تيانشان تورى   ›   ۇيرەنۋ   ›   ماڭىزدى حۇجاتتار

ءتوراعا شي جينپيڭنىڭ بەكىتۋىمەن ورتالىق اسكەري ىستەر كوميتەتى «جاڭا داۋىردەگى ارميانىڭ قازىنالىق باقىلاۋ قىزمەتىن كۇشەيتۋ جونىندەگى پىكىر» دى باسىپ تاراتتى

  شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى. ءتوراعا شي جينپيڭنىڭ بەكىتۋىمەن ورتالىق اسكەري ىستەر كوميتەتى جۋىقتا «جاڭا داۋىردەگى ارميانىڭ قازىنالىق باقىلاۋ قىزمەتىن كۇشەيتۋ جونىندەگى پىكىر»دى باسىپ تاراتىپ، جاڭا داۋىردەگى ارميانىڭ قازىنالىق باقىلاۋ قىزمەتىنىڭ ءتۇبىرلى بويسۇنۋ ولشەمى، فۋنكتسيالىق ورنى، بورىش - مىندەتى، وزىندىك قۇرىلىسى سياقتىلاردى ايقىندادى جانە ورنالاستىردى.

  «پىكىر»دە مىنالار ايقىندالدى: ارميانىڭ قازىنالىق باقىلاۋ قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، ماسەلەنى باعدار ەتۋ ارقىلى قازىنالىق باقىلاۋدى كۇشەيتىپ، قازىنالىق باقىلاۋدىڭ جاپپاي قامتۋىن ۇزدىكسىز ىلگەرىلەتىپ، قازىنالىق باقىلاۋدى ساياسي جاقتان قۇرۋدى، زاڭ بويىنشا باقىلاۋ جۇرگىزۋدى، عىلىم - تەحنيكا ارقىلى باقىلاۋدى كۇشەيتۋدى، باقىلاۋدى كىرشىكسىز جۇرگىزۋدى ۇزدىكسىز ىلگەرىلەتىپ، ەلىمىزدىڭ مەملەكەت جاعدايىنا ۇيلەسەتىن، ارميامىز ەرەكشەلىگىنە يە وسى زامانعى ارميانىڭ قازىنالىق باقىلاۋ ءتۇزىمىن قۇرۋعا قۇلشىنادى.

  «پىكىر»دە مىنالار باسا دارىپتەلدى: ارميانىڭ قازىنالىق باقىلاۋى − پارتيانىڭ ارمياعا شارتسىز باسشىلىعىنا شىنايى كەپىلدىك ەتۋدەگى ماڭىزدى باقىلاۋ ءتاسىلى، ارميانى زاڭ بويىنشا جونگە سالۋدىڭ، ارميانى قاتاڭ جونگە سالۋدىڭ ماڭىزدى تۇزىمدىك ورنالاستىرۋى، اسكەري قوسىننىڭ جاۋىنگەرلىك قۋاتى قۇرىلىسىن ىلگەرىلەتۋدىڭ ماڭىزدى كەپىلى. قازىنالىق باقىلاۋدىڭ قىزمەت جاۋاپكەرشىلىگىن جاپپاي اتقارىپ، قازىنالىق باقىلاۋدان كەيىنگى جونگە سالۋدى زوركۇشپەن كۇشەيتىپ، قازىنالىق باقىلاۋ قىزمەت مەحانيزمىن اقاۋسىزداندىرىپ، كەمەلدەندىرىپ، قاتاڭ باقىلاۋ تورى جۇيەسىن ورناتىپ، قازىنالىق باقىلاۋدىڭ جالپى تۇلعالىق بىرىككەن كۇشىن نىعايتۋ كەرەك.

  «پىكىر»دە مىنالار تالاپ ەتىلدى: قازىنالىق باقىلاۋ قۇرىلىمدارىنىڭ وزىندىك قۇرىلىسىن كۇشەيتىپ، ساياسي قۇرىلىستى ءبىر تۇتاس باسشىلىققا الىپ، ”ادال بولۋ، سوعىس ءۇشىن قىزمەت ەتۋ، جاڭالىق اشۋ، قىزمەت وتەۋ، كىرشىكسىز بولۋ، جاۋاپكەرلىك ارقالاۋ“ سىندى قازىنالىق باقىلاۋ رۋحىن جەتىلدىرىپ، سەنىمى بەرىك، كاسىپكە جۇيرىك، ستيلى ناقتى ءارى شىنايى، پاك، كىرشىكسىز، جوعارى ساپالى، ماماندانعان قازىنالىق باقىلاۋ قوسىنىن قالىپتاستىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.