− تارباعاتاي ايماقتىق حالىق شيپاحاناسى سىرتقى اۋرۋلار ءبولىمى پارتيا ياچەيكاسىنىڭ شۋجيى، قورەكتىك ءبولىمىنىڭ مەڭگەرۋشىسى سالايدىن سالىقجان تۋرالى
ءتىلشى سۇڭ يا - ۋىن
9 - ايدىڭ 22 - كۇنى تۇستەن كەيىن وپەراتسيا بولمەسىنەن جاڭا شىققان سالايدىن سالىقجان اسىعىس - ۇسىگىس بالنيتساعا كەلىپ ناۋقاستىڭ جاعدايىن ۇعىستى، ناۋقاستى توسەككە سۇيەپ شىعارىپ، جاراقات اۋزىن تەكسەرىپ، اۋرۋ جاعدايىن ەستەلىككە الدى... قيمىلى جىلدام ءارى شيراقى.
سالايدىن تارباعاتاي ايماقتىق حالىق شيپاحاناسى سىرتقى اۋرۋلار ءبولىمى پارتيا ياچەيكاسىنىڭ شۋجيى، قورەكتىك ءبولىمىنىڭ مەڭگەرۋشىسى، جوعارى قىسىمدى وتتەگى ءبولىمىنىڭ مەڭگەرۋشىسى، جالپىلىق سىرتقى اۋرۋلار ءبولىمىنىڭ ورىنباسار مەڭگەرۋشىسى، بىرنەشە مىندەتتى قوسىمشا اتقاراتىن ول ۇنەمى قاربالاستىقتان مۇرنىنا سۋ جەتپەي جۇرەدى. ول العاش قىزمەتكە شىققان كەزدە، ”يدەيا - ءمورالى تاماشا، تەحنيكادا ىسىلعان، بۇكىل ىنتا - پەيىلىمەن ناۋقاستارعا قىزمەت ەتەتىن جاقسى شيپاگەر بولامىن“ دەپ سەرت بەرگەن، 10 نەشە جىلدان بەرى، ول وسى نىسانا ءۇشىن باستان - اياق قۇلشىنىپ كەلەدى.
■ شيپاگەرلىك جولىنا ىزگى نيەتپەن قادام تاستادى
سالايدىن تىلشىگە شيپاگەرلىكپەن شۇعىلدانۋ جولىن تاڭداۋىنا اكەسىنىڭ ىقپال ەتكەندىگىن ايتتى. ”اكەم كىشكەنتاي كەزىمنەن وتاندى ءسۇيۋدى، ىزگى نيەتتى بولۋدى، باسقالارعا كومەكتەسۋدى ۇيرەتىپ، ماعان مەيىرىمدى، ءمورالدى ادام بول دەيتىن“. ماڭايىنداعى كوپتەگەن ادامنىڭ اۋرۋ ازابىن ارقالاعانىن كورىپ، شيپاگەر اجالعا اراشاشى، جارالىعا مەدەت بولۋ كەرەك دەپ ويلاعان سالايدىن شيپاگەرلىك ۇيرەنۋ ويىنا كەلەدى.
سالايدىن 2002 - جىلى شينجياڭ مەديتسينا داشۋەسىنەن وقۋ تاۋىسقاننان كەيىن، اۋىلىنا دەگەن قىزۋ سۇيىسپەنشىلىگىمەن تارباعاتايعا قايتىپ، تارباعاتاي ايماقتىق حالىق شيپاحاناسىنىڭ سىرتقى اۋرۋلار شيپاگەرى بولدى.
17 جىل شيپاگەرلىكپەن شۇعىلدانۋ بارىسىندا ول كاسىپتى قاجىرلىلىقپەن زەرتتەۋدەن جازباي، توسەلگەن شيپاگەرلىك ونەرىمەن ءار ۇلت بۇقاراسىنا قىزمەت وتەپ، ناۋقاستاردى تۋىسىنداي كورىپ، ءوزىنىڭ سابىرلىلىعىمەن جانە مەيىرىمدىلىگىمەن ءاربىر ناۋقاسقا ويداعىداي قىزمەت وتەدى. ول تەك ”جاقسى شيپاگەر“عانا ەمەس، بۇكىل جۇرتقا تانىمال ”جاقسى ادام“.
