تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

جين شين: بۇقارانىڭ ءىسىن كوكەيىمدە ساقتايمىن

ءتىلشى چىن چىن

  شاۋەشەك قالاسى اشىلى داعۇر ۇلتتىق اۋىلىندا جين شين تۋرالى ءسوز بولسا بولعانى، ءار ۇلت بۇقاراسى تۇگەل باس بارماقتارىن شىعارىپ: ”جين اۋىل باستىعى، جارايدى!“ - دەسەدى.

  بيىل 35 جاستاعى جين شين اشىلى داعۇر ۇلتتىق اۋىلى پارتكومىنىڭ ورىنباسار شۋجيى، اۋىل باستىعى، ول ىلگەرىندى - كەيىندى شاشا قالاشىعى مەن اشىلى داعۇر ۇلتتىق اۋىلى سىندى كوپ ۇلت شوعىرلى قونىستانعان 2 اۋىل - قالاشىقتا قىزمەت ىستەدى، سول بەتى 9 جىل ىستەدى. ول باستان - اياق بۇقارامەن نيەتتەس بولىپ، بۇقارانىڭ ءىسىن كوكەيىندە ساقتادى.

  شاشا قالاشىعىندا جين شين بىرلىكساپ قىزمەتىنە جاۋاپتى بولدى. شاشا قالاشىعىنىڭ جان سانى 10 مىڭنان اسادى، بۇقارانىڭ تىلەگىن ەلەۋسىز، ۇمىت قالدىرماۋ ءۇشىن، مەيلى قايدا بارسا دا، بۇقارانىڭ تىلەگىن شەتىنەن داپتەرىنە جازىپ الىپ، ءبىر - بىرلەپ مۇقياتتىلىقپەن سالىستىرىپ تياناقتاندىرىپ وتىردى. ول: ”بۇقارانىڭ ءىسى − مەنىڭ ءىسىم“، - دەيتىن.

  2012 - جىلى شاشا قالاشىعى شەتجيەك قىستاعىنىڭ قىستاق تۇرعىنى ما ليانگونىڭ ۇيىنە ءورت كەتىپ، بىرنەشە ءۇيى تۇگەل ورتەنىپ كەتەدى. ءبىر ءۇيلى جان داعدارىپ وتىرعاندا، جين شين ۋاقىتشا تۇراتىن شاتىر الىپ كەلەدى، سونداي - اق ولارعا بەيقۇت ءۇي قوسىمشا قاراجاتىن سايكەستىرىپ بەرەدى. 2 ايدان كەيىن ءۇي سالىنىپ بولىپ، ما ليانگو وتباسى شاتىردا كۇن وتكىزگەن تۇرمىسقا قوش ايتادى.

  جاڭا ۇيگە كوشكەن كۇنى ما ليانگو جين شيننىڭ قولىن قىسىپ تۇرىپ: ”جين باۋىرىم، ساعان راقىمەت، وتباسىمىز قيىنشىلىق قىسپاعىندا قالىپ، دارمەنسىز كۇي كەشكەندە، سەن كەلدىڭ، ءۇي سالىنىپ بولدى، سەن ماڭگى مەنىڭ جاقسى باۋىرىمسىڭ، بۇل قامقورلىعىڭدى ماڭگى ۇمىتپايمىن“، - دەيدى.

  2015 - جىلى 10 - ايدا جين شين اشىلى داعۇر ۇلتتىق اۋىلى پارتكومىنىڭ ورىنباسار شۋجيى، اۋىل باستىعى بولادى. مەيلى قاي جەردە قىزمەت ىستەسە دە ول باستان - اياق ىستىق ىقىلاسىمەن ءار ۇلت حالىق بۇقاراسىنا قىزمەت وتەدى.

  2016 - جىلى 8 - ايدا جين شين تومەنگى مانجىباق قىستاعىنداعى قازاق كەدەي ادالقان مولدابايدىڭ وتباسىندا قيىنشىلىعى بار ەكەنىنەن، ايەلى اۋرۋعا شالدىققان، ەڭبەككۇش جوق بولعاندىقتان، قىزى مەرۋەرتتىڭ شينجياڭ مەديتسينا داشۋەسىنە وتكەن بولسا دا وقۋ قاراجاتىن تاپسىرا الماي وتىرعانىنان حابار تابادى.

  بالانىڭ تاعدىرىن وزگەرتۋ ءۇشىن، جين شين حالىق ىستەرى، وقۋ - اعارتۋ، مۇگەدەكتەر بىرلەستىگى سياقتى تاراۋلارعا ارلى - بەرلى شاپقىلايدى، ادالقان وتباسىنىڭ ەڭ تومەنگى تۇرمىستى قامتاماسىزداندىرۋ قاراجاتىن، مۇگەدەكتەرگە بەرىلەتىن قوسىمشا كومەك قاراجاتىن، وقۋشىلارعا بەرىلەتىن كومەك قاراجاتىن ءوتىنىش ەتۋىنە كومەكتەسىپ، ءتۇرلى جولدارمەن بالانىڭ وقۋعا تۇسۋىنە قارجى توپتايدى.

  2017 - جىلى تومەنگى مانجىباق قىستاعىنداعى 3 كەدەي وتباسىنىڭ بالاسى داشۋەگە وتەدى. جين شين تارباعاتاي ايماعىنداعى ءبىر ورىنمەن سايكەسىپ، كەدەي وتباسىلارىنان شىققان 3 ستۋدەنتكە قارجىلاي كومەكتەسىپ، جىل سايىن ءار بالاعا 10 مىڭ يۋان اقشالاي جاردەم بەرىپ، ولار داشۋە بىتىرگەنگە دەيىن جالعاستىرادى.

  ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ورىستەتىلگەننەن بەرى، جين شين مەن ايەلى ىلگەرىندى - كەيىندى جەكە - جەكە حانزۋ، حۇيزۋ، قازاق قاتارلى 3 ۇلت وتباسىلارىمەن جۇپ قۇراپ، تۋىس بولادى.

  2018 - جىلى 3 - ايدا جين شيننىڭ تىزەسى اۋىرىپ شىداتپايدى، تىزە، توبىق ءسىڭىرى اۋىر زاقىمدالعان، وپەراتسيا جاساتىپ، ەمدەۋ كەرەك دەگەن دياگنوز قويىلادى. وپەراتسيادان كەيىن شيپاگەر وعان ءبىر جىل دەم الۋدى ەسكەرتەدى، ايتسەدە، 3 اي بولار - بولماستا، جين شين گەپىس قاتىرىپ، قورعانۋ جابدىعىن تاعىنىپ، بالداققا سۇيەنىپ اتىز باسىندا پايدا بولادى.

  2015 - جىلى 12 - ايدا جين شين ارىزدانا كەلگەن 5 حالىق جۇمىسكەرىنىڭ مۇددەسىن جوقتاپ، ەڭبەكاقىلارىن سۇراپ، كەشىكتىرىلگەن 50 مىڭ يۋاننان استام جۇمىس اقىسىن الىپ بەرەدى؛ 2017 - جىلى 8 - ايدا كوككوپىر قىستاعىنىڭ حۇيزۋ قىستاق تۇرعىنى ما يوۋشياڭنىڭ ۇيىنە ءورت كەتەدى، ول ءورت وشىرۋشىلەرمەن بىرگە ءورتتى ءساتتى وشىرەدى؛ بيىل 3 - ايدا وسى اۋىلدىڭ اۋىل شارۋاشىلىعى ماشينالارى پۋنكتىنىڭ ۇيعۇر كادرى الينۇر ابىلەز انالىق بەز وسپەسىنە شالدىققاندا، ول بۇكىل اۋىلداعى ءار ۇلت بۇقاراسىن جىلۋ اتاۋعا جۇمىلدىرادى ءارى الينۇرعا كومەكتەسىپ قوعامنىڭ مەيىر باعىشتاۋ جىلۋ قاراجاتىن جيناپ بەرەدى...

  قازىر جين شين باسشىلىق القا مۇشەلەرىن باستاپ، قىستاقتاردى جەردى اينالىمعا سالۋ سەلبەستىك كووپەراتيۆىن قۇرۋعا جەتەكتەپ، ەرەكشە ماركا قالىپتاستىرىپ، كەدەيلەردى سۇيەمەلدەۋ نىسانىنا قول جەتكىزىپ، ءبيدايدى تاپسىرىس ۇلگىسىندە ەگۋدى جالپىلاستىرىپ... كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ جولىندا ارشىندى قادام تاستاۋدا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى