− بۇقارامەن جۇرەكتەس بولعان قىستاق كادرى چيڭ شيۋپىڭ جونىندە
ءتىلشى سۇڭ ياۋىن
”مەن ەشقانداي ۇلكەن ءىس تىندىرعامىن جوق، تەك ءوزىم ىستەۋگە ءتيىستى ىستەردى ىستەدىم. ۇزدىكسىز قۇلشىنىس جاساپ، ءاربىر قاراپايىم ءىستى شوگەلدىكپەن ويداعىداي ورىنداپ، قۇلشىنا قىزمەت ىستەۋ ارقىلى پارتيا مەن مەملەكەتتىڭ ءۇمىتىن اقتايمىن“، - دەدى 10 - ايدىڭ 6 - كۇنى ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعىن العانى جايلى ءسوز بولعاندا اسەرلەنگەن كوڭىلىن باسا الماعان چيڭ شيۋپىڭ سوزىنەن قاراپايىمدىلىعىن اڭعارتىپ.
بۇراتالا قالاسى دالتۋ قالاشىعى دوتاوبو قىستاعىندا، قىستاق پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى چيڭ شيۋپىڭ جايلى اڭگىمە ايتىلسا، قىستاق تۇرعىندارىنىڭ بارلىعى ونى القاي جونەلەدى. قىستاق تۇرعىندارىنىڭ كوڭىلىندە ول تەك كوپشىلىكتى بايۋعا باستاعان جاقسى شۋجي عانا ەمەس، اۋەلى، ولاردىڭ ”تۋىسى“.
بيىل 63 جاسقا كەلگەن چيڭ شيۋپىڭنىڭ ۇنەمى اۋزىنان تاستامايتىن ءبىر اۋىز ءسوزى: ”قىستاق كادرى بولعان ەكەنسىڭ، بۇقارامەن جۇرەكتەس بولىپ، ءسوزسىز، بۇقارانى جۇرەكتە ساقتاۋىڭ كەرەك“.
چيڭ شيۋپىڭ سىچۋاننىڭ شيچۇڭىندا تۋعان، 1981 - جىلى ول دوتاوبو قىستاعىنا كەلىپ قونىستانادى. ول شوگەل، باسقالارعا كومەكتەسۋدى قۋانىش سانايدى، ۇنەمى قىستاق تۇرعىندارىنا ەگىنشىلىك تاجىريبەسىن ۇيرەتەدى، بىرتىندەپ اۋىلداستارى وعان رازى بولدى.
1990 - جىلى 34 جاستاعى چيڭ شيۋپىڭ قىستاق تۇرعىندار كوميتەتىنىڭ مەڭگەرۋشىسى بولىپ سايلانادى. 10 جىلدان كەيىن قىستاق پارتيا ياچەيكاسىنىڭ شۋجيى مىندەتىن ارقالايدى.
”عىلمي جولمەن ەككەندە عانا ءونىم مولشەرى جوعارىلاپ، كىرىس ارتىپ، قىستاق تۇرعىندارى جاقسى تۇرمىس كەشىرەدى“. قىستاق تۇرعىندارىنىڭ كىرىسىن جوعارىلاتۋ چيڭ شيۋپىڭنىڭ كوڭىلىندەگى ەڭ ماڭىزدى ءىس.
قىستاق تۇرعىنى قايىماحۇن ەگىنشىلىك تەحنيكاسى كەمشىل بولعاندىقتان جىل سايىن زيان شەگەتىن، ەكى بولمەلى ەسكى ءۇيى جاڭبىر جاۋعان كەزدە وتىرۋعا كەلمەيتىن. چيڭ شيۋپىڭ وسىنى كوزىمەن كورىپ، كوڭىلىنە ساقتاپ جۇرەتىن.
