تيانشان تورى
تيانشان تورى   ›   جاڭالىقتار   ›   كورىكتى مەكەنىمىزدى ويداعىداي قۇرايىق

قيىن - قىستاۋ كۇندەردە توقتاۋسىز ىلگەرىلەۋ نۇر شۇعىلاعا بولەدى

جەمسارى اۋداندىق پارتكومنىڭ تۇراقتى مۇشەسى، ورىنباسار اۋدان اكىمى

فاڭ جۇنشىن

  مەن وتانىمىزدىڭ دۇڭحاي جاعالاۋىنا ورنالاسقان جىجياڭنىڭ تايجوۋىنان كەلدىم. 2018 - جىلى 8 - ايدا ىستىق ىقىلاسپەن تالايدان بەرى اڭساعان شينجياڭ سىندى كەرەمەت مەكەنگە كەلىپ، ءومىرىمنىڭ تىڭ ساپارىن باستادىم.

  ماعان شينجياڭداعى بارلىعى شىت جاڭا كورىنىپ، سىرلى ءبىلىندى. بۇل ارادا قۇبا ءتۇز بەن قارلى تاۋ ءبىرىن - ءبىرى كورىكتەندىرىپ، ءشول دالا مەن جاسىل القاپ نۇر توگەدى؛ بۇل جەردىڭ تاريحى ۇزاق تا شۇعىلالى، وسى زامانعى وركەنيەت وزگەشە شۇعىلا شاشادى. بۇل جەردە كۇن 8دە شىعادى، بۇل جەردە 5 - ايدا شاڭعى تەبەسىڭ؛ بۇل جەردەگى ادامدار جاراسىمدى وتەدى، بۇل جەردىڭ رايى ىنتىماقتى دا العاباسار.

  ءداۋىر وزگەرۋدە، جاڭا جۇڭگو قۇرىلعان 70 جىلدان بەرگى قيىن - قىستاۋ كۇندەردە توقتاۋسىز ىلگەرىلەۋ شينجياڭدى بۇگىنگى نۇر شۇعىلاعا بولەدى.

  پارتيا ورتالىق كوميتەتىنىڭ شىنايى قامقورلىعىندا، شينجياڭعا كومەكتەسەتىن ولكە، قالالاردىڭ بار كۇشپەن كومەك بەرۋىندە اۆتونوميالى رايوندىق پارتكوم بۇكىل شينجياڭداعى ءار ۇلت حالقىن ىنتىماقتاستىرا باستاپ ءورىس اشا ەكپىندەي ىلگەرىلەپ، تيانشاننىڭ وڭتۇستىگى مەن سولتۇستىگىندە زور وزگەرىس تۋىلدى. ءار جولى كەڭ جاياۋلار جولىندا اياڭداعانىمدا، بيىك عيماراتتار قاتارلانا بوي تۇزەگەن، قالىڭ اۆتوكولىكتەر قايشالىسقان دۋماندى كورىنىس كوزگە تۇسەدى، تۇرمىستان زاماناۋي لەپ ەسەدى. وتاننىڭ قۇشاعىندا، شينجياڭداعى ءار ۇلت حالقىنىڭ مەيلى تاماقتانۋى، كيىم كيۋى، قونىستانۋى، ساپارعا شىعۋى بولسىن، الدە وقۋعا ءتۇسۋى، جۇمىستانۋى، ەمدەلۋى سياقتىلار بولسىن بارلىعى بارعان سايىن جاقسارا ءتۇستى. ءبىر رەتكى ارالاپ جاعداي ۇعىسۋ كەزىندە ءبىر ۇيعۇر ساقا پارتيا مۇشەسىنىڭ ايتقان سوزدەرى ءالى ەسىمدە: ”بۇرىن كۇنى بويى نە جەۋدى ويلاپ، نەمەن قارىن تويعىزارىمىزدى بىلمەۋشى ەدىك. قازىر دە نە جەۋگە باس قاتىرامىز، الايدا ءدامدى نارسەلەر وتە كوپ بولعاندىعىنان نە جەرىمىزدى بىلمەي قالامىز؛ بۇرىن كوپ ادامدار ۇرىمجىگە بارىپ كورمەگەن ەدى، ويتكەنى ءبىر بارىپ كەلۋگە كەمىندە 3 كۇن ۋاقىت كەتەتىن، قازىر 3 ساعاتقا جەتپەي - اق جەتىپ باراتىن بولدىق“. راس - اۋ، قازىرگى شينجياڭنىڭ مەيلى ەكونوميكاسىنىڭ دامۋى، عىلىم - تەحنيكادا جاڭالىق اشۋى بولسىن، الدە حالىق تۇرمىسىنىڭ جاقسارۋى بولسىن، بارلىعىندا قاۋىرت دامۋشىلىقتار مەن ىلگەرىلەۋشىلىكتەر بولدى. اسىرەسە، ورتالىقتىڭ 2 - رەتكى شينجياڭ قىزمەتى اڭگىمە ءماجىلىسى اشىلعاننان كەيىن، شينجياڭنىڭ جالپىلىق ناقتى قۋاتى كورنەكتى جوعارىلاپ، نەگىزدىك قۇرىلعىلار قۇرىلىسىندا كورنەكتى تابىستارعا جەتتى، ەرەكشە باسىمدىققا يە كاسىپتەر قارىشتاپ دامىپ، ەكونوميكانىڭ دامۋى شەكسىز ومىرشەڭدىككە يە بولدى. سۋ ىشكەندە قاينارىن ۇمىتپاۋ كەرەك، ءبىز ءاربىر ۇلت، ءاربىر ادام شىن كوڭىلىمىزبەن پارتياعا العىس ايتۋىمىز، ۇلى وتانعا العىس ايتۋىمىز، وڭاي - وسپاق قولعا كەلمەگەن اسا تاماشا جاعدايدى بارىنشا قاستەرلەپ، كورىكتى مەكەنىمىزدى بىرگە ويداعىداي قورعاۋىمىز كەرەك.

  اعا بۋىندار كۇنى بۇگىنگە دەيىن ”شەكارا وڭىرگە كومەكتەسۋ“ دەگەن ءسوزدى ۇمىتقان جوق، سول كەزدە بۇكىل ەلدىڭ جەر - جەرىندەگى، ءار سالاسىنداعى ادامدار شينجياڭعا كەلىپ، وزدەرىنىڭ شەكارا ءوڭىر قۇرىلىسىنا كومەكتەسۋ ىنتىزارلىعىن الا كەلىپ قانا قويماستان، اقىل - پاراساتتارى مەن اشتى تەرلەرىن دە وسىناۋ توپىراققا توكتى. مەن دە وسىنداي ”شەكارا وڭىرگە كومەكتەسۋ رۋحىن“ جالعاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدى، تياناقتاندىرۋدى كەلەلى ساياسي مىندەت، كەلەلى ساياسي جاۋاپكەرشىلىك ەتىپ، شىنايى تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتياعا شارتسىز ادال بولامىن. بۇقارامەن اناعۇرلىم تىعىز بايلانىس ورناتىپ، بۇقارانى ىنتىماقتاستىرىپ، بۇقاراعا قىزمەت ەتىپ، ءوزىمنىڭ ءىس جۇزىندىك ارەكەتىم ارقىلى ءار ۇلت بۇقاراسىمەن بىرگە كورىكتى شينجياڭدى كوركەيتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.