ءتىلشى فان حۇڭي 10 - ايدىڭ 16 - كۇنى ۇرىمجىدەن حابارلايدى. 10 - ايدىڭ 15 - كۇنى اۆتونوميالى رايوندىق قوعامدىق عىلىمدار سالاسى بىرلەستىگى شينجياڭ قوعامدىق عىلىمدار نازاريا سالاسىنىڭ «شينجياڭعا قاتىستى ءبىرقانشا تاريحي ماسەلە»، «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى جانە ادامدىق ۇقىقتى قامتاماسىزداندىرۋى»، «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» قاتارلى اق تىستى كىتاپتى ۇيرەنۋ اڭگىمە ءماجىلىسىن ۇيىمداستىرىپ اشتى. اۆتونوميالى رايوندىق پارتكوم پارتيا مەكتەبىنەن، شينجياڭ قوعامدىق عىلىمدار اكادەمياسىنان، ءبىر ءبولىم جوعارى مەكتەپتەردەن، اۆتونوميالى رايوندىق قوعامدىق عىلىمدار بىرلەستىگىنە قاراستى قوعامدىق ۇيىمداردان كەلگەن 100گە جۋىق مامان، وقىمىستى ماجىلىسكە قاتىناستى، 10 ۋاكىل «شينجياڭعا قاتىستى ءبىرقانشا تاريحي ماسەلە» قاتارلى اق تىستى كىتاپتىڭ مازمۇنىن ۇيرەنۋدى، زەرتتەۋدى، ۇگىتتەۋدى توڭىرەكتەي وتىرىپ اڭگىمەلەستى، پىكىر اۋىستىردى.
ماماندار، وقىمىستىلار بىلاي دەپ قارادى: «شينجياڭعا قاتىستى ءبىرقانشا تاريحي ماسەلە» اق تىستى كىتابىن ۇيرەنۋدە باستان - اياق شينجياڭ تاريحىن جۇڭگونىڭ ءبىر تۇتاس كوپ ۇلتتى مەملەكەت سىندى تاريحي ۇردىسىنە ساباقتاستىرا تانىپ، دۇرىس مەملەكەت كوزقاراسىن ورناتۋ كەرەك؛ شينجياڭداعى ۇلتتار مادەنيەتىنىڭ باستان - اياق جۇڭحۋا وركەنيەتىنىڭ قۇنارلى توپىراعىنا تامىر تارتقاندىعىن، جۇڭحۋا مادەنيەتىنەن ايرىلسا، شينجياڭداعى ۇلتتاردىڭ مادەنيەتى تامىرىنان ايرىلىپ، نەگىزىن جوعالتاتىندىعىن جەتە تانۋ كەرەك؛ جۇڭحۋا مادەنيەتى تۇرعىسىندا بەرىك تۇرۋ، جۇڭحۋا مادەنيەتىنىڭ گەنىن جالعاستىرۋ، ۇلتتاردىڭ ورتاق رۋحاني مەكەنىن قۇرۋ − شينجياڭداعى ءار ۇلت حالقىنىڭ، اسىرەسە، قوعامدىق عىلىمدار نازاريا قىزمەتكەرلەرىنىڭ ايقىن قۇن تالپىنىسى ەكەندىگىن جەتە تانۋ كەرەك.
ماماندار، وقىمىستىلار بىلاي دەپ قارادى: «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى جانە ادامدىق ۇقىقتى قامتاماسىزداندىرۋى» اق تىستى كىتابىن ۇيرەنۋدە، ءسوز جوق، شينجياڭنىڭ لاڭكەستىككە الدىن الۋ سيپاتتى قارسى تۇرۋدى ماڭداي الدى ورىنعا قويۋدان جازباي، لاڭكەستىككە قارسى تۇرۋ، ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىككە سوققى بەرۋدىڭ ادىلەتتىلىگىن اسقاقتاتىپ، شينجياڭداعى ءار ۇلت حالقىنىڭ حاۋىپسىزدىككە دەگەن كوكەي تەستى تىلەگىن قاناعاتتاندىرىپ، قوعامنىڭ جاراسىمدىلىعىن، ورنىقتىلىعىن قورعاعاندىعىن، سونىمەن بىرگە حالىقاراداعى لاڭكەستىككە قارسى تۇرۋ كۇرەسىنە دە ۇلەس قوسقاندىعىن جەتە تانۋ كەرەك. قوعامدىق عىلىمدار نازاريا قىزمەتكەرلەرى بەلسەندىلىكپەن ءار ۇلت بۇقاراسىنا اق تىستى كىتاپتىڭ مازمۇنىن ۇگىتتەپ، ءار ۇلت بۇقاراسىنىڭ اقىل - پاراساتى مەن كۇش - قۋاتىن شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىلگەرىلەتۋدەي زور ىسكە شوعىرلاندىرۋ كەرەك.
ماماندار، وقىمىستىلار بىلاي دەپ قارادى: «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن ۇيرەنۋدە، ءسوز جوق، شينجياڭنىڭ تاربيەلەۋ - باۋلۋ ورتالىعىن زاڭ بويىنشا قۇرۋى زورلىقتى كۇش لاڭكەستىك دەلوسىن (وقيعا) شاۋجايلاپ، ءدىني ۇشقارىلىقتىڭ تۋىلىپ ءورشيتىن توپىراعىن جويۋدىڭ كوكەي تەستى قاجەتى ەكەندىگىن، ازاماتتاردىڭ نەگىزگى ۇقىعىنىڭ زورلىقتى كۇش، لاڭكەستىكتىڭ، ءدىني ۇشقارىلىقتىڭ زالالىنا ۇشىراماۋىن ەڭ جوعارى شەكتە قامتاماسىز ەتۋدىڭ كوكەي تەستى قاجەتى ەكەندىگىن، ونان دا ماڭىزدىسى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ كوكەي تەستى قاجەتى ەكەندىگىن جەتە تانۋ كەرەك؛ شينجياڭنىڭ تاربيەلەۋ - باۋلۋ قىزمەتىن ورىستەتۋى جۇڭگونىڭ حالىقارالىق لاڭكەستىككە قارسى تۇرۋ، ۇشقارىلىقتى الاستاۋ باستاماسىن، سونداي - اق ۇستانىمىن تياناقتاندىرۋدىڭ ناقتى بەينەسى ەكەندىگىن، ونىڭ شينجياڭداعى ءار ۇلت حالقىنىڭ ءتۇبىرلى مۇددەسى مەن تالابىنا بۇكىلدەي ۇيلەسەتىندىگىن، دۇنيە جۇزىندەگى ءار ەل حالىقتارىنىڭ ءتۇبىرلى مۇددەسى مەن تالابىنا بۇكىلدەي ۇيلەسەتىندىگىن جەتە تانۋ كەرەك. قوعامدىق عىلىمدار نازاريا قىزمەتكەرلەرىنىڭ دۇنيە جۇزىنە جۇڭگونىڭ تاربيەلەۋ - باۋلۋ قىزمەتىن ورىستەتۋىنىڭ شىنايى جاعدايى مەن كورنەكتى ونىمدىلىگىن ۇگىتتەپ تانىستىراتىن بورىشى بار، حالىقاراداعى جات نيەتتى، ”قوس قابات ولشەم“مەن اينالىسىپ، تاربيەلەۋ - باۋلۋ ورتالىعىنا قارا جاعاتىن ادامدارمەن باتىل كۇرەس جۇرگىزەتىن جاۋاپكەرشىلىگى بار.
