تيانشان تورى   ›   جاڭالىقتار   ›   شينجياڭ حابارلارى

اۋىلداستاردى اۋقاتتانۋ جولىنا باستادى

  − حوشۇت اۋدانى نارىنكەر اۋىلى بۇمبۇت قىستاعى تۇرعىندار كوميتەتىنىڭ ۋاقىتشا مەڭگەرۋشىسى پەلجا جونىندە

    ءتىلشى دۋ جيانحۇي

  ”قىستاق تۇرعىندارىنىڭ كەدەيلىكتەن ارىلۋى وڭاي ەمەس، قايتا كەدەيلەسۋدەن ساقتانۋ دا وڭاي ەمەس، بۇل ءبىز نەگىزگى ساتى كادرلار ءۇشىن زور سىناق، ءبىراق قىزمەتتى جاقسى ىستەيتىندىگىمە سەنەمىن“، - دەدى حوشۇت اۋدانى نارىنكەر اۋىلى بۇمبۇت قىستاعى تۇرعىندار كوميتەتىنىڭ ۋاقىتشا مەڭگەرۋشىسى پەلجا تىلشىگە.

  پەلجانىڭ سەنىمى پارتيانىڭ كەدەيلىكتەن ارىلتۋدان قامال الۋ جاقسى ساياساتىنان، سونداي - اق سوڭعى جىلدارى ونىڭ قيىندىقتان تايسالمايتىن، شىنايى يگەرىپ، ناقتى ىستەيتىن قىزمەت ستيلىنەن تۋعان.

  پەلجا بۇرىن بورتۇ قىستاعى تۇرعىندار كوميتەتىنىڭ مۇشەسى، ايەلدەر بىرلەستىگىنىڭ مەڭگەرۋشىسى بولاتىن. حوشۇت اۋدانى مالشىلاردىڭ قونىسىن جاڭالاۋ ينجەنەرياسىن اتقارعاننان كەيىن، پەلجا ۇكىمەتتىڭ ۇندەۋىنە بەلسەنە ءۇن قوسىپ، ءوزى باستاپ قويلارىن ساتىپ، ءولزات مالشىلاردى وتىرىقتاندىرۋ تۇيىنىنە كوشىپ كەلىپ، كوپ وتپەي ءولزات قىستاعى پارتيا ياچەيكاسىنىڭ ورىنباسار شۋجيى بولىپ تاعايىندالدى.

  قىستاقتا كوپتەگەن ايەلدەر كەستە تىگەدى، موڭعۇلدىڭ ۇلتتىق كيىم - كەشەگى، تۇسكيىز، باس كيىم سياقتىلاردى تىگەدى، ءبىراق ونىڭ كوبىن وزدەرى پايدالانادى نەمەسە ءوزارا تارتۋ رەتىندە ۇسىنادى. ”وسى ناق قولدا تىگىلگەن، وزگەشە دۇنيەلەر اقشاعا جاراسا، قانداي جاقسى بولار ەدى!“ پەلجا اپەكە - سىڭلىلەرىن بىرگە اۋقاتتانۋعا قالاي باستاۋدى قاراستىردى.

  جۇبايىنىڭ زور كۇشپەن قولداۋىندا، پەلجا ءوز قاراجاتىمەن ءۇرىمجى، گۇيياڭ سياقتى جەرلەرگە بارىپ، بۇكىل ەلدەگى از ۇلتتاردىڭ قولونەر بۇيىمدارى كورمەسىن ەكسكۋرسيالاپ، تەكسەرۋ جۇرگىزىپ، كولەمدەندىرىپ باسقارۋ مەن جوبالاۋدى ۇيرەندى ءارى ءولزات قىستاعىنىڭ موڭعۇل قولونەر كەستەشىلىك قوعامىن قۇرىپ، تىركەۋگە الدىردى.

  قىستاقتاعى ايەلدەر شاتتىققا شومدى، بىرنەشە كۇندە ولار موڭعۇلدىڭ كيىم - كەشەگى، كانۆا، كەستەلى اياق كيىم، سافا توسەنىشى، كەستەلى حادا سياقتى 30 نەشە ءتۇرلى قولونەر بۇيىمىن جاساپ، ءبىر ءۇيدى تولتىردى. بۇدان حابار تاپقان اۋدان قالاشىعىنداعى كەيبىر ساۋدا دۇكەندەرى، قوناق ۇيلەر جانە قولونەر بۇيىمدارى اۋەسكەرلەرى وزدەرى ىرىقتىلىقپەن كەلىپ ساتىپ الدى.

