− بايىنعولين وبلىستىق 3 - ورتا مەكتەپتىڭ تولىق ورتا ماتەماتيكا وقىتۋشىسى، اۆتونوميالى رايوننىڭ ەرەكشە وقىتۋشىسى سەرىن تۋرالى
ءتىلشى دۋ جيانحۇي
”9 - ايدىڭ 10 - كۇنى وقىتۋشىلار مەرەكەسىندە قول تەلەفونىمنىڭ كەلتە حات ەسكەرتۋى تولاستامادى، قىزىمنىڭ مەكەمەسى دە ماعان تىلەك جولداپتى، ءوزىمدى دۇنيەدەگى ەڭ باقىتتى ادام سەزىندىم!“ 9 - ايدىڭ 12 - كۇنى بايىنعولين موڭعۇل اۆتونوميالى وبلىستىق 3 - ورتا مەكتەپتىڭ وقىتۋشىسى سەرىن ءوزىن ءباز - باياعىداي باقىتتى سەزىنەدى.
1985 - جىلى 8 - ايدا سەرىن ىشكى موڭعۇل پەداگوگيكا داشۋەسىنىڭ ماتەماتيكا فاكۋلتەتىنەن وقۋ بىتىرگەننەن كەيىن، بايىنعولين وبلىستىق موڭعۇل جوعارى دارەجەلى مەكتەبىنە (كەيىن بايىنعولين وبلىستىق 3 - ورتا مەكتەپ بولىپ وزگەرتىلدى) قىزمەتكە ءبولىندى، سول ىستەگەننەن 34 جىل قىزمەت ىستەدى.
سەرىن باستان - اياق ”وقىتۋشى − جەتەكشى، وقۋشى − نەگىزگى تۇلعا“ دەيتىن وقىتۋ ۇستانىمىنان جازباي، وقۋشىلاردىڭ دارالىق ەرەكشەلىگىمەن ۇشتاستىرا وقىتۋ مازمۇنىن جوبالاپ، وقىتۋ تاسىلىندە جاڭالىق اشىپ، ساباقتان سىرتقى ۋاقىتتاردان پايدالانىپ 2 - ساباقحانا اشتى، ول وقۋشىلاردى اۋەسىنە قاراي گرۋپپالارعا قاتىناسۋعا شابىتتاندىرىپ، وقۋشىلار ەرەكشەلىگىنىڭ تولىق ساۋلەلەنۋىنە مۇمكىندىك جاسادى.
سەرىندىلگىر ەسىمدى وقۋشىنىڭ دەنە تاربيەدە ارتىقشىلىعى بار، 2 - ساباقحانانىڭ جەتەكشىلىگىندە جىلدام جەتىلىپ، ىشكى موڭعۇل پەداگوگيكا داشۋەسىنىڭ دەنە تاربيە فاكۋلتەتىنە قابىلداندى؛ ءتومىربات ەسىمدى وقۋشى ىشكى موڭعۇل ۇلتتار داشۋەسىنىڭ مۋزيكا فاكۋلتەتىنە قابىلداندى...
شينجياڭداعى جاڭا ساباق رەفورماسىنىڭ ءبىرىنشى جىلى سەرىن باسەكەگە باتىل بولىپ، قىزمەتتەستەرىمەن بىرگە وقىتۋ نازارياسى زەرتتەۋىن ۇزدىكسىز جۇرگىزىپ، تاماشا وقىتۋ ونىمدىلىگىنە قول جەتكىزدى.
ول ىلگەرىندى - كەيىندى «وقۋشىلاردىڭ ۇيرەنۋ قىزعىندىلىعىن قوزعاۋ» قاتارلى كوپتەگەن عىلمي ماقالا جاريالادى، بۇكىل ەلدەگى 8 ولكە - اۆتونوميالى رايوننىڭ عىلمي ماقالا جارىسىندا ونىڭ «ماتەماتيكالىق نەگىزگى قابىلەتتى جەتىلدىرۋ ءادىسى»، «ماتەماتيكا وقىتۋ ءادىسىنىڭ ءمانى» اتتى عىلمي ماقالالارى جەكە - جەكە 1 - دارەجەلى سيلىققا جانە 2 - دارەجەلى سيلىققا يە بولدى.
بايىنعولين وبلىستىق 3 - ورتا مەكتەپ جاتاقتى مەكتەپ، كوپتەگەن وقۋشىلار شەتكەرى، شالعاي مال شارۋاشىلىق وڭىرلەرىنەن كەلگەن. وقۋشىلاردىڭ الاڭسىز ۇيرەنۋىنە مۇمكىندىك جاساۋ ءۇشىن، سەرىن ءار كۇنى تاڭەرتەڭ مەكتەپكە كەلىپ، وقۋشىلارمەن بىرگە گيمناستيكاعا شىعىپ، كەشتە وقۋشىلاردىڭ جاتاعىنا بارىپ وقۋشىلارمەن سىرلاسىپ، وقۋشىلاردىڭ يدەيالىق وزگەرىسىن، وتباسى جاعدايىن يگەرۋدى ۇزبەي جالعاستىردى. قايسى وقۋشىدا قيىنشىلىق بولسا، سەرىن ىلعي الدىمەن كومەك قولىن سوزدى.
چولۇنبات ەسىمدى وقۋشى حوشۇت اۋدانىنىڭ شەتكەرى تاۋلى وڭىرىنەن كەلگەن، وتباسى كەدەي. وسى جاعدايدى بىلگەننەن كەيىن، سەرىن ءار ايدا امالىن تاۋىپ چولۇنباتقا كومەكتەسىپ، ونىڭ الاڭسىز ۇيرەنۋىنە مۇمكىندىك جاسادى. چولۇنبات مۇعالىمدارى مەن ساباقتاستارىنىڭ قامقورلىعى مەن كومەگىندە تالاپتانا ۇيرەنىپ، ەڭ سوڭىندا ۇزدىك ناتيجەمەن ىشكى موڭعۇل داشۋەسىنە قابىلداندى. سەرىن تاعى حوشۇت اۋدانىنداعى حالىق ىستەرى تاراۋلارىمەن حابارلاسىپ، چولۇنباتتىڭ داشۋە وقۋىنداعى ءبىر ءبولىم وقۋ قاراجاتتارىن شەشىم ەتۋىنە كومەكتەستى.
”ءار جولى قيىنشىلىققا جولىققاندا، تەك سەرىن مۇعالىم مەن ساباقتاستارىمنىڭ ماعان قامقورلىق جاساعاندىعىن جانە قولداۋ كورسەتكەندىگىن ويلاسام بولدى، سەنىمىم ارتا تۇسەدى“، - دەيدى اسپيرانتتىق ءبىتىرىپ، قازىر قىزمەت ىستەپ جاتقان چولۇنبات.
تالاي جىلدان بەرى، تالاي - تالاي وقۋشى قيىنشىلىققا جولىعىپ، باسى قاتقان كەزدەرىندە تۇگەلدەي سەرىننىڭ قالتقىسىز كومەگىن العان. سەرىن ءوز ەڭبەكاقىسىمەن وقۋشىلاردىڭ اۋرۋىن كورسەتىپ، دەمالىس ۋاقىتىنان پايدالانىپ وقۋشىلارىمەن سىرلاستى، مۇنىڭ ءبارى وقۋشىلاردىڭ الاڭسىز ساباقحانادا وتىرىپ ساباعىن وقىپ، كوركەم بولاشاقتارى ءۇشىن كۇرەس جاساۋىنا مۇمكىندىك ازىرلەۋ ءۇشىن ەدى.
”ءبىر ۇزدىك وقىتۋشىدا تەك مول ءبىلىم بولىپ قانا قويماي، ونان دا ماڭىزدىسى، تاماشا ۇستازدىق ءمورال بولۋى كەرەك، مەنەن وقىعان وقۋشىلار وقۋدا جاقسى ناتيجەگە جەتىپ قانا قويماي، قالاي ادام بولۋدى دا ۇيرەنۋى كەرەك“، - دەيدى سەرىن.
34 جىلدىق وقىتۋ قىزمەتى بارىسىندا سەرىن باستان - اياق ادالدىقتان اينىماي، قىزمەت ورنىن ءسۇيىپ، كاسىبىن ارداقتاپ، ىلگەرىندى - كەيىندى مەملەكەتتىك 1 - مامىر ەڭبەك مەدالى، شينجياڭدى اشۋ - گۇلدەندىرۋ مەدالى، مەملەكەتتىك ۇستازدىق ءمورال ۇلگىسى سياقتى داڭقتارعا يە بولدى.
