ءتىلشى ۋاڭ شيڭرۇي 10 - ايدىڭ 17 - كۇنى ۇرىمجىدەن حابارلايدى. 10 - ايدىڭ 17 - كۇنى تۇستەن بۇرىن، مەملەكەتتىك كەدەيلىكتەن ارىلتۋدان قامال الۋ سيلىعىنىڭ ماراپاتتاۋ - سيلاۋ جينالىسى جانە وزات ىزگى ىستەردەن بايانداما جاساۋ جينالىسى بەيجيڭدە وتكىزىلدى. شينجياڭ مەن شينجياڭ ءوندىرىس - قۇرىلىس بيڭتۋانىنان 6 ادام، ءبىر ورىن مەملەكەتتىك كەدەيلىكتەن ارىلتۋدان قامال الۋ سيلىعىنا يە بولدى.
اقتاۋ اۋدانى تار تاجىك ۇلتتىق اۋىلى قوزۇ قىستاعىنىڭ تۇرعىنى تايىر قاۋىل، بيڭتۋان 14 - شىسى 225 - تۋانى لايسۋ قىستاعىنىڭ تۇرعىنى ءماتسادي تۇرسىن ەكپىندەي ىلگەرىلەۋ سيلىعىن، وڭتۇستىك شينجياڭ اسكەري رايونى ساياسي قىزمەت ءبولىمى بۇقارالىق قىزمەت بايلانىس باسقارماسىنىڭ باستىعى چين يۇڭگاڭ ۇلەس قوسۋ سيلىعىن، شەريا اۋدانى جىحۇي جەمىس شارۋاشىلىعى شارۋالار كاسىپتىك سەلبەستىك كووپەراتيۆىنىڭ القا باستىعى لي پىڭ ءوزىن ارناۋ سيلىعىن، قاراقاش اۋدانى حوتان باليمۋ ساۋدا شەكتى جاۋاپكەرلىك سەرىكتەستىگىنىڭ باس جوراسى وبۇلاسەن وبۇلقاسىم، بيڭتۋان 3 - شىسى تۇمسىق قالاسى 51 - تۋان 4 - ليانى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاڭ يۇڭ - ان جاڭالىق اشۋ سيلىعىن؛ شاندۇڭ ولكەسىنىڭ شينجياڭعا باعىتتامالى كومەكتەسۋ قىزمەتىنە قولباسشىلىق ەتۋ شتابى جاڭالىق اشۋعا ۇيىمداستىرۋ سيلىعىن الدى.
2016 - جىلى مەملەكەت كەدەيلىكتەن ارىلتۋدان قامال الۋ سيلىعىن بەلگىلەگەننەن بەرى، شينجياڭ مەن شينجياڭ ءوندىرىس - قۇرىلىس بيڭتۋانىنان جيىنى 15 جەكە، 4 كوللەكتيۆ وسى داڭقتى اتاققا يە بولعان. بۇل وزات جەكەلەر مەن وزات كوللەكتيۆتەر كەدەيلىكتەن ارىلتۋدان قامال الۋ شايقاسىنىڭ ءبىرىنشى شەبىندە ۇزاق ۋاقىت كۇرەس جۇرگىزىپ، كەدەيلىكتەن ارىلتۋدان قامال الۋ ىسىنە بەلسەنە ات سالىسىپ، شينجياڭنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋى ءۇشىن تاماشا ونەگە كورسەتىپ، تاماشا اۋقىم قالىپتاستىردى.
