تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

”انار ءدانى“ سۇيىسپەنشىلىك ءۇيى ىنتىماقتىڭ، بەرەكەنىڭ ۇرىعىن سەپتى

− اراسان اۋدانى قالاشىق باستاۋىش مەكتەبىنىڭ وقىتۋشىسى ءوجا جونىندە

ءتىلشى سۇڭ ياۋىن

  قىزمەتتەستەرىنىڭ نازارىندا ءوجا قىزۋ ىنتالى بالالار پاتشاسى؛ وقۋشىلاردىڭ نازارىندا ول مەيىرىمدى دە باۋىرمال ”انار ءدانى شەشەي“.

  بيىل 48 جاستاعى ءوجا اراسان اۋدانى قالاشىق باستاۋىش مەكتەبىنىڭ وقىتۋشىسى. 29 جىلدان بەرى، ءار كۇنى تاڭەرتەڭ ول جايدارى جۇزىمەن ءاربىر بالانى قارسى الادى. ”مەنىڭ بالالارىم ۇلتقا بولىنبەيدى، ءبارى مەنىڭ قۇلىندارىم، ولاردىڭ بىرگە ۇيرەنىپ، بىرگە ويىناپ جۇرگەنىن كورگەن كەزىمدە، كوڭىلىم ەرەكشە قۋانىشقا بولەنەدى“، - دەيدى ءوجا.

  اراسان اۋداندىق قالاشىق باستاۋىش مەكتەبىندەگى وقۋشىلاردىڭ كوپ ساندىسى شەكاراداعى ەگىن - مال شارۋاشىلىق وڭىرىنەن كەلگەن، مەكتەپتە جاتاققا جاتىپ وقيتىن وقۋشى ءبىرشاما كوپ. بۇل بالالار وتباسىنداعىلارىن ساعىنۋدىڭ شەرىن تارتۋمەن بىرگە، ءتىل كەدەرگىسىن بۇزىپ، كوللەكتيۆ تۇرمىسقا ۇيلەسۋى كەرەك، كەيبىر جاسى كىشىلەۋلەرى ەشكىمگە كورسەتپەي كوز جاستارىن توگىپ الاتىن. سوندىقتان دا ءوجا ۇنەمى جاتاققا بارىپ وقۋشىلارعا سەرىك بولادى.

  اراسان اۋدانىندا قىس جارتى جىلعا سوزىلادى، سۋىق اۋا رايى جاتاقتاعى بالالار ءۇشىن سىن سانالادى. كەيدە اۋا رايى كەنەت سۋىپ، ۇيلەرى تاۋلى وڭىردەگى بالالار قىستىق كيىم - كەشەگى بولماي قالىپ، سۋىق ءتيىپ قالادى. ”العاشىندا مەن ۇيىمنەن كيىم - كەشەك الا كەلىپ ولارعا كيگىزەتىنمىن، كەيىن كەلە، كومەككە مۇقتاج بالالاردىڭ وتە كوپ ەكەندىگىن بايقادىم“. سونىمەن ءوجا مەكتەپكە ءوزىنىڭ ويىن ايتادى: ءبىر سۇيىسپەنشىلىك ءۇيىن قۇرىپ، وقۋشىلارعا كومەكتەسەيىك.

  2014 - جىلى 9 - ايدا مەكتەپتىڭ ”انار ءدانى“ سۇيىسپەنشىلىك ءۇيى قۇرىلادى. ءوجا بارلىق وقىتۋشى - قىزمەتشىلەردى سۇيىسپەنشىلىك ۇيىنە كيىم - كەشەك جىلۋعا بەرۋگە ۇيىمداستىرىپ، قىسقا عانا بىرنەشە كۇندە قىسقى كيىم - كەشەكتەن 120سىن تاپسىرىپ الادى. وسىدان كەيىن، ول مەكتەپتەگى بارلىق وقىتۋشى - وقۋشىلارعا ”انار ءدانى. سۇيىسپەنشىلىك ءبىر يۋانى“ ۇندەۋىن تاستاپ، مەكتەپ اۋلاسىندا ”سۇيىسپەنشىلىك ارناۋ، ءبىر نيەتپەن ىنتىماقتاسۋ“ ورلەۋىن كوتەرەدى.

  موڭعۇل قىز بالا تاگىنا مەكتەپ ءبىتىرىپ كەتكەنىمەن، ءار رەت دەمالىسقا تاراعاندا، مەكتەپكە كەلىپ ”انار ءدانى شەشەي“گە امانداسادى. وتباسى كەدەي بولعاندىقتان، تاگىنا ۇدايى جالاڭ كيىممەن قىستان وتەتىندىكتەن ۇنەمى تۇماۋ ءتيىپ، قىزۋى ورلەيتىن. ءوجا مۇنى بىلگەننەن كەيىن وعان قالىڭ كيىم اكەلىپ بەرەدى. ”ءوجا مۇعالىمنىڭ ماعان بەرگەن قالىڭ كيىمى دەنەمدى عانا جىلىتىپ قالماستان، جۇرەگىمدى دە جىلىتتى، ’انار ءدانى شەشەيىمە‘ كوپ راقىمەت“، - دەيدى تاگىنا كوكىرەك تولى اسەرلى سەزىممەن.

  قازاق وقۋشى باقىتنۇر مەن ەرقابىل ەگىز اپەكە - باۋىر، كىشكەنتايلارىنان تارتىپ اجەسىنىڭ قولىندا وسكەن. وتباسى كەدەي بولعاندىعى سەبەپتى، اپەكە - باۋىر ەكەۋى مەكتەپ كيىمى قاراجاتى، قامسىزداندىرۋ قاراجاتى سياقتىلاردى تاپسىرا المايدى. بۇل جاعدايدان حاباردار بولعاننان كەيىن، ءوجا ىرىقتىلىقپەن ولارعا مەكتەپ كيىمىن ساتىپ الىپ بەرەدى، سونداي - اق ولارعا ىقىلاسپەن قارايلاسادى.

  ءوجانىڭ وقۋشىلارعا قامقورلىق جاساعان مىسالدارى ساناپ تاۋىسقىسىز، ونىڭ ارەكەتى وقۋشىلاردى عانا اسەرلەندىرىپ قالماستان، وقىتۋشىلارعا دا اسەر ەتەدى، تۇتاس مەكتەپتە ”سۇيىسپەنشىلىك ارناۋ، ءبىر نيەتپەن ىنتىماقتاسۋ“ رايى توتەنشە قويۋ بولا تۇسەدى. ول تاعى ۇنەمى وقىتۋشى - وقۋشىلاردى ”انار ءدانى“ سۇيىسپەنشىلىك ۇيىندە ۇلتتار ىنتىماعى قيمىلىن ورىستەتۋگە ۇيىمداستىرىپ، قوعامداعى مەيىربان جانداردى قيىنىشىلىعى بار وقۋشىلارعا بىرگە كوڭىل بولۋگە، بىرگە قامقورلىق جاساۋعا ۇسىنىس ەتىپ، بالالاردىڭ بىرگە ويناۋىنا، بىرگە ۇيرەنۋىنە، بىرگە ءوسىپ - جەتىلۋىنە مۇمكىندىك جاساپ، ولاردىڭ كوڭىل تورىنە ۇلتتار ىنتىماعىنىڭ ۇرىعىن سەبەدى.

  5 جىلدان بەرى، ”ءانار ءدانى“ سۇيىسپەنشىلىك ءۇيى جىلۋ اتاۋ قيمىلىنان جانە ۇلتتار ىنتىماعى قيمىلىنان جيىنى 100 نەشە رەت ورىستەتىپ، 115 مىڭ يۋاننان استام اقشا، 1300دەن استام كيىم - كەشەك جيناپ، 800دەن استام وقۋشىعا 90 مىڭ يۋاننان استام اقشالاي كومەك بەرەدى.

  ءوزىنىڭ ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعىن العانىن ەستىگەندە، ءوجا اسەرلەنگەنىنەن: ”مۇنان كەيىن مەن تەك بالالاردىڭ ’انار ءدانى شەشەيى‘ بولىپ قانا قالماستان، ءبىر تال اناردىڭ ءدانى بولىپ، ءتىپتى دە كوپ ادامعا ۇلتتار ىنتىماعىنىڭ سۇيىسپەنشىلىگىن جەتكىزەمىن“، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى