جاڭ پەي
الۋان تۇسكە بولەنگەن اسەم كۇزدە تابيعاتتىڭ سۇلۋ كەلبەتى ادامنىڭ جان سارايىن اشىپ، رۋحىن سەرپىلتەدى. قازىر كۇزدىڭ كوركەم كورىنىسىنىڭ ءبارىنىڭ الىستا بولۋى ناعايبىل، ونى قالا كوشەلەرىنەن اناعۇرلىم ءجيى كەزدەستىرە الاسىز. حابارلاردان بەلگىلى بولۋىنشا، بيىل ءۇرىمجى قالاسىنىڭ كۇزگى جاسىلداندىرۋ جۇمىسىندا ءتۇستى جاپىراقتى اعاش تۇرلەرىنىڭ، كوركەم گۇل - اعاش تۇرلەرىنىڭ جانە كورىنىستىك اعاش تۇرلەرىنىڭ سالىستىرماسى ۇزدىكسىز جوعارىلاپ، كورىنىستىك تۇستەر مەن قاباتتار مولايىپ، جاسىلداندىرىلعان كورىنىس اسەرى ۇزدىكسىز كۇشەيگەن. ءار بۇتاقتا، ءار جاپىراقتا قالانىڭ مىڭ بوياۋلى كۇز كەلبەتى كەسكىندەلىپ، قالا باسقارۋدىڭ ءونىمى كورىنىس بەرۋدە.
قالا باسقارۋ قىزمەتىندە فۋنكتسيالىق تۇرعىداعى جوبالىق قۇرىلىستاردان سىرت، گۋمانيتارلىق ىشكى وزەك قالىپتاستىرۋ دا قالانىڭ رۋحاني كەلبەتىن سومدايتىن ماڭىزدى مازمۇن، سونداي - اق قالا باسقارۋدىڭ دەڭگەيىن كورسەتەتىن ماڭىزدى بەلگى سانالادى. قالا باسقارۋدا گۋمانيتارلىق سەزىمگە ءمان بەرىپ، سۇلۋلىعىنا جاراسىمدىلىعى ساي ەكولوگيالىق ورتا قالىپتاستىرۋدىڭ قالا باسقارۋشىلاردىڭ پاراساتىنا اناعۇرلىم جوعارى تالاپ قويارى داۋسىز. شاڭحاي سوڭعى جىلدارى ءۇزىلىپ تۇسكەن سارى جاپىراقتاردى سىپىرىپ جوعالتۋمەن تىندىم قىلا سالماي، قالا تۇرعىندارى مەن ساياحاتشىلاردىڭ كۇز كەلبەتىن تاماشالاپ، كۇز مەرەيىن سەزىنۋىنە مۇمكىندىك جاساۋ ءۇشىن، ءار كۇز سايىن جاپىراق توگىلگەن كورىنىستىك كوشەلەردەن نەشە ونىن جاريالاپ، حالىقارالىق ءىرى قالاعا گۋمانيتارلىق تارتىمدىلىق جانە رومانتيكالىق ءتۇس بەرىپ كەلەدى، وسىنداي رومانتيكالى كۇز كەلبەتىنىڭ استارىندا، ارينە، عىلمي جوسپارلاۋ مەن ەگجەي - تەگجەيلى قىزمەت ىستەۋ، قالا باسقارۋ تاراۋلارىنىڭ قالا كەلبەتى، ورتا تازالىعى جانە قاتىناۋ سياقتى جاقتاردا جان - جاقتى ويلاستىرۋىنىڭ ناتيجەسى جاتىر.
ماتەريالدىق تۇرمىس دەڭگەيىنىڭ وسۋىنە سايكەس، ادامداردىڭ قالاعا دەگەن تانىمى مەن سۇرانىسى ۇزدىكسىز وزگەرۋدە. كوپ شارانى قاتار قولدانىپ قالا باسقارۋدىڭ ”ءوڭ - رەتىن“ ارتتىرعاندا عانا، قالا فۋنكتسياسىن اناعۇرلىم ويداعىداي ساۋلەلەندىرىپ، حالىقتىڭ كۇن سايىن ارتقان تاماشا تۇرمىس قاجەتىن ۇزدىكسىز قاناعاتتاندىرۋعا بولادى.
(”لەپتى لەبىز“ ايدارىنا ماقالا جولداۋ حات ساندىعى: xjrbplb@126.com)