■ ءار جولى سوزىلعىش بايپاق كيىپ وپەراتسياعا كىرەدى
سالايدىندى تۇسىنەتىن ادامداردىڭ بارلىعى ونىڭ ءار رەتكى وپەراتسيادان ىلگەرى سوزىلعىش بايپاق كيىپ الاتىندىعىن بىلەدى. جالپىلىق سىرتقى اۋرۋلار ءبولىمى ۇلكەن، كۇدىكتى، كۇردەلى ناۋقاستارعا وپەراتسيا جاساۋعا جاۋاپتى، ءبىر رەتكى وپەراتسياعا كەم دەگەندە ءبىر ساعات، ۇزاق بولعاندا 5 ساعات، ءتىپتى، ودان دا ۇزاق ۋاقىت جۇمسالادى، وپەراتسيا ۇستىندە شيپاگەرلەر باستان - اياق تىكەسىنەن تىك تۇرادى. مۇنداي قىزمەت كۇشەمەلىلىگى جاعدايىندا نەمەنەگە سۇيەنىپ شىداپ تۇرۋعا بولادى؟ سالايدىن تىلشىگە ءوزىنىڭ سوزىلعىش بايپاققا سۇيەنەتىندىگىن ايتتى.
سالايدىن ۇنەمى ءبىر كۇندە 3 − 4 وپەراتسيا جاسايدى، ەڭ قاربالاس كەزىندە 7 وپەراتسيا دا جاساعان، كۇنىنە 10 نەشە ساعات قىزمەت ىستەيدى. ۇزاق ۋاقىت تۇرەگەلىپ تۇرىپ وپەراتسيا جاسايتىندىقتان، ونىڭ اياقتارىنىڭ ۆەنا تامىرلارى تۇيىندەلىپ، بالتىرى ۇنەمى ءىسىپ سىزداپ كەتەدى.
”بولىمدەگى تاجىريبەلى ساقا شيپاگەر ماعان سوزىلعىش بايپاق كيىپ العاندا، اۋىرعاندى باسەڭدەتۋگە بولاتىنىن ايتتى“. سالايدىن سوزىلعىش بايپاق كيگەننەن كەيىن اياعىنىڭ سىزداپ اۋىرعانىنىڭ ەداۋىر باسىلىپ قالاتىندىعىن ايتتى. وسىلايشا، ول سىرتقى اۋرۋلار بولىمىندەگى قىزمەت ورنىنان باستان - اياق تاپجىلماي، ءوزىنىڭ ءىس جۇزىندىك ارەكەتى ارقىلى ءار ۇلت بۇقاراسىنىڭ القاۋىنا بولەندى.
■ مەيىرىمدىلىگىمەن ناۋقاستاردىڭ جۇرەگىن جادىراتتى
”جاقسى شيپاگەر بولۋ ءۇشىن، ناۋقاستاردى ويداعىداي ەمدەپ قانا قويماي، مەيىرىمدىلىك تە جەتكىزە ءبىلۋ كەرەك“. سالايدىن كوڭىلىندە ناۋقاستاردى باستان - اياق ءوز تۋىسىنداي كوردى. ول ناۋقاستاردىڭ اۋرۋىن ەمدەپ قانا قويماي، ولاردىڭ جۇرەگىن دە جادىراتتى.
بيىل 68 جاسقا كەلگەن جاۋ شيۋىنىڭ سال بولىپ جاتقانىنا 30 نەشە جىل بولىپتى، ۇزاق ۋاقىت توسەك تارتىپ جاتقاندىقتان، جامباسى ويىلىپ قالعان، قيمىلداۋى قولايسىز ەدى. سالايدىن جاعدايدان حابارلى بولعاننان كەيىن، ىرىقتىلىقپەن جاۋ شيۋىنىڭ ۇيىنە بارىپ وعان قارايلاسىپ، ونى ارى - بەرى اۋناتىپ، دەنەسىن ۋقالاپ، ءدارىسىن الماستىرىپ بەردى. ونىڭ مۇنى 15 جىل جالعاستىراتىندىعىن ەشكىم دە ويلاماعان ەدى.
قازىر سالايدىننىڭ ۇزاق ۋاقىتتان بەرى قارايلاسىپ كەلە جاتقان 8 ناۋقاسى بار. ءتىپتى دە كوپ ناۋقاسقا كومەكتەسۋ ءۇشىن، 2014 - جىلى سالايدىن ”مەيىربان اكەلەر“ ۇجىمىن باستاماشىلىدىقپەن قۇردى، ۇجىمنىڭ 38 مۇشەسىنىڭ ءاربىرى اي سايىن قاراجات شىعارىپ، قيىنشىلىعى بار ادامدارعا كومەكتەسىپ كەلەدى.
بۇگىنگى كۇندە باسقالارعا كومەكتەسۋ سالايدىننىڭ تۇرمىسىنىڭ ءبىر بولىگىنە اينالعان، ول ءوزىنىڭ رياسىز مەيىرىمى مەن سۇيىسپەنشىلىگى ارقىلى ماڭايىنداعى ادامدارعا اسەر ەتىپ، بۇكىل ىنتا - پەيىلىمەن ناۋقاستارعا قىزمەت ەتەتىن جاقسى شيپاگەرگە اينالدى.
