تيانشان تورى
تيانشان تورى   ›   جاڭالىقتار   ›   شينجياڭ حابارلارى

شوكىرات زاكىر قاشقاردا، قىزىلسۋ وبلىسىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى

نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، كەدەيلىكتەن ارىلتۋدان قامال الۋ قاتاڭ شايقاسىندا باتىلدىقپەن جەڭىسكە جەتەيىك

  ءتىلشى يۋان لەي 10 - ايدىڭ 16 - كۇنى اتۇشتان حابارلايدى. 10 - ايدىڭ 14 - كۇنىنەن 16 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاشقار ايماعىنىڭ تاشقورعان تاجىك اۆتونوميالى اۋدانىندا، يوپۇرعا اۋدانىندا، قىزىلسۋ قىرعىز اۆتونوميالى وبلىسىنىڭ اقتاۋ اۋدانىندا، اتۇش قالاسىندا، ۇلۇقشات اۋدانىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى. ول مىنانى باسا دارىپتەدى: ىشكەرىلەگەن تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، كەدەيلىكتەن ارىلتۋدان قامال الۋ سىندى وسى قاتاڭ شايقاستا باتىلدىقپەن جەڭىسكە جەتىپ، كەدەيلىكتەن ارىلتۋدان قامال الۋ مىندەتىن جوعارى ساپامەن ورىنداۋ كەرەك.

  تاشقورعان تاجىك اۆتونوميالى اۋدانىنداعى قونىس جاڭالاپ ورنالاستىرۋ تۇيىندەرىندەگى تاجىكابات قالاشىعى بۇلبۇلدە قىستاعىندا، ناۋابات قىستاعىندا شوكىرات زاكىر قونىس جاڭالاپ ورنالاستىرىلعان وتباسىلارىنا كەلىپ، اۋىلداستارمەن ىقىلاستى اڭگىمەلەستى. 98 جاستاعى ساقا پارتيا مۇشەسى اليبەك قۇربانمامەت شوكىرات زاكىرعا ءوزىنىڭ 7 جاسىندا - اق جەر يەسىنە جۇمىس ىستەگەندىگىن، سول كەزدەگى ەڭ ۇلكەن ارمانى تويا تاماقتانۋ ەكەندىگىن، قازىر جاڭا ۇيگە كوشىپ كىرىپ، جاڭا تۇرمىس كەشىرىپ جاتقاندىعىن، مۇنىڭ ءبارىنىڭ پارتيانىڭ ابزال ساياساتىنىڭ ارقاسى ەكەندىگىن ايتتى. شوكىرات زاكىر بىلاي دەدى: باقىت كۇرەسپەن كەلەدى، پارتيانىڭ حالىققا تيىمدىلىك جاساۋ ساياساتى جاقسى، اۋىلداستار دا بىرگە قۇلشىنا كۇرەس جۇرگىزىپ، ەرتەرەك بۇكىل ەل حالقىمەن بىرگە دوڭگەلەك داۋلەتتى بولۋعا، اناعۇرلىم باقىتتى دا تاماشا تۇرمىسقا قول جەتكىزۋگە قۇلشىنۋى كەرەك.

