تيانشان تورى   ›   جاڭالىقتار   ›   شۋجي ەستەلىگى

چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى

چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

نەگىزگى تاقىرىپتىق تاربيەنى تىڭعىلىقتى ورىستەتىپ، ورنىقتىلىق پەن دامۋدىڭ جاڭا جاعدايىن ۇزدىكسىز اشايىق

  10 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو تيانشان رايوندىق ىنتىماق جولى اۋماعىن باسقارۋ كوميتەتى حۋاڭچىڭ الەۋمەتتىك اۋماعى تۇرعىنى يۇسۇپجان تۇراقتىڭ وتباسىندا، وتباسى تۇرمىسىن جانە حالىققا ءتيىمدى ساياساتتاردىڭ تياناقتانۋ جاعدايىن ەگجەي - تەگجەيلى ۇعىستى. سۋرەتتى ءتىلشى سۇي جىجيان تۇسىرگەن

  تىلشىلەر ياۋ تۇڭ، ۋاڭ شيڭرۇي 10 - ايدىڭ 18 - كۇنى ۇرىمجىدەن حابارلايدى. 10 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتۋدى وراي ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ماسەلەنى باعدار ەتۋگە تاباندى بولىپ، ءبىر تۇتاس جوسپارلاۋدى كۇشەيتىپ، ىرىقتىلىقپەن جاۋاپكەرشىلىك ارقالاپ ىسكەرلىك كورسەتىپ، ورنىقتىلىق پەن دامۋدىڭ ءتۇرلى قىزمەتتەرىندە تاعى دا تىڭ ورەگە كوتەرىلۋدى ىلگەرىلەتۋ كەرەك.

  تيانشان رايوندىق ىنتىماق جولى اۋماعىن باسقارۋ كوميتەتى حۋاڭچىڭ الەۋمەتتىك اۋماعىندا، چىن چۋانگو الەۋمەتتىك اۋماقتاعى قىزمەتكەرلەرمەن ىقىلاسپەن اڭگىمەلەسىپ، نەگىزگى تاقىرىپتىق تاربيەنى ورىستەتۋ، پارتيا قۇرىلىسى، ءار ۇلت بۇقاراسىنا قىزمەت وتەۋ سياقتى جاعدايلاردى ىشكەرىلەي ۇعىستى. ول مىنالاردى اتاپ كورسەتتى: تاربيەنى اشىق يگەرۋگە تاباندى بولىپ، بۇقارادان كەڭىنەن پىكىر الىپ، بۇقارانىڭ باقىلاۋىن ىرىقتىلىقپەن قابىلداپ، بۇقارا اۋانىنا مۇقيات قۇلاق اسىپ، بۇقارا ءجىتى قاداعالاپ وتىرعان ىستەرگە بەلسەندىلىكپەن جاۋاپ قاتىپ، نازىك تۇستارعا كۇش سالىپ، بۇقارا ەڭ اسىعاتىن، ەڭ الاڭدايتىن، ەڭ كوكسەيتىن كوكەي تەستى ماسەلەلەردى شىنايى ىنتامەن شەشىپ، بۇقارانىڭ تابىس سەزىمى ارقىلى نەگىزگى تاقىرىپتىق تاربيەنىڭ ونىمدىلىگىن سىننان وتكىزۋ كەرەك.

  چىن چۋانگو پارحات احمەت پەن يۇسۇپجان تۇراق ەكى تۇرعىننىڭ ۇيىنە كەلىپ، ولارمەن بىرگە قورالانا وتىرىپ، اڭگىمە دۇكەن قۇرىپ، وتباسى تۇرمىسىن، كىرىس قاينارىن جانە حالىققا ءتيىمدى ءتۇرلى ساياساتتاردىڭ تياناقتانۋ جاعدايىن ەگجەي - تەگجەيلى ۇعىستى. چىن چۋانگو ولاردى قۇلشىنا قىزمەت ىستەپ، وتباسىن جاقسى باسقارىپ، پەرزەنتتەرىن جاقسى تاربيەلەپ، اتا - اناعا وپالى بولىپ، تۇرمىستارىن بارعان سايىن جاقسارتا تۇسۋگە جىگەرلەندىردى.

  ءۇرىمجى قالالىق قوعام حاۋىپسىزدىگى مەكەمەسىندە، چىن چۋانگو قارا كۇشتەردى الاستاۋ، سۇرقيا كۇشتەردى جويۋ قىزمەتىنىڭ ىلگەرىلەتىلۋ جاعدايىنان جاسالعان مالىمەتتى مۇقيات تىڭدادى، ءبىرىنشى شەپتە ەرلىكپەن شايقاس جۇرگىزىپ جاتقان قوعام حاۋىپسىزدىگى كادر - ساقشىلارىنا جانە ساياسي - زاڭ كادرلارىنا امانداستى. ول مىنالاردى اتاپ كورسەتتى: قازىر قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى كەزەڭ اسىپ، قامال الۋدىڭ جاڭا كەزەڭىنە ءوتتى، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، بورىش ارقالاۋدى كۇشەيتىپ، تۇلعالىق جاۋاپكەرشىلىكتى اتقارىپ، ءبىر تۇتاس جوسپارلاپ سايكەستىرۋدى كۇشەيتىپ، ءتۇزىلىس مەحانيزمىن كەمەلدەندىرىپ، ماسەلەنى باعدار ەتۋگە تاباندى بولىپ، رەتتەۋ - تۇزەتۋدى تياناقتاندىرۋدى كۇشەيتىپ، نىسانادان بۇلجىماي، تەرەڭ قازىپ، تۇبەگەيلى تەكسەرىپ، ۇزدىكسىز كۇش شىعارىپ، قامال الىپ، قيىنشىلىقتاردى جەڭىپ، قارا كۇشتەردى الاستاپ، سۇرقيا كۇشتەردى جويۋ ارناۋلى كۇرەسىن ۇزدىكسىز تەرەڭدەتىپ، بەتالىستان اۋىتقىماۋعا، ءجۇردىم - باردىم ىستەمەۋگە، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.

  چىن چۋانگو تاعى ءۇرىمجى جوعارى - جاڭا تەحنيكا اشۋ رايونى (جاڭا قالا رايونى) سولتۇستىك اۋماق ونەركاسىپ باقشاسى عىلىم - تەحنيكادان جاڭالىق اشۋ اڭعارىنا كەلىپ، ءوندىرىس سەحىنا بارىپ، كاسىپورىننىڭ تەحنيكالىق جاڭالىق اشۋى، ونىمدەردى زەرتتەپ اشۋ جانە ءوندىرىس اينالىمى سياقتى جاعدايلاردى ەگجەي - تەگجەيلى ۇعىستى. ول مىنالاردى اتاپ كورسەتتى: جاڭالىق اشۋ − كاسىپورىننىڭ جانى. كاسىپ سالاسىنىڭ العى بولاشاعىن ءدال كوزدەپ، ۇسىنىلىمدى ۇزدىكسىز ارتتىرىپ، عىلىم - تەحنيكادا جاڭالىق اشۋدى كۇشەيتىپ، كاسىپ سالاسىنداعى دامۋدىڭ ەڭ جوعارى دەڭگەيىن قۇلشىنا يەلەۋ كەرەك.

  چىن چۋانگو تەكسەرۋ - زەرتتەۋ بارىسىندا مىنالاردى اتاپ كورسەتتى: 2 - توپتاعى نەگىزگى تاقىرىپتىق تاربيەنىڭ كەلەلى ءمانىن تولىق تانىپ، مىقتاپ يگەرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ نەگىزگى تاقىرىپتىق تاربيە جونىندەگى ماڭىزدى بايىمداۋلارىن قاز - قالپىندا دايەكتىلەندىرىپ، تياناقتاندىرىپ، ءىس جۇزىندىكتى شىعار ءتۇيىن ەتۋگە تاباندى بولىپ، نازاردى نەگىزگى تاقىرىپقا، نەگىزگى ارقاۋعا شوعىرلاندىرىپ، كۇش سالۋ ءتۇيىنىن مىقتاپ يگەرىپ، تۇرلەرگە ءبولىپ جەتەكشىلىك ەتۋگە ءمان بەرىپ، مىندەت - شارالاردى ايقىنداپ، جاقسى ستيلدى ساۋلەلەندىرىپ، ”فورما“عا ءمان بەرىپ، ”ناقتى ونىمدىلىك“كە ءمان بەرمەۋدى باتىل تەجەپ، تەز بىتىرەم دەپ اسىعىپ - اپتىعۋدان، تاباندا تابىسقا جەتەمىن دەۋدەن باتىل ساقتانىپ، سىرتى جىلتىر، ءىشى سىلدىر ايتىلمىش ”جاڭالىق اشۋ“عا باتىل قارسى تۇرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋدى، كوكەيگە توقۋدى، ناقتى جۇرگىزۋدى ۇزدىكسىز ىلگەرىلەتىپ، نازاريالىق ۇيرەنۋدىڭ ءونىمى بولۋىنا، يدەيا - ساياسي جاقتا سىن - سىناقتان وتۋگە، ءىس تىندىرىپ شارۋاشىلىق قۇرۋدا جاۋاپكەرشىلىك ارقالاۋعا باتىل بولۋعا، حالىق ءۇشىن قىزمەت ىستەپ، قيىن تاقىرىپتاردى شەشىپ، پاك، كىرشىكسىز بولىپ ۇلگى كورسەتۋ نىساناسىن جۇزەگە اسىرۋعا شىنايى كەپىلدىك ەتۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.