− شاۋەشەك قالالىق 6 - باستاۋىش مەكتەپتىڭ كەڭسە مەڭگەرۋشىسى لۋ حۇڭ جونىندە
ءتىلشى سۇڭ يا - ۋىن
”ۇلتتار ىنتىماعى قىزمەتىن ىستەۋدىڭ ءتۇيىنى جۇرەكتەردىڭ توعىسۋىندا، جۇرەك پەن جۇرەك ءتىل تابىسىپ، جۇرەك پەن جۇرەك سىر بولىسەتىن بولۋ كەرەك“. شاۋەشەك قالالىق 6 - باستاۋىش مەكتەپتىڭ كەڭسە مەڭگەرۋشىسى لۋ حۇڭ باس شۋجي شي جينپيڭنىڭ وسى ءسوزىن قاي - قاشان دا ەسىندە بەرىك ساقتاپ، ءاربىر ۇساق ءىستى زەيىن قويا ىستەپ، ءاربىر وقۋشىعا ىنتالى، شىنايى سۇيىسپەنشىلىكپەن مامىلە جاسادى.
■ ۇلتتار ىنتىماعىنىڭ بايشەشەگىن مەكتەپ اۋلاسىندا قۇلپىرتتى
شاۋەشەك قالالىق 6 - باستاۋىش مەكتەپتىڭ الاڭىندا، تامىلجىعان مۋزيكا اۋەنىمەن 1000نان استام وقۋشى رەتتى قاتار تۇزەپ، ريتىممەن، مۇعالىمعا ىلەسە ءبي ارەكەتتەرىن جاساۋدا...
الاڭنىڭ شەتىندە وقۋشىلاردىڭ شيراقى ءبي قيمىلدارىنا قاراپ تۇرعان لۋ حۇڭ: ”باستاۋىش مەكتەپ ساتىسى وقۋشىلاردىڭ ۇلتتىق جىگەر قابىلدايتىن جانە جەتىلدىرەتىن شەشۋشى مەزگىل، مەنىڭ ىستەمەكشى بولعانىم بالالاردىڭ دۇرىس ۇلت كوزقاراسىن جانە ۇلتتار ىنتىماعى تانىمىن كىشكەنتايىنان جەتىلدىرۋ“ دەدى كۇلىپ.
شاۋەشەك − كوپ ۇلت شوعىرلى قونىستانعان شەكارا قالا، بۇل جەردە حانزۋ، قازاق، ۇيعۇر، تاتار، داعۇر، ورىس قاتارلى كوپ ۇلتتىڭ پەرزەنتتەرى ءبىر ءۇيدىڭ ادامدارىنداي شات - شادىمان ءومىر كەشۋدە.
لۋ حۇڭ مەكتەپتىڭ ۇلتتار ىنتىماعى قىزمەتىنە جاۋاپتى. ۇيرەنۋدى قالاي ىلگەرىلەتۋ كەرەك؟ قايتكەندە ءوزارا توعىسۋعا بولادى؟ لۋ حۇڭ وسى جونىندە وي جۇگىرتتى، مۇنى امالياتتا ايگىلەدى. ول مەكتەپتە جۇرتشىلىقتىڭ پارتيا 19 - قۇرىلتايىنىڭ رۋحىن ۇيرەنۋى، جۇرتشىلىقتىڭ وتانشىلدىق اندەردى شىرقاۋى، جۇرتشىلىقتىڭ وتانشىلدىق كىتاپتاردى وقۋى، جۇرتشىلىقتىڭ وتانشىلدىق كينولاردى كورۋى، جۇرتشىلىقتىڭ وتانشىلدىق بازانى ەكسكۋرسيالاۋى، جۇرتشىلىقتىڭ وتانشىلدىق اڭگىمەلەردى ايتۋى، جۇرتشىلىقتىڭ ۇلتتىق بيلەردى بيلەۋى سياقتى ۇلتتار ىنتىماعى جاعىنداعى سۇيىسپەنشىلىكتى توعىستىرۋ تاربيەسى جونىندەگى ەرەكشە ۇلاسپالى قيمىلداردى جاسامپازدىقپەن ورىستەتىپ، مەكتەپتىڭ يدەيا - ساياسي تاربيەسىنىڭ دانەكەرگە يە بولۋىنا مۇمكىندىك جاسادى.
”بالالاردىڭ كىشكەنتايىنان دۇرىس ءومىر كوزقاراسىن، قۇن كوزقاراسىن ورناتىپ، ۇيرەنۋ، ەسەيىپ - ەرجەتۋدىڭ ءاربىر قادامىن دۇرىس باسۋىنا مۇمكىندىك جاساۋ كەرەك“، - دەيدى لۋ حۇڭ.
■ سۇيىسپەنشىلىك ارقىلى بالالاردىڭ جۇرەك قىلىن تەربەدى
لۋ حۇڭ بالالاردىڭ بارلىعىمەن دەن قويا اڭگىمەلەسىپ، بالالاردىڭ جۇرەگىنە شىنايى سۇيىسپەنشىلىكپەن شۋاق شاشىپ، ىزگى نيەت ارقىلى بالالاردىڭ سەنىمىنە يە بولدى.
5 - جىلدىقتاعى كىشكەنتاي قىز اڭسار مىنەزى تۇيىق بالا، ساباقتان كەيىن ىلعي ءوزى جالعىز وتىراتىن. ءاربىر ىسكە مۇقيات لۋ حۇڭ مۇنى بايقاعان سوڭ، ونىڭ كلاس جەتەكشىسىمەن ىرىقتى تۇردە حابارلاسىپ، ونىڭ جاعدايىن ۇعىسادى. ساباقتان كەيىن ورايىن تاۋىپ اڭسارمەن اڭگىمەلەسىپ، ونى ساباقتاستارىمەن سويلەسىپ، ءوزىنىڭ ويىن جۇرەكتىلىكپەن بىلدىرۋگە جىگەرلەندىرەدى. لۋ حۇڭنىڭ كوڭىل بولۋىندە، اڭسار مىنەزى بىرتىندەپ جايدارىلانىپ، جۇزىنە كۇلكى ۇيىرىلە باستايدى.
2015 - جىلى تولى اۋدانىندا 5 جاستاعى كىشكەنتاي ءدينارا اق قان اۋرۋىنا شالدىعادى، بالانى ەمدەتۋ ءۇشىن، ونىڭ ءۇيى بارلىق مالىن ساتادى. مۇنان حابارلى بولعان لۋ حۇڭ مەملەكەت مەرەكەسىنىڭ دەمالىسىندا قىزىن ەرتىپ شينجياڭ مەديتسينا داشۋەسىنىڭ قاراستىلىعىنداعى 1 - شيپاحاناعا بارىپ ءدينارانىڭ كوڭىلىن سۇراپ، حال سۇراۋ قاراجاتىن بەرەدى. لۋ حۇڭنىڭ ىستەگەن مۇنداي ىستەرى كوپ. وقۋشىلاردىڭ نازارىندا ول مەيىربان ”لۋ انا“.
■ ”شەشەم مەنىڭ ۇلگىم“
لۋ حۇڭنىڭ قىزى جونىنەن العاندا، شەشەسى ونىڭ ۇلگىسى، شەشەسىنىڭ كۇندەلىكتى ارەكەتىنىڭ اسەرىندە، ول بەلسەنە العا ۇمتىلىپ، جانىنداعى ءاربىر ساباقتاسىمەن ىنتىماقتاستى، سونداي - اق اۆتونوميالى رايون جاعىنان «ۇلتتار ىنتىماعىنداعى جاقسى ورەن» اتاعىنا يە بولدى.
ۋاڭ يشۋان − لۋ حۇڭنىڭ وقۋشىسى. ۋاڭ يشۋاننىڭ شەشەسىنىڭ قىزمەتى قاربالاس بولعاندىقتان، وعان قاراۋعا مۇرشاسى تيمەيتىن، لۋ حۇڭ ۋاڭ يشۋاندى ءوز ۇيىنە اكەلىپ، ءوز قىزىمەن بىرگە ۇيرەنىپ، بىرگە تۇرعىزدى، ۋاڭ يشۋاندى ءوزىنىڭ ەكىنشى قىزىنا بالادى، 2 قىز دا بال جالاسقان اپەكەلى - سىڭلىلەردەي بولىپ كەتتى، 2 بالانىڭ بىرگە ويناپ، سىرلاسىپ، بىرگە ۇيرەنگەنىن كورىپ لۋ حۇڭنىڭ جۇزىنە باقىت كۇلكىسى ءۇيىرىلدى.
”شەشەم بارلىق بالاعا وتە جاقسى مامىلە جاسايدى، كوپشىلىكتىڭ جۇرەگىندەگى جاقسى مۇعالىم، مەنىڭ جۇرەگىمدەگى جاقسى شەشە، ول مەنىڭ ۇلگىم“. ”ەسەيگەن سوڭ شەشەم سياقتى جاقسى مۇعالىم بولامىن!“، - دەيدى لۋ حۇڭنىڭ قىزى باتىل سەنىممەن.