2004 - جىلى چيڭ شيۋپىڭ ءوزىنىڭ جاۋاپتى بولعان اتىزىنان جانە كوتەرمەگە العان جەرىنەن 40 مۋ جەردى قايىماحۇننىڭ ەگۋىنە ءبولىپ بەرەدى جانە ىرىقتى تۇردە اقشا شىعارىپ تۇقىم، حيميالىق تىڭايتقىش ساتىپ الىپ بەرەدى. قايىماحۇن دا تۇرمىسىن جاقسارتۋ بەكىمىنە كەلىپ، چيڭ شيۋپىڭعا ىلەسىپ، ەگىس داقىلدارىن باپتاۋدى ۇيرەنەدى. وسى جىلدىڭ سوڭىندا قايىماحۇن تاعى چيڭ شيۋپىڭنان العان قارىز اقشاسىن قايتارادى. قازىر قايىماحۇننىڭ تۇرمىسى بارعان سايىن جاقسارىپ، كىرىسى جىل سايىن مولايىپ، جاڭا ءۇي سالىپ الدى. چيڭ شيۋپىڭ جايلى اڭگىمە ايتىلسا، قايىماحۇننىڭ ايتىپ تاۋسىلماس القاۋى بار: ”مەنىڭ قازىرگى تاماشا تۇرمىسىمدى چيڭ شۋجيدان بولە قاراۋعا بولمايدى، ول وتباسىمىزدىڭ قامقورشىسى، ءبىزدىڭ تۋىسىمىز“.
قىستاق تۇرعىنى امانگۇل قانداي جۇمىسى بولسا دا الدىمەن چيڭ شيۋپىڭعا ايتادى، ول ءۇشىن الىپ ايتقاندا، چيڭ شيۋپىڭ شۋجي عانا ەمەس، اۋەلى، ونىڭ اكەسى سياقتى.
1993 - جىلى جاڭادان باس قۇراعان امانگۇلدە ەگىنشىلىك تاجىريبە جوق بولاتىن، جەرى بولسا دا اقشا تابا الماي، تۇرمىسى بىرتە - بىرتە كەدەيلەسىپ كەتەدى. چيڭ شيۋپىڭ ءوزى امانگۇلدى ىزدەپ بارىپ: ”قىزىم، قانداي قيىنشىلىعىڭ بولسا دا مەنى ىزدەسەڭ بولادى، مەن ساعان كومەكتەسەمىن“ دەيدى.
چيڭ شيۋپىڭنىڭ جەتەكتەپ ءجۇرىپ ءجون كورسەتۋىنىڭ ارقاسىندا، امانگۇل ەگىن ەگۋ تەحنيكاسىن تەز ارادا مەڭگەرىپ، كىرىسى بارعان سايىن جوعارىلاپ، تاس كەرپىشتەن جاڭا ءۇي سالىپ قانا قالماستان، بۇراتالا قالاسىنان قابات ءۇي ساتىپ الادى.
”چيڭ شۋجيدىڭ ماعان جاساعان كومەگىن نەشە كۇن، نەشە ءتۇن ايتىپ تاۋىسا المايمىن، ول مەنىڭ اكەم سياقتى ماعان كومەكتەسىپ قانا قويماي، كوڭىل ءبولىپ تۇرادى، مەن جۇرەگىمنەن شىنايى مەيىرىمدى سەزىنەمىن“، - دەدى امانگۇل اسەرلەنىپ.
30 نەشە جىلدان بەرى چيڭ شيۋپىڭ كىرشىكسىز پەيىل، قالتقىسىز كوڭىلى ارقىلى قىستاق تۇرعىندارىنىڭ قۇپتاۋى مەن قۇرمەتىنە يە بولادى. اۋەلى، ونىڭ سىچۋان اكسەنتى دە قىستاق تۇرعىندارىنىڭ ۇعىنا الاتىن جاعىمدى ديالەكتىنە اينالادى. ”قىستاقتاعى كوپتەگەن ادامدار ونىڭ سىچۋان اكسەنتىن ەستىپ ەسەيگەن، قالاي تۇسىنبەيسىڭ. ءار كۇنى چيڭ شۋجيدىڭ سىچۋان اكسەنتىن ەستىگەن كەزدە كوڭىلىمىز جاي تاۋىپ قالادى“، - دەيدى قىستاق تۇرعىندارى كۇلىمسىرەپ.
