تىلشىلەر ۋي حۇڭپيڭ، يە شياۋمين 10 - ايدىڭ 20 - كۇنى ۇرىمجىدەن حابارلايدى. ”مىنا ءۇيىم 58 شارشى مەتر، وسىندا 36 جىل تۇردىم. بيىل ۇكىمەت اسحانانى، تازالىق بولمەنى جاڭالاپ بەرگەن ەدى، ءۇيىم كەڭىپ، جايلى بولىپ قالعانداي سەزىندىم“. 10 - ايدىڭ 17 - كۇنى ءۇرىمجى قالالىق مۇراجاي شاعىن اۋماعىنىڭ تۇرعىنى ۋاڭ حۇڭبيڭ تىلشىگە وسىلاي دەدى.
ۋاڭ حۇڭبيڭنىڭ باقىت سەزىمى ءۇرىمجى قالاسىنىڭ كونە قالا رايونىن (لاشىقتى اۋماق) جاڭالاۋ قىزمەتىن ۇزدىكسىز ىلگەرىلەتۋدەن كەلگەن. بيىل ءۇرىمجى قالاسى كونەرگەن تۇرعىندار شاعىن اۋماقتارىندا اسحانانى، تازالىق بولمەنى جاڭالاۋدى، جوعارى - تومەنگى سۋ قۇبىرلارىن جاڭالاۋدى، ليفت قوسىپ ورناتۋدى، شاعىن اۋماقتاردىڭ قالا ىستەرى سايكەستى قۇرىلعىلارىن كەمەلدەندىرۋدى نەگىز ەتكەن تۇرعىن ۇيلەردى جالپى بەتتىك جاڭالاۋ جۇمىسىن جۇرگىزدى. بيىل 91 مىڭ كونە ءۇيدى جالپى بەتتىك جاڭالاۋ جوسپارلاندى، قازىرگە دەيىن 88 مىڭ 800 ۇيدە جۇمىس باستالدى.
ءۇرىمجى قالالىق كونە قالا رايونىنىڭ (لاشىقتى اۋماق) دارەجەسىن جوعارىلاتىپ جاڭالاۋ كەڭسەسى قۇرىلىس باسقارۋ گرۋپپاسىنىڭ باستىعى ۋاڭ شين بىلاي دەپ تانىستىردى: ءۇرىمجى قالاسى كونە قالا رايونىن (لاشىقتى اۋماق) جاڭالاۋ قىزمەتىندە حالىق تىلەگىنە قۇلاق اسۋعا ءمان بەرىپ، الدىڭعى كەزەڭدە كەڭىنەن ارالاپ جاعداي ۇعىسۋ، تەكسەرۋ - زەرتتەۋ جۇرگىزۋ ارقىلى كونەرگەن شاعىن اۋماقتارداعى تۇرعىندار شەشۋدى شۇعىل قاجەت ەتىپ وتىرعان ماسەلەلەردى باعىتتامالى تۇردە شەشىپ، بۇرىنعى شاعىپ كوشىرىپ جاڭالاۋدان وتكەن عاسىردىڭ 80 - جىلدارىندا سالىنعان ۇيلەرگە جانە قوجالىق باسقارۋى جوق كونەرگەن شاعىن اۋماقتارعا جاڭالاۋ جۇرگىزۋگە قاراي بۇرىلىس جاسادى.
ۋاڭ حۇڭبيڭ تۇرعان مۇراجاي شاعىن اۋماعى 1980 - جىلى سالىنعان، ۇيلەردىڭ ەڭ كىشكەنەسى 41 شارشى مەتر، ەڭ ۇلكەنى 60 شارشى مەتر، تازالىق بولمەلەردىڭ ەڭ كىشكەنەسى نەبارى 1.08 شارشى مەتر. جاڭالانىپ، پلاستيكالىق بولاتپەن بولىنگەننەن كەيىن 2.64 شارشى مەتر بولدى، بۇرىن تەك ءبىر ادام عانا سياتىن دارەتحانا جاڭالانعاننان كەيىن، مونشاعا تۇسۋگە، كىر جۋۋعا، بەتى - قول جۋۋعا ابدەن قولايلى بولدى.
ءۇرىمجى قورا - جاي كاسىبى اشۋ (توبى) شەكتى سەرىكتەستىگى، ءۇرىمجى حىڭشين حالىق تۇرمىسى ءۇي قۇرىلىس سالۋ شەكتى سەرىكتەستىگىنىڭ ورىنباسار ديرەكتورى چين يۇيبين بىلاي دەپ تانىستىردى: وسى توپ جاۋاپتى بولعان 2019 - جىلعى قامتاماسىزداندىرۋ سيپاتتى بەيقۇت ءۇي ينجەنەرياسى بويىنشا كونەرگەن شاعىن اۋماقتاردىڭ يقۋاتىن كەمەلدەندىرۋ نىسانى 67 شاعىن اۋماقتى، 8773 وتباسىن شارپيدى، تۇرعىنداردىڭ ۇيلەرىندەگى اسحانا، تازالىق بولمەلەرىنە جاڭالاۋ جۇرگىزىلۋدەن سىرت، تاعى تۇرعىنداردىڭ ۇيلەرىندەگى جوعارى - تومەنگى سۋ قۇبىرلارى جۇيەسىنە جالپى بەتتىك دارەجەسىن جوعارىلاتۋ، اۋىستىرۋ جۇرگىزىلىپ، ەلەكتر سىمى اۋەلگى اليۋمين سىمنان مىس سىمعا اۋىستىرىلىپ، تۇرعىنداردىڭ ەلەكتر پايدالانۋ قاجەتىن اناعۇرلىم جاقسى قاناعاتتاندىردى. ءۇي سىرتىنداعى نەگىزگى ەلەكتر سىمدار جەرگە كومىلۋدەن سىرت، جاسىلداندىرىلاتىن اۋماققا دا جاڭالاۋ جۇرگىزىلىپ، شاعىن اۋماقتىڭ ورتاسى كورىكتەنە ءتۇستى.
