تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلىن قورىتىندىلاۋ ءماجىلىسى بەيجيڭدە وتكىزىلدى

شي جينپيڭ قۇتتىقتاۋ قيمىلىنا دايىندىق كورۋ، وتكىزۋ قىزمەتىندەگى قاتىستى جاقتاردىڭ ۋاكىلدەرىمەن ىقىلاسپەن كەزدەستى

ءماجىلىس شي جينپيڭنىڭ قۇتتىقتاۋ قيمىلى جونىندەگى ماڭىزدى ءسوزىن جەتكىزىپ، ءسوزدىڭ رۋحىن ۇيرەنۋ، دايەكتىلەندىرۋ جونىندە ورنالاستىرۋ جاسادى

لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان كەزدەسۋگە قاتىناستى

ۋاڭ حۋنيڭ كەزدەسۋگە قاتىناستى ءارى قورىتىندىلاۋ ماجىلىسىندە ءسوز سويلەدى

  10 - ايدىڭ 16 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار بەيجيڭ حالىق سارايىندا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلىنا دايىندىق كورۋ، وتكىزۋ قىزمەتىندەگى قاتىستى جاقتاردىڭ ۋاكىلدەرىمەن كەزدەستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى (تىلشىلەر جاڭ شياۋسۇڭ، لو جىڭگۋاڭ). جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قيمىلىن قورىتىندىلاۋ ءماجىلىسى 10 - ايدىڭ 16 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا قۇتتىقتاۋ قيمىلىنا دايىندىق كورۋ، وتكىزۋ قىزمەتىندەگى قاتىستى جاقتاردىڭ ۋاكىلدەرىمەن ىقىلاسپەن كەزدەسىپ، ولارعا شىن جۇرەكتەن العىس ايتتى جانە ولاردان ىزگى نيەتپەن حال سۇرادى، ولاردىڭ قىزمەتتە قول جەتكىزگەن تاڭداۋلى ناتيجەلەرىن تولىق تۇراقتاندىرىپ، كوپشىلىكتى قايراتتانا ۇمتىلۋعا، تاعى دا تىڭ ۇلەستەر قوسۋعا جىگەرلەندىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان كەزدەسۋگە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ كەزدەسۋگە قاتىناستى ءارى قورىتىندىلاۋ ماجىلىسىندە ءسوز سويلەدى.

  10 - ايدىڭ 16 - كۇنى تۇستەن بۇرىن حالىق سارايىنىڭ سولتۇستىك زالىندا شامدار سامالاداي جارقىراپ، قىزۋ دۋمانعا شومدى. ساعات 10 مولشەرىندە شي جينپيڭ قاتارلىلار وسى اراعا كەلگەندە بۇكىل زالدان قىزۋ قول شاپالاق ءۇنى كوتەرىلدى. شي جينپيڭ كوپشىلىكپەن ىقىلاسپەن قول الىسىپ، ءالسىن - ءالى اڭگىمەلەستى ءارى ەستەلىك سۋرەتكە ءتۇستى.

  تاياۋدا شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، قۇتتىقتاۋ قيمىلىنىڭ قورىتىندى بايانداماسىن ارنايى تىڭدادى ءارى ماڭىزدى ءسوز سويلەدى. شي جينپيڭ بىلاي دەپ اتاپ كورسەتتى: بۇل جولعى قۇتتىقتاۋ قيمىلى − مەملەكەتتىڭ سالتاناتى، ايبىندى دا دابىرالى، كەڭ اۋقىمدى، ءتارتىپتى ءوتىپ، ادەپ - يبا مەن شاتتىق توعىسىپ، جاڭا جۇڭگو قۇرىلعان 70 جىلدان بەرگى شۇعىلالى تابىستاردى تولىق كورسەتىپ، مەملەكەتتىڭ ايبىنىن، ارميانىڭ ايباتىن پارمەندى تۇردە ايگىلەپ، ۇلت رۋحىن بارىنشا سەرپىلتىپ، ءار جاقتاعى كۇشتەردى جاپپاي قاۋلاتتى. قۇتتىقتاۋ قيمىلى ءبىرىنشى 100 جىلدىق جەتىپ كەلۋ قارساڭىندا، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، جاپپاي دوڭگەلەك داۋلەتتى قوعام ورناتۋ نىساناسىنا قاراي ەكپىندەي ىلگەرىلەۋدەگى ءبىر رەتكى ۇلى كۇشتىڭ ۇيىسۋى؛ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا بارلىق جۇڭحۋا ۇلاندارىنىڭ ورتاق مۇرات جونىندەگى ءبىر رەتكى اسقاق جارناماسى؛ بۇگىنگى تاڭداعى دۇنيە ءجۇزى 100 جىلدا بولمايتىن ۇلى وزگەرىستى باستان وتكەرىپ وتىرعان جاعدايدا، جۇڭحۋا حالىق رەسپۋبليكاسىنىڭ باستان - اياق دۇنيە ءجۇزىنىڭ شىعىسىندا اسقاق بوي كوتەرىپ، سونداي - اق بارعان سايىن قارىشتاپ، بارعان سايىن الۋەتتەنىپ قۇدىرەتتەنە تۇسكەندىگىنىڭ ءبىر رەتكى سالتاناتتى بەينەسى بولدى.

  شي جينپيڭ بىلاي دەپ اتاپ كورسەتتى: قۇتتىقتاۋ قيمىلى شارپىعان ورىن كوپ، قاتىناسقان ادامنىڭ كولەمى كەڭ، ۋاقىت ارالىعى ۇزاق، ۇيىمداستىرۋ مىندەتى اۋىر بولدى. قيمىلدىڭ تولىق تابىسقا جەتە الۋى، تۇپتەپ كەلگەندە، پارتيا ورتالىق كوميتەتىنىڭ پارمەندى باسشىلىعىنىڭ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق قۇلشىنىسىنىڭ ناتيجەسى.

  شي جينپيڭ بىلاي دەپ باسا دارىپتەدى: قۇتتىقتاۋ قيمىلى − حالىق بۇقاراسىنىڭ وتانشىلدىق رۋحىنىڭ شوعىرلى كورىنىسى. ءساتتى ورايدى يگەرىپ، حالىق بۇقاراسىنا وتانشىلدىق تاربيەنى جانە جەتەكتەۋدى كۇشەيتۋ كەرەك. قۇتتىقتاۋ قيمىلى مۇراگەرلىك ەتۋ مەن جاڭالىق اشۋدىڭ ورگانيكالىق بىرلىگىن ايگىلەدى، جاقسى ءادىس، جاقسى تاجىريبەلەردى قورىتىندىلاپ، بۇدان بىلايعى ەلەۋلى قۇتتىقتاۋ قيمىلدارىنا جەتەكشى ەتۋگە قولدانۋ كەرەك. قۇتتىقتاۋ قيمىلى بىزگە توتەنشە باعالى رۋحاني بايلىق قالدىردى، وسى رۋحاني بايلىقتاردى اشىپ پايدالانۋدى كۇشەيتىپ، ونى 100 ميلليونداعان حالىق بۇقاراسىنىڭ جاڭا داۋىردە ەكپىندەي العا ىلگەرىلەۋىنىڭ قۇدىرەتتى قوزعاۋشى كۇشىنە اينالدىرۋ كەرەك.

  ءماجىلىس شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندەگى ماڭىزدى ءسوزىن جەتكىزدى.

  ۋاڭ حۋنيڭ ماجىلىستە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە مەملەكەتتىڭ 70 جىلدىق مەرەيتويىن قۇتتىقتاۋ قيمىلىنىڭ تابىستى وتكىزىلۋىنىڭ كەلەلى ماڭىزى تەرەڭ بايىمدالىپ، قۇتتىقتاۋ قيمىلىنا دايىندىق كورۋ، وتكىزۋ قىزمەتى تولىق تۇراقتاندىرىلىپ، قۇتتىقتاۋ قيمىلىنىڭ تابىستارىن تەرەڭدەتۋ جانە كەڭەيتۋ جونىندە ايقىن تالاپتار قويىلدى، ءبىز مۇقيات ۇيرەنىپ، ۇعىنۋىمىز، دايەكتىلەندىرۋدى، تياناقتاندىرۋدى ويداعىداي يگەرۋىمىز كەرەك. قۇتتىقتاۋ قيمىلىنىڭ تابىسپەن وتكىزىلۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، رايونداردىڭ، تاراۋلاردىڭ، قوعامنىڭ ءار سالاسىنىڭ جانە حالىق بۇقاراسىنىڭ كۇش سالا قولداۋىنىڭ ناتيجەسى، قىزمەت قۇرىلىمدارىنىڭ جانە بارلىق قاتىناسۋشىلاردىڭ بىرگە قۇلشىنۋىنىڭ ناتيجەسى، تابىستى تاجىريبەلەردى مۇقيات قورىتىندىلاپ، قۇتتىقتاۋ قيمىلىنىڭ جەتىستىكتەرىن بەكەمدەۋ جانە كەڭەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، دايەكتىلەندىرۋمەن ۇشتاستىرىپ، باس شۋجي شي جينپيڭنىڭ مەملەكەت مەرەكەسىندەگى جەلىلەس ماڭىزدى سوزدەرىنىڭ رۋحىن ىشكەرىلەي ۇگىتتەپ، سوڭعى قاتىستى قۇتتىقتاۋ قيمىلدارىن تىڭعىلىقتى ويداعىداي وتكىزىپ، قۇتتىقتاۋ قيمىلىنىڭ تابىستارىن ۇگىتتەۋ قىزمەتىن تەرەڭدەتىپ، قالىڭ كادر - بۇقارانى قۇتتىقتاۋ قيمىلى قاۋلاتقان رۋحتى رەفورما، دامۋ، ورنىقتىلىق قىزمەتتەرىن جاقسى ىستەۋگە قولدانۋعا جەتەكتەۋ كەرەك.

  قۇتتىقتاۋ قيمىلى باسشىلىق گرۋپپاسىنىڭ ورىنباسار باستىقتارى ديڭ شۋەشياڭ، شۇي چيلياڭ، حۋاڭ كۇنميڭ، ساي چي، شياۋ جيە، جاۋ كىجى، حى ليفىڭ، لي زوچىڭ كەزدەسۋگە قاتىناستى ءارى ماجىلىسكە قاتىناستى. قۇتتىقتاۋ قيمىلى باسشىلىق گرۋپپاسىنىڭ مۇشەلەرى، قىزمەت قۇرىلىمدارى مەن قاتىستى جاقتارداعى جاۋاپتى جولداستار جانە قىزمەتكەرلەردىڭ، پاراتتان وتكەن اسكەري بولىمدەردەگى كوماندير - جاۋىنگەرلەردىڭ، شەرۋگە، بىرلەسكەن ويىن - ساۋىققا قاتىناسقان بۇقارانىڭ، قىزمەت وتەۋمەن قامتاماسىز ەتۋشىلەردىڭ، ەرىكتىلەردىڭ، ارتيستەردىڭ، اماندىق قورعاۋ ءبىرىنشى شەبىندەگى مىندەت وتەۋشىلەردىڭ ۋاكىلدەرى قاتارلىلار قيمىلعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.