تىلشىلەر يۋان لەي، جاڭ يانفاڭ 10 - ايدىڭ 18 - كۇنى ۇرىمجىدەن حابارلايدى. 10 - ايدىڭ 18 - كۇنى اۆتونوميالى رايونداعى جوعارى مەكتەپتەردىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىلگەرىلەتۋ اڭگىمە ءماجىلسى اشىلدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.
ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى جونىندەگى ماڭىزدى ءسوزىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، تياناقتاندىرىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، دەن قويا جوسپارلاپ، تياناقتاندىرۋدى مىقتاپ يگەرىپ، فورماشىلدىقتان، تورەشىلدىكتەن قاتاڭ ساقتانىپ، تىڭعىلىقتى ارەكەت ارقىلى نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىبىن مىقتاپ ارقاۋ ەتىپ، پارتيالى كادرلاردى، وقىتۋشىلاردى تەرەڭدەي ۇيرەنىپ، ەگجەي - تەگجەيلى ۇعىنۋعا اناعۇرلىم ۇيىمداستىرىپ، ءتۇپ نۇسقانى وقىپ، ءماتىندى ۇيرەنىپ، قاعيداسىن ءتۇسىنىپ، اسىرەسە، شوعىرلى ۇيرەنۋدى، زەرتتەۋ - تالقىلاۋدى، اۋىس - كۇيىس جاساۋدى ويداعىداي يگەرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋدى، كوكەيگە توقۋدى، ناقتى جۇرگىزۋدى شىنايى ىلگەرىلەتۋ كەرەك. ماسەلەنى باعدار ەتۋدەن جازباي، پىشاقتىڭ ءدۇزىن ىشكە قاراتۋعا تاباندى بولىپ، دۇرىس مەكتەپ باسقارۋ بەتالىسىنا تاباندى بولۋ، ونەگە كورسەتىپ، ادام تاربيەلەۋ ءتۇبىرلى مىندەتىن تياناقتاندىرۋ جانە وقۋ - اعارتۋدى، وقىتۋدى باسقارۋ، وقىتۋشىلار قوسىنى قۇرىلىسى، يدەيالىق ساياسي قىزمەتى سياقتى جاقتاردا ساقتالعان كورنەكتى ماسەلەلەردى جاپپاي قاداعالاپ، قاينارىن تەرەڭ قازىپ، توركىنىن تابۋ كەرەك. اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا، مەكتەپتىڭ ءىس جۇزىندىگىمەن بىرلەستىرىپ، نازاردى شوعىرلاندىرا وتىرىپ ارناۋلى رەتتەۋ - وڭاۋ قىزمەتىن ويداعىداي يگەرىپ، حالىق ءۇشىن ناقتى ىستەردى جاقسى ىستەپ، جاڭا ۇران كوتەرمەي، ءسان - ساۋلەتتىك ىستەمەي، ناقتى شارالاردى جولعا قويىپ، بۇقارانىڭ رازىلىق دەڭگەيى مەن تابىس سەزىمىن شىنايى نىعايتۋ كەرەك. ”شەشۋشى از ساندى“نى كورنەكتى تۇردە ويداعىداي يگەرىپ، جوعارى مەكتەپ باسشىلىق القاسىنىڭ جانە اۋدان - باسقارما دارەجەلىدەن جوعارى باسشى كادرلاردىڭ نازاريا ۇيرەنۋدە تابىس بولۋىن، يدەيا - ساياسيدا سىننان ءوتۋىن، ءىس تىندىرىپ، ناتيجە شىعارۋدا باتىلدىقپەن جاۋاپكەرشىلىك ارقالاۋىن، حالىق ءۇشىن قىزمەت ىستەۋدە قيىن ماسەلەلەردى شەشۋىن، پاك، تارتىپشەڭ بولۋدا ۇلگى كورسەتۋىن شىنايى ىلگەرىلەتىپ، رۋحتى اناعۇرلىم تاسقىنداتىپ، وڭ ەنەرگيا ۇيىستىرىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، زەيىن - زەردەنى باسقاعا اۋدارماي، مەكتەپ باسقارۋدىڭ، مەكتەپتى جونگە سالۋدىڭ، ءبىلىم بەرۋدىڭ، ادام تاربيەلەۋدىڭ ءتۇرلى قىزمەتتەرىن بار كۇشپەن ويداعىداي يگەرۋ كەرەك.
ءماجىلىس مىنالاردى باسا دارىپتەدى: جوعارى مەكتەپتەردىڭ نەگىزگى تاقىرىپتىق تاربيەسىنە ۇيىمدىق باسشىلىقتى اناعۇرلىم كۇشەيتىپ، جوعارى مەكتەپ پارتكومدارىنىڭ، قاتىستى كاسىپ سالاسىنداعى نەگىزگى جاۋاپتى تاراۋلار پارتيا باسشىلىق گرۋپپاسىنىڭ (پارتكوم) تۇلعالىق جاۋاپكەرشىلىگىن كۇشەيتۋ، ناقتىلاندىرۋ كەرەك. قاتاڭ دا شىنايى، دالمە - ءدال دە جوعارى ءونىمدى تۇردە قۋزاۋ - تەكسەرۋ، جەتەكشىلىك ەتۋ جۇرگىزىپ، ءتارتىپتى ىلگەرىلەتىلۋىنە، تەرەڭدەۋىنە، ناقتىلانۋىنا شىنايى كەپىلدىك ەتىپ، نەگىزگى تاقىرىپتىق تاربيەنىڭ ونىمدىلىگىن شىن مانىندە جۇڭگوشا سوتسياليستىك جوعارى مەكتەپتى ويداعىداي باسقارۋدىڭ قۇدىرەتتى قوزعاۋشى كۇشىنە اينالدىرىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن اناعۇرلىم ويداعىداي تاربيەلەۋ كەرەك.
