تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭ ETC قولدانۋدى ىلگەرىلەتۋ ”ۋاقىت كەستەسىن“ تۇراقتاندىردى

جىل سوڭىندا جوعارى قارقىندى تاس جولدا كولىكتى توقتاتپاي اقى الۋ نەگىزىنەن جۇزەگە اسىرىلادى

  ءتىلشى ۋاڭ يۇيجاۋ 10 - ايدىڭ 16 - كۇنى ۇرىمجىدەن حابارلايدى. اۆتونوميالى رايوننىڭ ETCدى كوبەيتىپ قولدانۋدى جەدەل ىلگەرىلەتۋ قىزمەتى جاعدايى جونىندەگى اقپار جاريالاۋ ماجىلىسىنەن ۇعىسۋعا قاراعاندا، بيىل جىل سوڭىندا رايونىمىز اۆتوكولىكتەرگە ETC ورناتۋ مولشەرىن %80تەن اسىرۋعا، جوعارى قارقىندى تاس جولدا قاتىنايتىن كولىكتەردىڭ ETC قولدانۋ مولشەرىن %90تەن اسىرۋعا كۇش سالىپ، جوعارى قارقىندى تاس جولدا كولىكتى توقتاتپاي قولايلى اقى الۋدى نەگىزىنەن جۇزەگە اسىرادى ەكەن.

  بيىل رايونىمىز ”ۇكىمەت باستاماشى بولۋ، بازار جەتەكشىلىك ەتۋ، قوعام ات سالىسۋ“ پرينسيبىنە تاباندى بولىپ، ”الىس، جاقىندى ۇشتاستىرۋ، ءبىر تۇتاس جوسپارلاۋ، عىلمي جوبالاۋ، ءتارتىپتى ىلگەرىلەتۋ، حاۋىپسىز ورنىقتى بولۋ، ونىمدىلىكتى ارتتىرىپ، اقىنى تومەندەتۋ“ تالابى بويىنشا تەحنيكا جەلىسىن ايقىنداپ، ينجەنەريالىق قۇرىلىستى جەدەلدەتىپ، ۇيىمدىق باسشىلىقتى كۇشەيتىپ، سايكەسە ارەكەتتەنۋدى كۇشەيتىپ، قىزمەت وتەۋ قابىلەتىن جوعارىلاتىپ، جوعارى قارقىندى تاس جولدا ETCدى كوبەيتىپ قولدانۋدى كۇش سالا ىلگەرىلەتتى. 10 - ايدىڭ 9 - كۇنىنە دەيىن بۇكىل رايوندا كوبەيتىلگەن ETC ابونتتارى ءبىر ميلليون 651 مىڭ 100 ادام بولىپ، نىسانا - مىندەتتىڭ %52ى ورىندالدى.

  اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ مۇشەسى، ورىنباسار مەڭگەرمە باستىعى ۋاڭ يۇڭشۋان بىلاي دەدى: ”ETCدى كوبەيتىپ قولدانۋدى جەدەل ىلگەرىلەتۋ جوعارى قارقىندى تاس جولدا ءبىر تۇلعادا ۇشتاستىرۋدى، جوعارى ءونىمدى، ىركىلىسسىز بولۋدى جۇزەگە اسىرىپ، وڭىرلەر اراسىنداعى ۇلاستىرۋ، تۇتاستىرۋدى اناعۇرلىم كۇشەيتۋدە، جول تورى قاتىناۋ ونىمدىلىگىن شىن مانىندە جوعارىلاتىپ، تاسىمال كاسىپورىندارىنىڭ وزىندىك قۇنىن تومەندەتۋدە بەلسەندى دە ماڭىزدى رول اتقارادى“.

  بيىل 7 - ايدىڭ 1 - كۇنىنەن باستاپ، رايونىمىز ETC اۆتوكولىكتەرىنىڭ قاتىناۋ اقىسىنا جاسالاتىن تيىمدىلىك %5تەن كەم بولماۋ ساياساتىن قاتاڭ تياناقتاندىرىپ، وسى وڭىردە قاتىنايتىن ETC اۆتوكولىكتەرىنە بىردەي نەگىزگى تيىمدىلىك ساياساتىن اتقاردى، بيىل 9 - ايعا دەيىن 34 ميلليون 606 مىڭ 700 يۋان تيىمدىلىك جاسالدى.

  قازىر «اقى الىناتىن تاس جولداعى اۆتوكولىكتەردىڭ قاتىناۋ اقىسى كولىك تۇرپاتى تۇرلەرى» سالالىق ولشەمىنە ساي، اۆتونوميالى رايوننىڭ اقى الىناتىن تاس جولدارداعى اۆتوكولىكتەردىڭ قاتىناۋ اقىسى اقى تاپسىرۋ مولشەرىنىڭ ولشەمىنە وزگەرىس ەنگىزىلىپ بولدى، جۇك كولىكتەرىنىڭ قاتىناۋ اقىسىنداعى اقى ەسەپتەۋ ءادىسى رەتتەلدى، 2020 - جىلى 1 - ايدىڭ 1 - كۇنىنەن باستاپ، جۇك كولىكتەرىنەن ءبىر تۇتاس كولىك (بىلىك) تۇرپاتى بويىنشا اقى الىنادى ءارى جۇك كولىكتەرى قاتىناۋ اقىسىنىڭ تۇتاس تۇلعالىق اۋىرتپالىعىن ارتتىرماۋعا شىنايى كەپىلدىك ەتىلەدى.

  سونىمەن بىرگە، رايونىمىز ETC تاراتۋ قىزمەت وتەۋ جۇيەسىنىڭ دەڭگەيىن ءوسىرىپ جاڭالاۋدا تاراتۋ قۇرىلىمدارىنىڭ جۇك تاسىمالى كاسىپورىندارى جانە ينتەرنەتتىك جۇك تاسىمالى تۇعىرىمەن تۇيىلىسۋىنە جەتەكشىلىك ەتىپ، تاراتۋ قۇرىلىمدارىن فينانس، قامسىزداندىرۋ جانە زات اينالىمى كاسىپورىندارىنا تاراتۋ دايىندىعى قىزمەتىن ورىستەتۋگە ۇيىمداستىرىپ، جۇك كولىكتەرىنىڭ جانە ارناۋلى جۇمىس كولىكتەرىنىڭ تاراتۋ قىزمەت وتەۋىنىڭ دالدىگىنە، جوعارى ونىمدىلىگىنە، قولايلىلىعىنا شىنايى كەپىلدىك ەتۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.