ساياحات ارقىلى شينجياڭدى گۇلدەندىرۋ ستراتەگياسىن تاباندىلىقپەن اتقارىپ، ساياحات كاسىبىنىڭ جوعارى ساپالى دامۋىن ىلگەرىلەتەيىك
ءتىلشى يۋان لەي 10 - ايدىڭ 19 - كۇنى ۇرىمجىدەن حابارلايدى. 10 - ايدىڭ 17 - كۇنى اۆتونوميالى رايوندىق ساياحات كاسىبىن دامىتۋ باسشىلىق گرۋپپاسى 4 - رەتكى جالپى ءماجىلىسىن اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋى بويىنشا، كەزەكتەگى ساياحات كاسىبىنىڭ دامۋ اۋقىمىنا تالداۋ جاساپ، ساياحات كاسىبىنىڭ دامۋىنا تۇساۋ بولىپ وتىرعان بوگەتتىك ماسەلەلەردى شەشىپ، ساياحات كاسىبىنىڭ دامۋ ساپاسى مەن دەڭگەيىن جوعارىلاتۋ جونىندە اقىلداستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ساياحات كاسىبىن دامىتۋ باسشىلىق گرۋپپاسىنىڭ باستىعى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، اۆتونوميالى رايوندىق ساياحات كاسىبىن دامىتۋ باسشىلىق گرۋپپاسىنىڭ ورىنباسار باستىعى ەركىن تۇنياز ءماجىلىستى باسقاردى.
اۆتونوميالى رايوننىڭ ساياحات كاسىبىن دامىتۋ جينالىسى اشىلعاننان بەرى، اۆتونوميالى رايونىمىزدىڭ ساياحات كاسىبىندە تولاسسىز، جەدەل دامۋ بەتالىسى جارىققا شىعىپ، ساياحات ەكونوميكاسىنىڭ جالپى مولشەرى ءۇرتىس تىڭ بيىككە كوتەرىلدى. بيىل 1 - ايدان 9 - ايعا دەيىن تۇتاس رايون 180 ميلليون ساياحاتشى (رەت) قابىلداپ، سايكەس مەزگىلدەن ％40.90 ارتتى، ساياحات كىرىسى 304 ميلليارد 638 ميلليون يۋانعا جەتىپ، سايكەس مەزگىلدەن ％40.78 ارتتى، ساياحات كاسىبى شينجياڭنىڭ ورنىقتىلىعى پايداسىنىڭ ۇزدىكسىز جارىققا شىققاندىعىن كورسەتەتىن ”پارومەتر“گە اينالدى.
ءماجىلىس مىنالاردى باسا دارىپتەدى: اۆتونوميالى رايونىمىزدىڭ ساياحات كاسىبى دامۋدىڭ ءدال كەزىندە تۇر، دامۋ كومەسكى كۇشى وراسان زور، جەر - جەر، تاراۋلار نازاردى قوعام ورنىقتىلىعى مەن باياندى تىنىشتىق باس نىساناسىنا مىقتاپ شوعىرلاندىرىپ، ورنىقتىلىقتىڭ پايداسىنان ويداعىداي پايدالانىپ، ساياحات كاسىبىنىڭ قارقىندى دامۋ ءۇردىسىن ساقتاۋ كەرەك. جەرگىلىكتى ەرەكشەلىكتەرگە باي ءبىر توپ ساياحات ماركاسىن شىعارىپ، ساياحاتتىق ساتۋ قيمىلدارىن بايىتىپ، ساياحات بازارىنىڭ كولەمىن كۇش سالا كەڭەيتۋ كەرەك. ”شينجياڭنىڭ ءىشىن اينالدىرا تۇتاستىرۋ، شينجياڭعا كىرىپ - شىعۋدى جەدەلدەتۋ“ تالابى بويىنشا، قاتىناس سياقتى ساياحاتقا الەۋمەتتىك قىزمەت وتەۋ قاتتى بولشەك قۇرىلعى قۇرىلىسىن جەدەلدەتىپ، ساياحات كاسىبىنىڭ جەدەل دامۋىنا پارمەندى تىرەك ازىرلەۋ كەرەك. ساياحاتقا قىزمەت وتەۋ ورتاسى مەن ساياحات بازارىنىڭ ءتارتىبىن ارنايى رەتتەۋ - جونگە سالۋدى ۇزدىكسىز ورىستەتىپ، ساياحات كاسىبىنىڭ اقاۋسىز دامۋىنا تاماشا ورتا ازىرلەۋ كەرەك. زەردەلى ساياحات الەۋمەتتىك قىزمەت وتەۋ جۇيەسىن كەمەلدەندىرىپ، شينجياڭ ساياحاتىنىڭ ۇلكەن ساندى مالىمەت ورتالىعى جانە ساياحاتقا جالپىلىق قىزمەت وتەۋ باقىلاۋ تۇعىرى قۇرىلىسىن جەدەل ىلگەرىلەتۋ كەرەك. قىسقى ساياحاتتى كورنەكتىلەندىرە وتىرىپ مىقتى يگەرىپ، قىسقى ساياحاتتىڭ دەڭگەيىن ءوسىرىپ، اۆتونوميالى رايونىمىز ساياحاتىنىڭ ”سايابىر ماۋسىمنىڭ سايابىر بولماۋى“نا شىنايى كەپىلدىك ەتۋ كەرەك. جاڭا مەديادان، جاڭا تۇعىردان، جاڭا تەحنيكادان ويداعىداي پايدالانىپ، ساياحات ۇگىتىن جان - جاقتىلى تەرەڭ ساتىدا، كوپ ولشەممەن ورىستەتۋ كەرەك. ساياحات حاۋىپسىزدىگىن قامتاماسىز ەتۋ مەحانيزمىن جانە شۇعىل قۇتقارۋ - كومەكتەسۋ جۇيەسىن ورناتىپ، اقاۋسىزداندىرىپ، ساياحاتشىلاردىڭ حاۋىپسىزدىك سەزىمىن، جايلى، رازى بولۋ دەڭگەيىن ۇزدىكسىز جوعارىلاتۋ كەرەك.
ءماجىلىس مىنالاردى تالاپ ەتتى: اۆتونوميالى رايوندىق ساياحات كاسىبىن دامىتۋ باسشىلىق گرۋپپاسى كەڭسەسى جانە وعان مۇشە ورىندار ساياحات كاسىپورىندارى ”ءبىر تۇتاس جۇيە“ يدەياسىن بەرىك ورناتىپ، ءبىر نيەتپەن كۇش بىرىكتىرىپ، تىعىز سايكەسىپ، سەنىمدى بەكەمدەپ، ىرىقتىلىقپەن ءىس تىندىرىپ، ساياحات كاسىبىنىڭ دامۋىن ىلگەرىلەتەتىن قۋاتتى بىرىككەن كۇش قالىپتاستىرىپ، ساياحات ارقىلى شينجياڭدى گۇلدەندىرۋ ستراتەگياسىن تاباندىلىقپەن اتقارىپ، ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك.
