تيانشان تورى   ›   جاڭالىقتار   ›   سپورت الەمى

جۇڭگو اسكەري كومانداسى ۋحانداعى اسكەريلەر سپورت جينالىسىنداعى العاشقى التىن مەدالىن الدى

  شينحۋا اگەنتتىگىنىڭ 10 - ايدىڭ 19 - كۇنى ۋحاننان بەرگەن حابارى (تىلشىلەر ليۋ جيمەي، يۇي پەي). 10 - ايدىڭ 19 - كۇنى 7 - كەزەكتى دۇنيە جۇزىلىك اسكەريلەر سپورت جينالىسى باستالعاننان كەيىنگى العاشقى جارىس كۇنىن قارسى الدى. ەرلەردىڭ ناگانمەن 25 مەتردەن اسكەري ىستەر بويىنشا جىلدام نىسانا اتۋ توپتىق شەشۋشى جارىسىندا 1 - تامىز نىسانا اتۋ كومانداسىنىڭ ورىنباسار باستىعى، قوسىمشا جاتتىقتىرۋشى جين يۇڭدى باستاعان جۇڭگو كومانداسى توپتىق اعا جۇلدەگەر بولدى. بۇل ءارى 7 - كەزەكتى دۇنيە جۇزىلىك اسكەريلەر سپورت جينالىسىنداعى تۇڭعىش التىن مەدال.

  سول كۇنى تۇستەن بۇرىن باستالعان جارىس باسەكەسى قيان - كەسكى بولدى. ءبىرىنشى گرۋپپا جارىسىندا جۇڭگو كومانداسىنىڭ ساقا شەبەرى شيە جىنشياڭ ونەرىن ورنىقتى ساۋلەلەندىردى، فرانسيالىق ساڭلاق شاعىن گرۋپپا بويىنشا بىرىنشىلىكتى يەلەدى. ەكىنشى گرۋپپا جارىسى باستالعاننان كەيىن، جين يۇڭدى بايسالدى دا ورنىقتى تۇردە نىسانانى دالدەپ اتىپ، 583 نومىرگە يە بولدى، الايدا ۋكراينالىق ساڭلاقتىڭ بەينەسى كورنەكتى بولىپ، 8 سەكۋندتىق جىلدام نىسانا اتۋدا ءبىر ءنومىر عانا كەم بولدى. ءۇشىنشى گرۋپپادا مىلتىق اتىلىپ، جارىس باستالعاندا، ”95 - جىلدان كەيىنگى تۋما“ جاس شەبەر ياۋ جاۋنان ەرەكشە ەرلىك كورسەتتى، العاشقى 10 وقتا 97 نومىرلىك تاماشا ناتيجە جاراتتى. وسى كەزدە مايدانداعى ۇلكەن ەكراندا العاش رەت سول تۇستاعى جالپى ناتيجە قاتارى كورىندى، الدىڭعى قاتارداعى بىرنەشەۋىنىڭ جالپى نومىردەگى بولىمسىز پارقى مايداندى قىزدىرا ءتۇستى. وسىدان كەيىن الدىڭعى ورىنداعى ۇشەۋىنىڭ جالپى ناتيجەسىندە باستان - اياق پارىق الشاق بولمادى. ەڭ سوڭىندا، شيە جىنشياڭ، جين يۇڭدى، ياۋ جاۋناننان ۇيىمداسقان جۇڭگو كومانداسى 1747 نومىرلىك جالپى ناتيجەمەن وسى كەزەكتى دۇنيە جۇزىلىك اسكەريلەر سپورت جينالىسىنىڭ العاشقى التىن مەدالىن الدى.

  ”العاشقى وقتى اتىپ، العاشقى التىن مەدالدى ەنشىلەدى“. ورتالىق اسكەري ىستەر كوميتەتى جاتتىقتىرۋدى باسقارۋ ءبولىمى اسكەري ىستەر دەنە تاربيە جاتتىعۋ ورتالىعىنىڭ جىڭۋيى ساۋ باۋمين شينحۋا اگەنتتىگى ءتىلشىسىنىڭ تىلشىلىگىن قابىلداعاندا مىنالاردى ءبىلدىردى: سپورتشىلار بايسالدى بولىپ، ءاربىر وقتى اتقاندا ەرەكشە باتىل بولدى، تاماشا ناتيجەگە قول جەتكىزۋىنىڭ سىرى وتاندى بارىنەن جوعارى ورىنعا قويۋ، ىنتىماقتاسۋ، سەلبەسۋ، قايراتتا ايانباي الىسۋ، ماڭگى جەڭىلمەۋ رۋحىن ساۋلەلەندىرۋىندە.

  ەرلەردىڭ ناگانمەن 25 مەتردەن اسكەري ىستەر بويىنشا جىلدام نىسانا اتۋ توپتىق ءتۇرى اسكەريلەر سپورت جينالىسىنداعى وزگەشە نىسانا اتۋ ءتۇرى، ارميانىڭ ناقتى سوعىستىق جاتتىعۋىنا جاناسادى ءارى جۇڭگو كومانداسىنىڭ ءداستۇرلى باسىم ءتۇرى. ورتالىق اسكەري ىستەر كوميتەتى جاتتىقتىرۋدى باسقارۋ ءبولىمى اسكەري ىستەر دەنە تاربيە جاتتىعۋ ورتالىعىنىڭ 1 - تامىز نىسانا اتۋ كومانداسىنداعى لي لييا بىلاي دەدى: ياۋ جاۋنان ءوزىن مەڭگەرۋ قابىلەتى ەرەكشە كۇشتى سپورتشى، وسى رەتكى جارىس ونىڭ تولىسۋى جونىنەن وتە زور كوتەرىلۋ بولماق.

  ورتالىق اسكەري ىستەر كوميتەتى جاتتىقتىرۋدى باسقارۋ ءبولىمى اسكەري ىستەر دەنە تاربيە جاتتىعۋ ورتالىعىنىڭ 1 - تامىز نىسانا اتۋ كومانداسى 2018 - جىلى 6 - ايدا رەسمي ۇيىمداسىپ قۇرىلعان، بۇرىنعى اسكەري ىستەر دەنە تاربيە سپورت ۇلكەن كومانداسىنىڭ نىسانا اتۋ كومانداسى، بۇرىنعى گۋاڭجوۋ اسكەري رايونى نىسانا اتۋ كومانداسى، بۇرىنعى شىنياڭ اسكەري رايونى نىسانا اتۋ كومانداسى بىرىگىپ قۇرىلعان، ەل ءىشى - سىرتىنداعى جارىستاردا جالپى 1000 نەشە التىن مەدال العان. ەلىمىزدىڭ نىسانا اتۋ دامۋ تاريحىندا كوپتەگەن ۇزدىك نىسانا اتۋ سپورتشىلارى ارميادان شىققان، ”الدىمەن 1 - تامىز كومانداسى، سوڭىنان مەملەكەت كومانداسى“ بولدى دەگەن ايتىلىم بار. 13 رەت دۇنيە جۇزىلىك رەكورد جاڭالاعان دۇڭ شياڭ - ي، دۇنيە جۇزىلىك اعا جۇلدەگەر لي يامين، وليمپيادا اعا جۇلدەگەرى لي دۇيحۇڭ بارلىعى ارميامىزدىڭ نىسانا اتۋ ساڭلاقتارى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى