تيانشان تورى   ›   جاڭالىقتار   ›   شينجياڭ حابارلارى

عىلمي زەرتتەۋدى اۋەسىنە اينالدىرىپ، ءونىمىن مەملەكەت قاقپاسىنان سىرتقا شىعاردى

− شينجياڭ كىلي جاڭا تەحنيكانى دامىتۋ جارنا شەكتى سەرىكتەستىگى پارتيا ياچەيكاسىنىڭ شۋجيى، القا باستىعى قوسىمشا باس ديرەكتور جاۋ بو تۋرالى

ءتىلشى شيە حۇيبيان

  9 - ايدىڭ 8 - كۇنى، شيكى مۇناي ءيىسى اڭقىپ تۇراتىن تاجىريبەحانادا، شينجياڭ كىلي جاڭا تەحنيكانى دامىتۋ جارنا شەكتى سەرىكتەستىگى پارتيا ياچەيكاسىنىڭ شۋجيى، القا باستىعى، قوسىمشا باس ديرەكتور جاۋ بو جەتەكشىسى حى چىڭزۋمەن جاڭا نىساننىڭ تاجىريبە امالىن اقىلداسۋدا، ەكەۋى كەڭەسە وتىرىپ قاعازعا سىزۋدا.

  مۇنداي كورىنىس جاۋ بونىڭ كۇندەلىكتى تۇرمىسى، ۋاقىتى شىعا قالسا بولعانى ول تاجىريبەحانادا بولىپ، تاجىريبە ىستەيدى، مالىمەت جازادى، وسىلايشا عىلمي زەرتتەۋدەگى كوپتەگەن قيىن ماسەلەلەردى شەشكەن ول كاسىپورىننىڭ دامۋىن، قاريدارلاردىڭ سۇرانىسىن ءبىرىنشى ورىنعا قويۋدان جازباي، بار كۇشىمەن عىلمي زەرتتەۋ جەتىستىكتەرىن ءساتتى كادەگە جاراتۋدى جەبەپ كەلەدى، سەرىكتەستىكتىڭ جىلدىق ءونىم قۇنى دا ءتۇزىلىس رەفورماسىنىڭ باستاپقى مەزگىلىندەگى 25 ميلليون يۋاننان 260 ميلليون يۋانعا ارتتى.

■ ءبىرىنشى شەپكە تامىر تارتىپ، كوپ ءتۇرلى عىلىم - تەحنيكا جەتىستىگىنە قول جەتكىزدى

  1984 - جىلى جاۋ بو باتىس وڭتۇستىك مۇناي داشۋەسىنىڭ مۇناي الابى حيمياسى ماماندىعىنان وقۋ تاۋىسقاننان كەيىن، شينجياڭ مۇناي الابىن بارلاۋ - جوبالاۋ زەرتتەۋ مەكەمەسىنىڭ زەرتتەۋ ورنىنا قىزمەتكە ءبولىنىپ، باستىسى، مۇناي الابىنداعى سۋدى ءبىر جاقتى ەتۋ، شيكى مۇنايدىڭ سۋىن ايىرۋ جانە مۇناي قۇدىعىنداعى شىرۋدەن ساقتانۋ سياقتى قىزمەتتەرمەن اينالىستى.

  2004 - جىلى شينجياڭ مۇناي الابى بارلاۋ - جوبالاۋ زەرتتەۋ مەكەمەسىنىڭ زەرتتەۋ ورنىندا تۇتاس تۇلعالى ءتۇزىلىس رەفورماسى جۇرگىزىلىپ، شينجياڭ كىلي جاڭا تەحنيكانى دامىتۋ شەكتى سەرىكتەستىگى قۇرىلىپ، جاۋ بو سەرىكتەستىكتىڭ القا باستىعى، قوسىمشا باس ديرەكتورى مىندەتىن ارقالادى، ول، ءبىر جاعىنان، عىلمي زەرتتەۋ ۇجىمىن باستاپ مۇناي الابى تەحنيكاسىنا زەرتتەۋ جۇرگىزسە، ءبىر جاعىنان، ءونىم جاساپ، بازار اشىپ، سەرىكتەستىكتە عىلىم، ونەركاسىپ، ساۋدا، قىزمەت وتەۋ ءبىر تۇلعالانعان دامۋدى جۇزەگە اسىردى.

  2018 - جىلدىڭ سوڭىنا دەيىن سەرىكتەستىك جيىنى 15 تاپقىرلىق پاتەنتىنە، 36 قولدانىلمالى جاڭا تۇردەگى پاتەنتكە ۇقىق بەرۋگە قول جەتكىزدى، مۇنىڭ ىشىندە 3 پاتەنت مەملەكەتتىك تاپقىرلىق كورمەسىنىڭ التىن سيلىعى مەن قولا سيلىعىنا يە بولدى؛ مۇناي الابىنداعىلاس سۋدى ءبىر جاقتى ەتۋ تەحنيكاسى پاتەنت جۇيەسىن قالىپتاستىردى ءارى ءساتتى تۇردە كادەگە جاراتىلدى.

  ”عىلمي زەرتتەۋمەن اينالىسۋدا ءبىرىنشى شەپكە بارۋ كەرەك، جۇمىس باسىندا ۇعىسىپ، تەحنيكا سۇرانىسىن يەلەگەندە عانا قۇندى ءونىم زەرتتەپ اشۋعا بولادى“، - دەدى جاۋ بو. 35 جىلدان بەرى جاۋ بو باستان - اياق عىلمي زەرتتەۋدىڭ ءبىرىنشى شەبىنە تامىر تارتۋدان جازباي، عىلمي زەرتتەۋ ۇجىمىن باستاپ ۇزدىكسىز قامال الىپ، قيىنشىلىقتى جەڭىپ، ىلگەرىندى - كەيىندى اۆتونوميالى رايون دارەجەلى 2 عىلىم - تەحنيكا العاباسارلىعى سيلىعىن، قالا دارەجەلى 6 عىلىم - تەحنيكا العاباسارلىعى سيلىعىن ەنشىلەدى، ول دا اۆتونوميالى رايوندىق تاڭداۋلى كومپارتيا مۇشەسى، 5 - كەزەكتى قارامايلى عىلىم - تەحنيكادا كورنەكتى ۇلەس قوسۋشى، قارامايلى مۇناي حيميا كاسىپ سالاسى مۇناي قالاسى مامانى سياقتى داڭق اتاقتارعا يە بولعان.

■ قولدانۋشىلاردىڭ سۇرانىسى سەرىكتەستىكتىڭ جاڭالىق اشۋىنىڭ قوزعاۋشى كۇشى

  ”باستان - اياق قاريدارلاردىڭ سۇرانىسىن ءبىرىنشى ورىنعا قويۋ كەرەك، قاريدارلاردىڭ رازى بولۋى سەرىكتەستىكتىڭ ۇزدىكسىز جاڭالىق اشۋىنىڭ قوزعاۋشى كۇشى“، - دەدى جاۋ بو. قاريدارلارعا تەحنيكانى تانىستىرىپ ساتقاندا نەمەسە ءونىم جاڭا تەحنيكالىق ماسەلەگە جولىققاندا، جاۋ بو ەڭ الدىمەن عىلمي زەرتتەۋ ۇجىمىن قۇرىپ، امالىن تاۋىپ جاڭا تەحنيكالىق قيىن ماسەلەنى جەڭەتىن.

  2017 - جىلى 4 - ايدا سەرىكتەستىكتىڭ مۇناي الابىنداعى تۇزدى كەرەكسىز سۋدى ولشەمدى ىعىستىرۋ نىسانى رەسمي قۇرىلدى، نىساندا ساقتالعان تەحنيكالىق قيىن ماسەلەگە قاراتا، جاۋ بو كوپ رەت جۇمىس باسىنا بارىپ، سۋدى ءبىر جاقتى ەتۋ نىسانى گرۋپپاسى، تەحنولوگيالىق جوبالاۋ گرۋپپاسى، جابدىق زاۆودى سياقتى تاراۋلاردى باستاپ تەحنيكادان قامال الىپ، قاريدارمەن قايتا - قايتا پىكىرلەسىپ، سويلەسىپ، شەشۋ جوسپارىن ۇزدىكسىز جاقسارتىپ، بيولوگيالىق كونتاكتتى توتىقتاندىرىپ ءبىر جاقتى ەتۋ تەحنولوگياسىن العا قويىپ، اقىرىندا ءساتتى قولدانىسقا ءتۇسىردى.

  كىلي سەرىكتەستىگى تاعى دا بەيجيڭ داشۋەسى، حۋادۇڭ مۇناي داشۋەسى سياقتى كوپتەگەن جوعارى مەكتەپتەرمەن جانە عىلمي زەرتتەۋ مەكەمە، ورىندارىمەن سەلبەستىك جاساپ، ورنىقتى ءوندىرىس، وقىتۋ، زەرتتەۋ سەلبەستىك قارىم - قاتىناسىن ورناتتى. ”كىرگىزۋ“ مەن ”شىعارۋ“دى ءوزارا ۇشتاستىرۋعا تاباندى بولىپ، سەرىكتەستىكتىڭ جاس تەحنيكالىق دارىندىلارىن سەلبەستىك جاساسقان مەكتەپتەرگە بارىپ ءبىلىم اسىرۋعا جىبەرىپ، سەلبەسىپ نىسان اشىپ، سەرىكتەستىك ءۇشىن قىرۋار عىلىم - تەحنيكا دارىندىلارىن جەتىلدىردى. ”جاڭا بىلىمدەردى، جاڭا تەحنيكالاردى ۇزدىكسىز ۇيرەنگەندە عانا، قاريدارعا ساپالى تەحنيكا جانە قىزمەت وتەۋ ازىرلەۋگە بولادى“، - دەدى جاۋ بو.

■ جاستاردى شابىتتاندىرا، ىنتالاندىرا باۋلىدى

  جاۋ بوعا تىلشىلىك جاساپ جۇرگەندە، ونىڭ داشۋەدەگى جەتەكشىسى باتىس - وڭتۇستىك مۇناي داشۋەسىنىڭ پروفەسسورى حى چىڭزۋعا كەزدەسىپ قالدىق، حى چىڭزۋ بيىل 82 جاستا بولعانىمەن، رۋحى ءالى كوتەرىڭكى ەكەن، ءارجىلى چىڭدۋدان شينجياڭعا كەلىپ، كىلي سەرىكتەستىگىنە تەحنيكالىق جەتەكشىلىك جاسايدى ەكەن.

  جاۋ بو: جەتەكشىم مەنىڭ كوپتەگەن تەحنيكالىق قيىن ماسەلەلەردى شەشۋىمە كومەكتەستى، - دەدى. جاۋ بونىڭ نازارىندا، حى چىڭزۋ ونىڭ ءىلمي جەتەكشىسى عانا ەمەس، ءتىپتى دە ماڭىزدىسى، ونىڭ ومىردەگى جەتەكشىسى. كۇندەلىكتى قىزمەتتە، جاۋ بو كوپتەگەن عىلمي زەرتتەۋ قيىن ماسەلەلەرىنە كەزدەسەدى، ءبىراق ول ەشقاشان العان بەتىنەن قايتىپ كورگەن ەمەس، مۇنداي قايسارلىق 30 جىلدان استام ۋاقىتتىڭ الدىندا حى چىڭزۋ ايتقان ءبىر اۋىز سوزدەن باستاۋ العان.

  جاۋ بو داشۋە بىتىرۋدەن بۇرىن حى چىڭزۋ ونىڭ وقۋ ءبىتىرۋ جوباسىن كورگەننەن كەيىن، وزىنە ايتقان ”ەگەيلەردىڭ ويى ءبىر“ دەگەن ءسوزىن ەسىنە الدى، بۇل ءسوز ول ءۇشىن اسا زور شابىتتاندىرۋ بولدى.

  جەتەكشىسىنىڭ كەزىندەگى ءبىر اۋىز ءسوزى جاۋ بونىڭ 35 جىل تاباندى ىستەۋىنە تۇرتكى بولدى، جاۋ بو شابىتتاندىرۋدىڭ جاستاردىڭ ەسەيۋى جونىنەن قانشالىق رولى بولاتىندىعىن ابدەن بىلەدى. سوندىقتان ول جاس عىلىم - تەحنيكا دارىندىلارىن باۋلۋعا ەرەكشە ءمان بەرەدى.

  2009 - جىلى جوۋ شاۋشيۇڭ داشۋەدەن وقۋ بىتىرگەننەن كەيىن وسى سەرىكتەستىككە كەلەدى، باستابىندا ماماندىعى تۋرا كەلمەگەندىكتەن، ول تاجىريبە جاساۋدا قاتتى قينالادى، ماندىعان عىلمي زەرتتەۋ جەتىستىگى دە بولمايدى. جاعدايدى بىلگەننەن كەيىن، جاۋ بو وعان زەرتتەۋ امالىن ءتۇسىندىرىپ قانا قالماستان، ءوز قولىمەن تاجىريبە جاساۋدى ۇيرەتىپ، ونى جۇرەكتىلىكپەن سىناۋعا شابىتتاندىرىپ، وعان ىلگەرىندى - كەيىندى كوپتەگەن نىسانداردىڭ جاۋاپتىسى مىندەتىن ارقالاتادى. قازىر جوۋ شاۋشيۇڭ وسى سەرىكتەستىكتىڭ تەحنولوگياتەحنيكاسىن زەرتتەۋ ءبولىمىنىڭ ديرەكتورى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى