تيانشان تورى   ›   جاڭالىقتار   ›   سپورت الەمى

14 - كەزەكتى مەملەكەتتىك قىسقى سپورت جارىسىنىڭ شانا تۇرىندە شينجياڭ شەبەرلەرى ءبىر التىن، ءبىر كۇمىس، ءبىر قولا مەدالعا يە بولدى

  ءتىلشىمىز حۋاڭ شيڭ 10 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق دەنە تاربيە مەكەمەسىنەن ۇعىسۋىمىزشا، الدىڭعى اپتادا 14 - كەزەكتى مەملەكەتتىك قىسقى سپورت جارىسىنىڭ الدىن الا وتكىزىلگەن شانا ءتۇرى جارىسىندا شينجياڭ شانا كومانداسىنىڭ شەبەرلەرى ءبىر التىن، ءبىر كۇمىس، ءبىر قولا مەدالعا يە بولعان. مەدالعا يە بولعان 2 سپورتشى اراپات احىمەت پەن گۇلجانات ابدۇقيىم ەكەۋى دە شينجياڭ دەنە تاربيە كاسىپتىك تەحنيكالىق شۋەيۋانىنىڭ وقۋشىلارى.

  بيىل 20 جاستاعى اراپات − شينجياڭ دەنەتاربيە كاسىپتىك تەحنيكالىق شۋەيۋانى سپورتقا جاتتىقتىرۋ فاكۋلتەتىنىڭ 2016 - جىلدىق وقۋشىسى، بۇل جولعى جارىستا ەرلەردىڭ شانا تۇرىندە جەكە اعا جۇلدەگەر بولدى؛ گۇلجانات − شينجياڭ دەنە تاربيە كاسىپتىك تەحنيكالىق شۋەيۋانى سپورتقا جاتتىقتىرۋ فاكۋلتەتىنىڭ 2019 - جىلدىق وقۋشىسى، بۇل جولعى جارىستا ايەلدەردىڭ شانا تۇرىندە جەكە كىشى جۇلدەگەر بولدى؛ ول ەكەۋى ءبىر كوماندا بولىپ شانا كۇش جالعاۋ جارىسىنا قاتىناستى ءارى جۇلدەگەر بولدى.

  ”بۇل اعا جۇلدەگەرلىك مەن ءۇشىن ۇلكەن شابىت بولدى، الداعى ارمانىم 2022 - جىلعى بەيجيڭ قىسقى وليمپيادا سپورت جارىسىنا قاتىناسۋ ءارى ۇزدىك ناتيجەگە قول جەتكىزۋ“. اراپات 10 - ايدىڭ 20 - كۇنى نورۆەگيادا تاڭەرتەڭگى جاتتىعۋدى اياقتاتقان سوڭ، ۋيچاتتا تىلشىمەن سويلەسكەندە وسىلاي دەدى.

  18 جاستاعى گۇلجانات بىلاي دەدى: ”بۇل جولى ايەلدەردىڭ جەكە ءتۇرى بويىنشا كىشى جۇلدەگەرلىككە قول جەتكىزۋ مەن ءۇشىن زور قۋانىش بولدى. وسى سپورت تۇرىنە دەگەن ەرەكشە ىنتامنىڭ ناتيجەسىندە مەن تالايلاعان قيىنشىلىقتاردى جەڭىپ كەلدىم، جاتتىقتىرۋشىمنىڭ جانە مەكتەبىمنىڭ، مەملەكەتتىك كوماندانىڭ كومەگىنە العىس ايتامىن“.

  ”بەيجيڭ قىسقى وليمپيادا سپورت جارىسى ءبىزدىڭ قۇلشىناتىن نىسانامىز، شۋەيۋان بەيجيڭ قىسقى وليمپيادا سپورت جارىسىنىڭ شانا جارىسىنان قامال الۋ جوسپارىنا ارنايى باسشىلىق ەتۋ گرۋپپاسىن ارناۋلى قۇردى.

  وقۋشىلار جەڭىل اتلەتيكا ماماندىعىنداعى وقۋشىلاردان سۇرىپتاپ الىنىپ، ۇزاق ۋاقىت جابىق جاتتىعۋ جاسادى. وقۋشىلاردىڭ جەكە ەرەكشەلىگىنە قاراي، ءبىز تۇرمىس، پسيحولوگيالىق جاقتان كەڭەس بەرۋ، جاتتىعۋ ءادىسى جاعىندا تۇرلىشە جوسپار جاسادىق، تۇتاس كوماندا تىعىز سايكەستى، وسىنداي العى شارت استىندا وسى جولى اعا جۇلدەگەرلىككە قول جەتكىزدىك“، - دەدى شينجياڭ دەنە تاربيە كاسىپتىك تەحنيكالىق شۋەيۋانى پارتكومىنىڭ شۋجيى جۋ جىڭحۇي تىلشىگە.

  ۇعىسۋعا قاراعاندا، شانا ءتۇرى 1964 - جىلى قىسقى وليمپيادا جارىسىندا رەسمي جارىس ءتۇرى بولىپ ەنگىزىلگەن. بەيجيڭ 2022 - جىلعى قىسقى وليمپيادا سپورت جارىسىندا شانا ءتۇرى جارىسى يانچيڭ جارىس رايونىنداعى مەملەكەتتىك قار ماشيناسى، شانا ورتالىعىندا وتكىزىلىپ، 4 التىن مەدال ساراپقا سالىنادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى