تيانشان تورى
تيانشان تورى   ›   جاڭالىقتار   ›   سۋرەتتى حابار

2019 - جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى

چىن چۋانگو، ى جيڭپيڭ، شوكىرات زاكىر، سۇن جينلۇڭ، لي پىڭشين قاتىناستى

  تىلشىلەر ياۋ تۇڭ، ۋاڭ شيڭرۇي 10 - ايدىڭ 14 - كۇنى ۇرىمجىدەن حابارلايدى. 10 - ايدىڭ 14 - كۇنى 2019 - جىلعى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو، سۋ يگىلىگى مينيسترلىگى پارتيا باسشىلىق گرۋپپاسىنىڭ شۋجيى، مينيستر ى جيڭپيڭ ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى سۇن جينلۇڭ، اۆتونوميالى رايوندىق پارتكومنىڭ ورىنباسار شۋجيى لي پىڭشين ماجىلىسكە قاتىناستى. سۋ يگىلىگى مينيسترلىگىنىڭ ورىنباسار مينيسترى يە جيانچۇن ءماجىلىستى باسقاردى.

  چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل شينجياڭداعى ءار ۇلت حالقى اتىنان سۋ يگىلىگى مينيسترلىگىنىڭ جانە تۋىسقان ولكە، قالالاردىڭ سۋ يگىلىگى جۇيەلەرىنىڭ ۇزاق ۋاقىتتان بەرى شينجياڭعا كوڭىل بولگەندىگىنە، قولداۋ كورسەتكەندىگىنە شىنايى العىس ايتتى. چىن چۋانگو شينجياڭنىڭ ورنىقتىلىق، دامۋ جاعدايىن تانىستىردى، ول بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعامنىڭ كەلەلى جاعدايىنىڭ ۇزدىكسىز ورنىقتى بولۋىن، ەكونوميكانىڭ ورنىقتى، اقاۋسىز دامۋىن، بۇقارانىڭ تۇرمىسىنىڭ ۇزدىكسىز جاقسارۋىن، ىستەردىڭ جاپپاي ىلگەرىلەۋىن جۇزەگە اسىردى. چىن چۋانگو بىلاي دەپ اتاپ كورسەتتى: سۋ يگىلىگى مينيسترلىگى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋدى كەلەلى ساياسي جاۋاپكەرشىلىك ەتۋدەن جازباي، بۇكىل ەلدىڭ سۋ يگىلىگى جۇيەسىنىڭ كۇشىن ىسكە قوسىپ شينجياڭنىڭ ءبىر توپ كەلەلى سۋ يگىلىگى ينجەنەريالارى مەن حالىق تۇرمىسى سۋ يگىلىگى نىساندارىن سالۋىنا قولداۋ كورسەتىپ، شينجياڭنىڭ سۋ يگىلىگى ىستەرىنىڭ اقاۋسىز دامۋىن پارمەندى جەبەدى، شينجياڭنىڭ قوعام ورنىقتىلىعى مەن باياندى تىنىشتىعىن پارمەندى قولدادى.

  چىن چۋانگو مىنالاردى ءبىلدىردى: سۋ يگىلىگى شينجياڭنىڭ باياندى دامۋىنىڭ كۇرە تامىرى. شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، وسى رەتكى سۋ يگىلىگى ارقىلى شينجياڭعا كومەكتەسۋ قىزمەتى ءماجىلىسىن وراي، قوزعاۋشى كۇش ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحى مەن سۋ يگىلىگىن جونگە سالۋ، سۋ يگىلىگىن گۇلدەندىرۋ جونىندەگى ماڭىزدى بايىمداۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاۋاپكەرشىلىك ارقالاۋدى كۇشەيتىپ، بەلسەندىلىكپەن، ىرىقتىلىقپەن ىسكەرلىك كورسەتىپ، ءماجىلىستىڭ تابىستارىنان ويداعىداي پايدالانىپ، سەلبەستىك كەلىسىمدەرىنىڭ ناقتى تياناقتانۋىن جەبەپ، جاڭا داۋىردەگى شينجياڭنىڭ سۋ يگىلىگى قىزمەتىن اناعۇرلىم تىڭعىلىقتى، ۇتىمدى جاقسى ىستەيدى. سۋ يگىلىگى مينيسترلىگى مەن شينجياڭعا باعىتتامالى كومەكتەسەتىن ولكە، قالالاردىڭ شينجياڭنىڭ سۋ يگىلىگى قىزمەتىنە ءباز - باياعىسىنداي كوڭىل ءبولىپ، قولداۋ كورسەتىپ، ساياسات، نىسان، قارجى، تەحنيكا، دارىندى، اقىل - پاراسات سياقتى جاقتاردان شينجياڭعا اناعۇرلىم زور تەبىنمەن، اناعۇرلىم كەڭ سالادا، اناعۇرلىم كوپ ساتىدا قولداۋ كورسەتىپ، كومەكتەسىپ، شينجياڭنىڭ سۋ حاۋىپسىزدىگى ستراتەگيالىق قالتقىسىن بەكەمدەپ، شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋىنە، قوعام ورنىقتىلىعى مەن باياندى تىنىشتىقتى ىلگەرىلەتۋىنە قۇدىرەتتى قوزعاۋشى قۋات جانە پارمەندى تىرەك ازىرلەۋىن ءۇمىت ەتەمىن.

  ى جيڭپيڭ بىلاي دەپ اتاپ كورسەتتى: ورتالىقتىڭ 2 - رەتكى شينجياڭ قىزمەتى اڭگىمە ءماجىلىسى اشىلعاننان بەرى، اسىرەسە، پارتيا 19 - قۇرىلتايىنان بەرى، سۋ يگىلىگى مينيسترلىگى جاڭا داۋىردەگى پارتيانىڭ شينجياڭدى جونگە سالۋ جالپى جوباسى مەن پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، نىسان ارقىلى شينجياڭعا كومەكتەسۋدى، تەحنيكا ارقىلى شينجياڭعا كومەكتەسۋدى، دارىندى ارقىلى شينجياڭعا كومەكتەسۋدى، شينجياڭعا باعىتتامالى كومەكتەسۋدى تىڭعىلىقتى ىلگەرىلەتتى، سۋ يگىلىگى ارقىلى شينجياڭعا كومەكتەسۋ قىزمەتىنىڭ ونىمدىلىگى كورنەكتى بولدى. نازاردى نىسان، قارجى، تەحنيكا، دارىندى سياقتى جاقتارعا شوعىرلاندىرۋمەن بىرگە، سۋ يگىلىگى ارقىلى شينجياڭعا كومەكتەسۋ قىزمەتىندە سۋ بايلىعىن باسقارۋ، قارجى ازىرلەۋ، ينجەنەريا اينالىسى سياقتى ماسەلەلەرگە دە ىشكەرىلەي زەرتتەۋ جۇرگىزۋ قاجەت. كەلەسى قادامدا، سۋ يگىلىگى ارقىلى شينجياڭعا كومەكتەسۋ قىزمەتىندە ”ولقىلىقتى تولىقتاۋدى، باقىلاۋ - باسقارۋدى كۇشەيتۋدى“ توڭىرەكتەي وتىرىپ تىڭعىلىقتى ىلگەرىلەتۋ كەرەك. ”ولقىلىقتى تولىقتاۋ“دا تاسقىننان ساقتانۋ، قۋاڭشىلىقپەن كۇرەسۋ سۋ يگىلىگىنىڭ دەڭگەيىن جوعارىلاتۋ ينجەنەريا قۇرىلىسىن، كەدەي جان سانىنىڭ اۋىز سۋ حاۋىپسىزدىگى ماسەلەسىن شەشۋدى، اۋىل شارۋاشىلىعىندا سۋ ۇنەمدەۋ نىسانى قۇرىلىسىن جانە سۋدىڭ ەكولوگيالىق ورتاسىن قورعاۋ مەن جاقسارتۋدى، قالپىنا كەلتىرۋدى كورنەكتى تۇردە مىقتاپ يگەرۋ كەرەك. ”باقىلاۋ - باسقارۋدى كۇشەيتۋ“دە سۋدى ۇنەمدەۋدى الدىمەن ويلاستىرۋ باعىتىن ءتۇيىندى تياناقتاندىرىپ، سۋ بايلىعىن باسقارۋدى كۇشەيتىپ، سۋ الۋدى، سۋدان پايدالانۋدى باقىلاۋ - باسقارۋدى قاتايتىپ، وزەن - كولدەردى باقىلاۋ - باسقارۋدى مىقتاپ يگەرىپ، ينجەنەريا قۇرىلىسىنىڭ ساپاسى مەن قارجى حاۋىپسىزدىگىنە شىنايى كەپىلدىك ەتىپ، ينجەنەريا اينالىمىن باسقارۋ ورەسىن شىن مانىندە جوعارىلاتۋ كەرەك.

  ى جيڭپيڭ بىلاي دەپ باسا دارىپتەدى: سۋ يگىلىگى ارقىلى شينجياڭعا كومەكتەسۋ قىزمەتىنىڭ ۇلكەن بەتالىسىن دۇرىس يگەرۋ كەرەك. ءبىرىنشى، پارتيا ورتالىق كوميتەتىنىڭ شينجياڭ قىزمەتى جونىندەگى باس نىساناسىن دۇرىس يگەرىپ، قوعام ورنىقتىلىعى مەن باياندى تىنىشتىقتى مىقتاپ ارقاۋ ەتىپ، جاڭا دامۋ ۇستانىمىن بەرىك ورناتىپ، حالىقتى وزەك ەتكەن دامۋ يدەياسىن تياناقتاندىرىپ، نازاردى وڭتۇستىك شينجياڭداعى كەدەيلىكتەن ارىلتۋدان قامال الۋعا شوعىرلاندىرىپ، شينجياڭدى ورنىقتىرۋدىڭ، شينجياڭدى گۇلدەندىرۋدىڭ سۋ يگىلىگى نەگىزىن بەكەمدەۋ كەرەك. ەكىنشى، سۋ يگىلىگى رەفورماسىنىڭ، دامۋىنىڭ جالپى ارناسىن دۇرىس يگەرىپ، شينجياڭداعى كونە - جاڭا ءتورت ءىرى سۋ ماسەلەسىنە تولىق تالداۋ جاساۋ نەگىزىندە ولقىلىقتى تولىقتاۋ شارالارىنا زەرتتەۋ جۇرگىزىپ، شينجياڭنىڭ سۋ بايلىعىن اشۋ، پايدالانۋ، وزەن - كولدى باسقارۋ، سۋ يگىلىگى ينجەنەرياسى سياقتىلارعا پارمەندى باقىلاۋ - باسقارۋ جۇرگىزىپ، سۋ يگىلىگى ارقىلى شينجياڭعا كومەكتەسۋ قىزمەت بەتالىسىنىڭ دۇرىس، قادامىنىڭ تەز بولۋىنا شىنايى كەپىلدىك ەتۋ كەرەك. قاتىستى ورىندار سۋ يگىلىگى ارقىلى شينجياڭعا كومەكتەسۋ قىزمەتىنە ۇيىمدىق باسشىلىقتى كۇشەيتىپ، سۋ يگىلىگى ارقىلى شينجياڭعا كومەكتەسۋدى ءتۇيىندى قىزمەت ەتىپ بار كۇشپەن ىلگەرىلەتىپ، قىزمەت جاۋاپكەرشىلىگىن ناقتىلاندىرىپ، پىكىرلەسۋگە، سەلبەسۋگە ءمان بەرىپ، قىزمەت بىرىككەن كۇشىن ۇيىستىرىپ، كەلەسى كەزەڭدەگى سۋ يگىلىگى ارقىلى شينجياڭعا كومەكتەسۋ قىزمەتىن ءتىپتى دە جاقسى ىستەۋ كەرەك.

  ماجىلىستە سۋ يگىلىگى مينيسترلىگىنىڭ شينجياڭنىڭ سۋ يگىلىگى قىزمەتىن قولداۋ باسشىلىق گرۋپپاسى كەڭسەسىندەگى جاۋاپتى جولداس سۋ يگىلىگى ارقىلى شينجياڭعا كومەكتەسۋ قىزمەت جاعدايىن تانىستىردى، اۆتونوميالى رايوندىق سۋ يگىلىگى مەڭگەرمەسىندەگى، بيڭتۋان سۋ يگىلىگى مەكەمەسىندەگى جاۋاپتى جولداستار اۆتونوميالى رايوننىڭ جانە بيڭتۋاننىڭ سۋ يگىلىگى قىزمەتىنىڭ جاعدايىن تانىستىردى؛ سۋ يگىلىگى مينيسترلىگى حۋاڭحى وزەنى سۋ يگىلىگى كوميتەتىندەگى، سۋ يگىلىگىن، سۋ ەلەكترىن جوسپارلاۋ، جوبالاۋ باس مەكەمەسىندەگى جانە شاڭحايدىڭ، جياڭسۋدىڭ، جىجياڭنىڭ، گۋاڭدۇڭنىڭ، بەيجيڭنىڭ سۋ يگىلىگى تاراۋلارىنداعى جاۋاپتى جولداستار ماجىلىستە پىكىر اۋىستىرىپ لەبىز ءبىلدىردى.

  ءماجىلىستىڭ الدىندا، سۋ يگىلىگى مينيسترلىگى مەن اۆتونوميالى رايوندىق حالىق ۇكىمەتى «شينجياڭنىڭ سۋ يگىلىگىنىڭ جوعارى ساپالى دامۋىن ىلگەرىلەتۋ ستراتەگيالىق سەلبەستىك جۇلگەلىك كەلىسىمى»نە قول قويدى.

  سۋ يگىلىگى مينيسترلىگىنىڭ باسشىلارى ما جيانحۋا، يۋە جۇڭميڭ، ليۋ ۋيپيڭ، ۋاڭ اننان، اۆتونوميالى رايوننىڭ باسشىلارى ەركىن تۇنياز، سارقىت اقان، پىڭ جيارۇي، دۇڭ شينگۋاڭ، كۇڭ شيڭلۇڭ قاتارلىلار جوعارىداعى قيمىلدارعا قاتىناستى. سۋ يگىلىگى مينيسترلىگىنىڭ قاتىستى مەڭگەرمە، مەكەمەلەرىندەگى، توتە قاراستى ورىندارداعى، شينجياڭعا باعىتتامالى كومەكتەسەتىن 19 ولكە، قالانىڭ سۋ يگىلىگى، سۋ ىستەرى تاراۋلارىنداعى جانە اۆتونوميالى رايوننىڭ، بيڭتۋاننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.