدىگىنە شىنايى كەپىلدىك ەتۋ“ سىندى جاڭا استىق حاۋىپسىزدىگى كوزقاراسىن العا قويىپ، ءوزىمىزدى نەگىز ەتۋ، ەل ءىشىن تياناق ەتۋ، ءوندىرىس قۋاتىنا شىنايى كەپىلدىك ەتۋ، ۇيلەسىمدى يمپورت ەتۋ، عىلىم - تەحنيكانى سۇيەنىش ەتۋ سىندى مەملەكەت استىق حاۋىپسىزدىگى ستراتەگياسىن ورناتىپ، استىق حاۋىپسىزدىگىنىڭ جۇڭگوشا جولىمەن ءجۇردى.

  اق تىستى كىتاپتا مىنالار اتاپ كورسەتىلدى: جۇڭگو ەل ءىشىن تياناق ەتىپ استىقپەن نەگىزىنەن ءوزىن - ءوزى قامداۋدى قامتاماسىز ەتۋ باعىتىنا تاباندى بولىپ، ەگىستىك جەردى قورعاۋدىڭ ەڭ قاتاڭ ءتۇزىمىن جولعا قويىپ، ”استىقتى جەردە ساقتاۋ، استىقتى تەحنيكادا ساقتاۋ“ ستراتەگياسىن اتقارىپ، اۋىل شارۋاشىلىعىنىڭ قامداۋ جاعىنداعى رەفورماسى مەن ءتۇزىلىس، مەحانيزمىندە جاڭالىق اشۋدى ۇزدىكسىز ىلگەرىلەتىپ، استىق ءوندىرۋ قۋاتى ۇزدىكسىز كۇشەيىپ، استىق اينالىمىنىڭ وسىزاماندانۋ دەڭگەيى كورنەكتى تۇردە جوعارىلاپ، استىقپەن قامداۋ قۇرىلىمى ۇزدىكسىز ساپالىلانىپ، استىق كاسىبى ەكونوميكاسى نىق قاداممەن دامىدى، استىق حاۋىپسىزدىگىن قامتاماسىز ەتۋدىڭ اناعۇرلىم جوعارى دەڭگەيلى، اناعۇرلىم جوعارى ساپالى، اناعۇرلىم ءونىمدى، اناعۇرلىم باياندى جۇيەسى بىرتىندەپ ورناتىلىپ، مەملەكەت استىق حاۋىپسىزدىگىن اناعۇرلىم پارمەندى تۇردە قامتاماسىز ەتىپ، استىق حاۋىپسىزدىگىنىڭ جۇڭگوشا جولى بارعان سايىن ورنىعىپ، بارعان سايىن كەڭەيدى.

  اق تىستى كىتاپتا بىلاي دەلىندى: استىق حاۋىپسىزدىگىنە شىنايى كەپىلدىك ەتۋدە جۇڭگو دۇنيە جۇزىمەن تاعدىرلاس. جۇڭگو اشىق، سيىسىمدى بولۋ، تەڭ ءوزارا پايدا جەتكىزۋ، سەلبەسىپ تەڭ يگىلىككە كەنەلۋ پرينسيبىنە ۇزدىكسىز بويسۇنىپ، استىقتا سىرتقا ەسىك اشۋدىڭ جاڭا جاعدايىن قۇرۋعا قۇلشىنىپ، دۇنيە جۇزىندەگى ەلدەرمەن بىرگە سەلبەستىكتى كۇشەيتىپ، بىرگە دامىپ، دۇنيە ءجۇزىنىڭ استىق حاۋىپسىزدىگىن قورعاۋعا تالماي قۇلشىنىس جاساپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.