تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ تۇڭعىش كەزەكتى دۇنيە جۇزىلىك عىلىم - تەحنيكا جانە دامۋ تالقى مىنبەرىنە قۇتتىقتاۋ حات جولدادى

  شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى. تۇڭعىش كەزەكتى دۇنيە جۇزىلىك عىلىم - تەحنيكا جانە دامۋ تالقى مىنبەرى 10 - ايدىڭ 16 - كۇنى بەيجيڭدە اشىلدى. مەملەكەت ءتوراعاسى شي جينپيڭ جينالىسقا قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: قازىر جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى ۇزدىكسىز ىلگەرىلەپ، عىلىم - تەحنيكا ەكونوميكامەن، قوعاممەن، مادەنيەتپەن، ەكولوگيامەن ىشكەرىلەي سايكەسە دامىپ، ادامزات وركەنيەتىنىڭ دامۋى مەن الەمدىك جونگە سالۋ جۇيەسىنىڭ دامۋىنا تەرەڭ ىقپال ەتۋدە. عىلىم - تەحنيكادا جاڭالىق اشۋ ارقىلى باياندى دامۋدى جەبەۋ ءار ەل كوڭىل ءبولىپ وتىرعان كەيبىر ماڭىزدى الەمدىك ماسەلەلەردى شەشۋدىڭ، ءسوزسىز، باسىپ وتەتىن جولى.

  شي جينپيڭ بىلاي دەپ باسا دارىپتەدى: جۇڭگو باستان - اياق اشىق سەلبەسۋدى ۇستانىپ كەلەدى، بىرلەسكەن مەملەكەتتەر ۇيىمىنىڭ باياندى دامۋ كەڭەستىك ءتارتىبىن ءوز ەلىنىڭ دامۋ ستراتەگياسىمەن جانە مەملەكەت جاعدايىمەن ورگانيكالى ۇشتاستىرۋعا تاباندى بولىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى دامۋدى جۇزەگە اسىرۋعا قۇلشىنادى. تالقى مىنبەرىنىڭ ءار ەل عالىمدارىنىڭ، اعارتۋشىلارىنىڭ، كاسىپورىنشىلارىنىڭ قول ۇستاسا سەلبەسىپ، ورتاق تانىم ۇيىستىرىپ، يدەيالىق اۋىس - كۇيىس جاساپ، سەلبەستىكتى تەرەڭدەتۋىن جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اقىل - پاراسات جانە كۇش - قۋات قوسۋىن ءۇمىت ەتەمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.