  قازىرگە دەيىن 80 نەشە مالشى قوعامعا كىردى ءارى ونىڭ يگىلىگىن كوردى. كەيبىر وتباسىلارى كەستەلى بۇيىمداردى ساتۋدان ءبىر جىلدا ەڭ كوپ بولعاندا 10 نەشە مىڭ يۋانعا دەيىن كىرىس تاپتى، ەڭ از دەگەندەرى دە 4000 − 5000 يۋان كىرىس كىرگىزدى. 2016 - جىلى حوشۇت اۋدانىنىڭ مادەنيەت قيمىلىن وتكىزۋگە قىرۋار ساياحات ونىمدەرى قاجەت بولدى، پەلجا وتباسىلارىن ارالاپ ۇقتىرىپ، قىستاق تۇرعىندارىن 2 ايدان استام ۋاقىت ىشىندە 200 نەشە ساياحات ەستەلىك بۇيىمىن جوبالاۋ، جاساۋ مىندەتىن ساپا مەن سانعا كەپىلدىك ەتە وتىرىپ ورىنداۋعا ۇيىمداستىرىپ، ءبىر جولدا 16 مىڭ يۋاننىڭ ۇستىندە پايدا تاپتى.

  پەلجا سونداي - اق مالشىلاردى سان - سالالى شارۋاشىلىقتى دامىتۋعا باستادى: كوكتەمدە جىلىجايدا ەگىمشىلىك جۇرگىزىپ، اۋلا شارۋاشىلىعىن دامىتتى؛ جازدا قارا شەكىلدەۋىكتى قاربىز ەگىپ، وعان شىلاندى كىرىستىرىپ ەكتى؛ كۇزدە مالشىلاردى كورشى قىستاقتاعى فاڭشياڭ عىلىم - تەحنيكا سەرىكتەستىگىنە، رۇيفىڭ ەگىستىگىنە بارىپ ءجۇزىم، شىلان ۇزۋگە ۇيىمداستىرىپ، ەڭبەك شارۋاشىلىعىن دامىتتى؛ قىستا جىلى قورا سالىپ، سيىر، قوي بورداقىلاپ، كوشىپ كەلگەن مالشىلاردىڭ جىلدىڭ ءتورت ماۋسىمىنىڭ بارلىعىندا كىرىس كىرگىزۋىنە مۇمكىندىك جاسادى. 2018 - جىلى وسى قىستاقتىڭ جان باسىندىق ورتاشا كىرىسى 8800 نەشە يۋانعا جەتتى.

  بيىل 4 - ايدا پەلجا حوشۇت اۋدانى نارىنكەر اۋىلى بۇمبۇت قىستاعى تۇرعىندار كوميتەتىنىڭ ۋاقىتشا مەڭگەرۋشىسى بولىپ سايلانىپ، ءوزىنىڭ تۋعان جەرىنە تاعى ورالدى. تاۋداعى كونە قىستاق تۇرعىندار كوميتەتىندە قالعان تۇرعىندار وتە از، كەيبىرەۋى جۇمىس ىستەپ، ساۋدا جاساپ سىرتقا كەتكەن، كەيبىر قاريالار اۋدان قالاشىعىندا جاتىپ بالالارىن قارايدى، بىتىراي قونىستانعاندىقتان، پەلجا جۇمىس ورنى مەن كونە قىستاق تۇرعىندار كوميتەتىنىڭ اراسىندا شاپقىلاپ تۇرادى.

  5 - ايدىڭ 23 - كۇنى پەلجا مەن قىستاقتا تۇراتىن كادرلار كونە قىستاق تۇرعىندار كوميتەتىنە بارىپ قىستاق تۇرعىنى ءيدانىڭ ءۇيىنىڭ تۇيەنىڭ ءتۇبىتىن الۋىنا كومەكتەسىپ جاتقاندا، ۇرىككەن تۇيە پەلجانى سوعىپ كەتىپ، ونىڭ اياعى مەرتىگەدى. ”چىمدانىڭ كيىز ءۇيى تىگىلدى مە؟ ونىڭ جاسى كەلىپ قالعان، قولعاناتى دا جوق...“ شيپاحانادا جاتقان پەلجا قىستاقتاعى كەدەي وتباسىلارىن ەسىنەن شىعارمادى.

  60 جاستاعى چىمدا − قىستاقتاعى كەدەي شارۋا، بيىل قىستاق 4 كيىز ءۇيدى اربىرەۋىن جىلىنا 400 يۋاندىق اقىمەن وعان كوتەرمەگە بەردى، ول جينسىتى كورىنىس وڭىرىندە مالشىلار شاتتىعى ساياجايىن اشىپ، سۇرىلەنگەن ەت، ءسۇت ونىمدەرى سياقتى موڭعۇلدىڭ وزگەشە تاعامدارىن ساتتى. ”5 - ايدا اشىلعاننان قازىرگە دەيىن 8000 يۋان تاپتىم، وعان جايلىم قوسىمشا قاراجاتى، مال شارۋاشىلىعى ءوندىرىسى پايداسى سياقتى كىرىستەردى قوسقاندا، تۇرمىسىم بارعان سايىن جاقسارا ءتۇستى! پەلجا مەڭگەرۋشى الاڭسىز بولىڭىز!“، - دەدى چىمدا.

  2010 - جىلى پەلجا داڭقپەن ”مەملەكەت بويىنشا قالا، اۋىل ايەلدەرىنىڭ جۇمىس ورنىندا ۇلەس قوسۋداعى وزات جەكە“ اتاعىنا يە بولدى. 2017 - جىلى 6 - ايدا پەلجا داڭقپەن پارتيا 19 - قۇرىلتايىنىڭ ۋاكىلى بولىپ سايلاندى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى