تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

لي جياندۇڭ: قىستاق تۇرعىندارىن قاي - قاشان دا كوكەيىندە ساقتادى

ءتىلشى حان چينيان

  ”بۇل تەك مەنىڭ جەكە باسىمنىڭ اتاق - ابرويى عانا ەمەس، پارتيا مەن مەملەكەتتىڭ شينجياڭ مۇناي الابى سەرىكتەستىگىنىڭ ۇلتتار ىنتىماعى، العاباسارلىعى قىزمەتىن تۇراقتاندىرعاندىعى“، - دەدى جاڭا عانا ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعىن العان شينجياڭ مۇناي الابى سەرىكتەستىگىنىڭ شۇعىل جاعدايعا توتەپ بەرۋ، قاتەردەن قۇتقارۋ، كومەكتەسۋ ورتالىعى 5 - بولىمشە سەرىكتەستىگىنىڭ ديرەكتورى لي جياندۇڭ كوڭىلى اسىپ - تاسىپ اسا ءبىر ماقتانىش سەزىممەن.

  التىن كۇز 10 - ايدا قاعىلىق اۋدانىنىڭ عوجا ارىق اۋىلى اياققى گۇلباق قىستاعىندا ءبىرىنشى شۋجي بولىپ مىندەت وتەپ جاتقان لي جياندۇڭ بۇرىنعىداي قىستاق تۇرعىندارىمەن بىرگە ەڭبەك ىستەپ جاتتى.

  لي جياندۇڭ شينجياڭ مايتاۋ مۇناي مەكتەبىنىڭ مۇناي ايىرۋ ماماندىعىنان وقۋ تاۋىسقاننان كەيىن، شينجياڭ مۇناي الابى سەرىكتەستىگىنە بولىنەدى. ول نەگىزگى ساتىدان باستاپ ىسكە كىرىسىپ، بىرتىندەپ شينجياڭ مۇناي الابى سەرىكتەستىگىنىڭ شۇعىل جاعدايعا توتەپ بەرۋ، قاتەردەن قۇتقارۋ، كومەكتەسۋ ورتالىعى 5 - بولىمشە سەرىكتەستىگىنىڭ ديرەكتورى بولىپ جەتىلىپ شىعادى. وسى جىلداردا ول ىلگەرىندى - كەيىندى ”اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى جەكە“، قارامايلىنىڭ ”ءمورال ۇلگىسى“ سياقتى داڭقتى اتاقتارعا يە بولدى.

  2018 - جىلدىڭ باسىندا 49 جاستاعى لي جياندۇڭ ومىرىندەگى ءبىر ەلەۋلى سايىسقا ءدوپ كەلدى: قاعىلىق اۋدانى عوجا ارىق اۋىلى اياققى گۇلباق قىستاعىنا ءبىرىنشى شۋجي مىندەتىن وتەۋگە باردى.

  قايتكەندە قىستاق تۇرعىندارىن كەدەيلىكتەن ارىلتىپ، اۋقاتتانۋعا باستاۋعا بولادى؟ لي جياندۇڭ وي جۇگىرتتى، ىزدەندى. قىستاقتاعى ارتىق ەڭبەككۇشتەردى سىرتقا شىعىپ جۇمىستانۋعا اتتانىسقا كەلتىردى، الايدا كەدەي وتباسىلارى ۇيىنەن ۇزاق شىققىسى كەلمەدى، لي جياندۇڭ وتباسىلارىن ءبىر - بىردەن ارالاپ ساياساتتى ۇگىتتەدى.

  2018 - جىلى 3 - ايدا لي جياندۇڭ قارامايلى نىنمەيتى اس - سۋ باسقارۋ شەكتى سەرىكتەستىگىمەن بايلانىس جاساپ، كاسىپورىنشىلاردى قىستاققا كەلىپ تانىستىرۋعا - ۇگىتتەۋگە ۇسىنىس ەتىپ، قىستاق تۇرعىندارىن كاسىپورىنعا بارىپ جۇمىستانۋعا اتتانىسقا كەلتىردى.

  قىستاق تۇرعىندارى ابلەميت وسمان، تۇحان روزى قاتارلى 4 ادام قارامايلىعا بارىپ جۇمىس ىستەدى. ”ءاربىرىمىز اي سايىن 2500 يۋان ەڭبەكاقى الامىز، 3 ايدا مەن ۇيىمە 6000 يۋاننان استام اقشا جىبەرىپ بەردىم“، - دەدى ابلەميت.

  ابلەميتتىڭ قارامايلىدا اقشا تاپقان حابارى بۇكىل قىستاققا لەزدە تارالدى، ءبىر جىلدىڭ ىشىندە اياققى گۇلباق قىستاعىنان 150 ادام سىرتقا شىعىپ جۇمىس ىستەدى.

  لي جياندۇڭ قىستاقتاعى ەڭبەككۇش بايلىعىن جانداندىرىپ، قىستاق تۇرعىندارىن جەرگىلىكتى ورىنداعى جول سالۋ، نەگىزدىك قۇرىلعىلاردى جاڭالاۋ سياقتى كەدەيلەردى سۇيەمەلدەۋ ينجەنەريالارىنا ات سالىسۋعا ۇيىمداستىرۋدى جوسپارلادى. لي جياندۇڭ قىستاقتاعى تەحنيكا شەبەرلەرىن تاۋىپ اكەلىپ، ۋانفىڭ شارۋالار كاسىپتىك سەلبەستىك كووپەراتيۆىن قۇرۋعا باستاماشى بولدى.

  لي جياندۇڭنىڭ كومەگىندە قىستاق تۇرعىنى وبۇل قاسىم باستاماشىلدىقپەن ينجەنەر اترەتىن قۇرىپ، قىستاقتا الەۋمەتتىك دارەتحانا سالىپ، قىستاقتاعى 3 جولدى قاتتىلاندىردى؛ قىستاق تۇرعىنى ياسىن ساۋىت كەرپىش زاۆودىن قۇرىپ، بۇكىل قىستاقتىڭ اۋلا شارۋاشىلىعىن جاڭالاۋعا پايدالانىلاتىن كەرپىشتى جانە قىستاقتىڭ جاياۋلار كوشەسىنە جاتقىزىلاتىن كەرپىشتى ءوندىردى؛ قىستاق تۇرعىنى يمىننياز مامەت قۇرىلىس اترەتىن ۇيىمداستىرىپ، بۇكىل قىستاقتاعى 18 بەيقۇت ءۇي مەن قىستاقتاعى اۋلا شارۋاشىلىعى قۇرىلىسىنا جاۋاپتى بولدى؛ 3 ينجەنەريا اترەتى 2 ميلليون يۋاندىق ينجەنەريانى ۇستىنە الىپ، 50گە تارتا ادامدى وسى قىستاقتا جۇمىس ىستەۋگە جەتەلەدى.

  ”لي شۋجي’زىرىلداۋىق‘سەكىلدى، قىزمەتتى ەشقاشان توقتاتپايدى، بۇقارانى ءار ۋاق كوكەيىندە ساقتادى“، - دەدى وبۇل.

  كەدەي وتباسى زەينەپ تۇرۇپ جالعىز ءوزى 3 بالاعا قارايدى، مۇنى كورگەن لي جياندۇڭنىڭ كوڭىلى بايىز تاپپادى، قايتكەندە ونىڭ وتباسىنىڭ ەكونوميكالىق جاعدايىن جاقسارتۋعا بولادى؟

  ”كەپتەر باعۋ ارقىلى كىرىستى ارتتىرۋعا بولادى“. لي جياندۇڭ وعان 15 جۇپ كەپتەر اكەلىپ بەردى. قازىر ونىڭ كەپتەرىنىڭ سانى 100گە تاياپ، ءبىر ءۇيلى جاننىڭ تۇرمىسى دا بارعان سايىن جاقساردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس