ءتىلشى لياڭ ليحۋا 10 - ايدىڭ 18 - كۇنى ۇرىمجىدەن حابارلايدى. 10 - ايدىڭ 18 - كۇنى تۇستەن بۇرىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 69 - رەتكى مەڭگەرۋشىلەر ءماجىلىسىن اشىپ، 4 تەكسەرۋ - زەرتتەۋ گرۋپپاسىنىڭ حالىق قۇرىلتايى قىزمەتىنە تەكسەرۋ - زەرتتەۋ جۇرگىزۋ جاعدايى جونىندەگى مالىمەتىن تىڭدادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت ءيمىن ءماجىلىستى باسقاردى ءارى ءسوز سويلەدى.
10 - ايدىڭ 9 - كۇنىنەن 15 - كۇنىنە دەيىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ 4 ورىنباسار مەڭگەرۋشىسى ۇيىرمە باستاپ، جەكە - جەكە ىشكەرىدەگى ولكە، رايوندارعا جانە رايونىمىزدىڭ كوپ ءبولىم ايماق، وبلىس، قالالارىنا بارىپ، حالىق قۇرىلتايى قىزمەتى جانە قۇرىلىسى جاعدايىنا تەكسەرۋ - زەرتتەۋ جۇرگىزدى. ءماجىلىس مىنالاردى اتاپ كورسەتتى: وسى رەتكى تەكسەرۋ - زەرتتەۋ قيمىلى 4 ولكە، رايون حالىق قۇرىلتايى تۇراقتى كوميتەتتەرىنىڭ زاڭ شىعارۋ، باقىلاۋ، ۋاكىلدەر قىزمەتىن ورىستەتۋدەگى جانە ورگاننىڭ ءوز قۇرىلىسى سياقتى جاقتارداعى جاقسى تاجىريبەلەرىن، جاقسى ءادىس - امالدارىن ۇعىستى. نەگىزگى ساتى حالىق قۇرىلتايى قىزمەتىندەگى كەيبىر ءساتتى تاجىريبەلەر مەن وزىق تيپتىك ىزگى ىستەردى ۇعىستى، نەگىزگى ساتى حالىق قۇرىلتايلارى، اسىرەسە، اۋداندىق، اۋىلدىق حالىق قۇرىلتايلارى قىزمەتى مەن قۇرىلىسىندا ساقتالىپ وتىرعان كورنەكتى ماسەلەلەردى بايقادى. بۇل اۆتونوميالى رايوندىق حالىق قۇرىلتايى قىزمەتىنىڭ تاعى دا تىڭ ساتىعا كوتەرىلۋىن ىلگەرىلەتۋ جونىنەن ماڭىزدى مانگە يە.
ءماجىلىس مىنالاردى باسا دارىپتەدى: تەكسەرۋ - زەرتتەۋ تابىستارىن ويداعىداي قولدانىپ، وسى رەتكى تەكسەرۋ - زەرتتەۋدە بايقالعان جاقسى تاجىريبەلەردى، جاقسى ءادىس - امالداردى تولىق ويداعىداي قورىتىندىلاپ، اۆتونوميالى رايوندىق حالىق قۇرىلتايى قىزمەتىمەن تىعىز ۇشتاستىرىپ، مۇقيات زەرتتەۋ جۇرگىزىپ، ونى شىن مانىندە حالىق قۇرىلتايى قىزمەتىن ىلگەرىلەتۋدىڭ ناقتى شارالارىنا اينالدىرۋ كەرەك. وسى رەتكى تەكسەرۋ - زەرتتەۋدە بايقالعان ماسەلەلەرگە مۇقيات تالداۋ جاساپ، تۇرگە ءبولىپ رەتتەپ، وسى ماسەلەلەرگە قاراتا باعىتتامالىلىعى كۇشتى، يكەمدىلىگى كۇشتى، ناقتى، جارامدى شارالار شىعارۋ كەرەك.
ءماجىلىس مىنالاردى تالاپ ەتتى: ساياسي دەڭگەيدى جوعارىلاتىپ، بورىش ارقالاۋدى كۇشەيتىپ، جاۋاپكەرشىلىك سەزىم مەن كوكەي تەستىلىك سەزىمدى نىعايتىپ، حالىق قۇرىلتايى قىزمەتى مەن قۇرىلىسىنا تەكسەرۋ - زەرتتەۋ جۇرگىزۋگە ونان ارى ءمان بەرىپ جانە كۇشەيتىپ، ءبىر جاعىنان، تەكسەرۋ - زەرتتەۋ ارقىلى ءار دارەجەلى حالىق قۇرىلتايلارى اراسىنداعى بايلانىستى، بىرلەسە ارەكەتتەنۋدى قويۋلاتىپ، حالىق قۇرىلتايى قىزمەتىنىڭ تۇتاس تۇلعالىق بىرىككەن كۇشىن كۇشەيتۋ، ەندى ءبىر جاعىنان، حالىق قۇرىلتايى قىزمەتى بارىسىنداعى جاقسى تاجىريبەلەردى، جاقسى ءادىس - امالداردى دەر كەزىندە قورىتىندىلاپ جانە جالپىلاستىرىپ، حالىق قۇرىلتايى قىزمەتىندە ساقتالىپ وتىرعان ماسەلەلەردى دەر كەزىندە ويداعىداي شەشىپ، حالىق قۇرىلتايى قىزمەتىنىڭ ۇزدىكسىز العا باسۋىن جەبەۋ كەرەك.