  اقتاۋ اۋدانى بارىن اۋىلى ”كاسىپورىن + شارۋا وتباسى“ دامۋ ۇلگىسى بويىنشا اۋىلدىق، قالاشىق سەنترلى رايوندى وزەك ەتكەن، ەلەكتروندىق كاسىپ باقشاسىن، اۋىل شارۋاشىلىق قوسىمشا ونىمدەرى كاسىپ باقشاسىن دانەكەر ەتكەن ”ءبىر رايون، ەكى باقشا“ كاسىپ سالاسى ورنالاستىرۋىن كۇش سالا قالىپتاستىرىپ، بۇكىل اۋىلدىڭ كەدەيلىكتەن ارىلتۋدان قامال الۋ كاسىبىنىڭ تارتىپپەن دامۋىن بەلسەنە ىلگەرىلەتتى. گۋاڭشو ەلەكترون شەكتى سەرىكتەستىگىنىڭ، شينجيە ەلەكترون شەكتى سەرىكتەستىگىنىڭ سەحىندا شوكىرات زاكىر ارالاي ءجۇرىپ، كاسىپورىن ونىمدەرىنىڭ ساتىلۋ، جۇمىسشىلاردىڭ ءوندىرىس، تۇرمىس شارت - جاعدايىن ەگجەي - تەگجەيلى ۇعىستى. ول بىلاي دەدى: كاسىپ سالاسىن دامىتۋ كەدەيلىكتەن ارىلتۋدىڭ ونىمدىلىگىن بەكەمدەۋدىڭ، كەدەيلىكتەن ارىلتۋ اياق الىسىن جەدەلدەتۋدىڭ ءتۇبىرلى شاراسى، كاسىپورىنداردىڭ جەتەكتەۋ رولىن ساۋلەلەندىرىپ، اناعۇرلىم كوپ بۇقارانى ەسىك الدىندا ورنىقتى تۇردە جۇمىستاندىرىپ، قونىس جاڭالاۋدى، ورنىعۋدى، دامۋدى، اۋقاتتانۋدى شىنىمەن ورىنداۋ كەرەك.

  اتۇش قالالىق ەلەكتروندىق ساۋدا الەۋمەتتىك قىزمەت وتەۋ ورتالىعىندا شوكىرات زاكىر جەلىدەگى ساۋدا، زات اينالىم، جەتكىزۋ سياقتى جاعدايلاردى ەگجەي - تەگجەيلى ۇعىستى. مۇزداتۋ تىزبەك زات اينالىمى ارقىلى ”بەيجيڭ، شاڭحاي، گۋاڭجوۋ“ سياقتى ىشكى ولكە قالالارىنا ساتىلاتىن جەرگىلىكتى جاڭا ءانجۇردىڭ 15 كۇنگە دەيىن اۋەلگى قالپىن ساقتايتىندىعىن ەستىگەندە ول القاپ بىلاي دەدى: سىزدەر قىزمەت وتەۋدى بۇقارانىڭ ەسىك الدىنا دەيىن جەتكىزىپ، جاڭا جەمىستەردى، كوكونىستەردى بازارمەن تىكەلەي ءتۇيىلىستىرىپ، شارۋالاردىڭ كىرىسىن ارتتىرۋىنا كومەكتەسىپسىزدەر، سىزدەردىڭ بارعان سايىن ويداعىداي دامىپ، كەدەيلەردى ەلەكتروندىق ساۋدا ارقىلى سۇيەمەلدەۋدەن اناعۇرلىم كوپ كەدەي بۇقارانى يگىلىكتەندىرۋلەرىڭىزدى ءۇمىت ەتەمىن. اتۇش قالالىق ەگىنشى - مالشىلارعا عىلىم جالپىلاستىرۋ تاربيە بازاسىندا اجارلاندىرۋ، شاش جاساۋ، نارەستە باعۋ، ءۇي شارۋاسى، اۆتوكولىك رەمونتتاۋ سياقتى تەحنيكالارعا تاربيەلەۋ جۇمىستارى قاربالاس ىستەلۋدە ەدى، شوكىرات زاكىر ولاردى جاقسى ۇيرەنىپ، ءبىر تەحنيكانى يگەرىپ، اناعۇرلىم كەڭ ءورىس اشۋعا شابىتتاندىردى.

  شوكىرات زاكىر تەكسەرۋ - زەرتتەۋ بارىسىندا مىنانى باسا دارىپتەدى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋدىڭ، كەدەيلىكتەن ارىلتۋدان قامال الۋدا جەڭىسكە جەتۋدىڭ كەلەلى ماڭىزىن جەتە تانىپ، ماسەلەنى باعدار ەتۋدەن جازباي، ىشكى قوزعاۋشى كۇشتى ۇيىستىرىپ، دالمە - ءدال شارا اتقارىپ، نىساناعا ءدال كۇش سالىپ، بەرىك ساياسي جاۋاپكەرشىلىكپەن جانە شەگە قاعۋ رۋحىمەن كۇش بىرىكتىرىپ كەدەيلىكتەن ارىلتۋدان قامال الىپ، كەدەيلىكتەن ارىلتۋدان قامال الۋ مىندەتىن بار كۇشپەن ويداعىداي ورىنداۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.