تيانشان تورى   ›   جاڭالىقتار   ›   شينجياڭ حابارلارى

اۋەلگى ماقسات، بورىش ارقىلى جوعارى ساپالى دامۋدىڭ مىعىم قوزعاۋشى كۇشىن ۇيىستىردى

− رايونىمىزدىڭ جەر - جەرىندەگى مەملەكەت مەنشىگىندەگى كاسىپورىندار 2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتتى

  2 - توپتاعى نەگىزگى تاقىرىپتىق تاربيە ورىستەتىلگەننەن بەرى، رايونىمىزدىڭ ايماق، وبلىس، قالالارىنداعى مەملەكەت مەنشىگىندەگى كاسىپورىندار نەگىزگى تاقىرىپتىق تاربيەنىڭ كەلەلى ماڭىزىن جەتە تانىپ، يدەيا مەن ارەكەتتى سانالى تۇردە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە اۆتونوميالى رايوندىق پارتكومنىڭ ورنالاستىرۋلارىمەن بىرلىككە كەلتىرىپ، كاسىپورىننىڭ دامۋ ءىس جۇزىندىك جاعدايىنا تىعىز بايلانىستىرىپ، نازاريا ۇيرەنۋدى تەرەڭدەتىپ، ءبىرىنشى شەپتە تەكسەرۋ - زەرتتەۋدى تەرەڭدەتىپ، ماسەلەلەردى مۇقيات قاداعالاپ، رەتتەۋ - تۇزەتۋ، تياناقتاندىرۋدى ويداعىداي يگەرىپ، اۋەلگى ماقساتتى، بورىشتى شىن مانىندە جوعارى ساپالى دامۋدى ىلگەرىلەتۋدىڭ مىعىم قوزعاۋشى كۇشىنە اينالدىردى.

■ ۇيرەنۋ مەن ىستەۋدى ۇشتاستىرىپ، ولقىلىقتاردى تەكسەرىپ، جەتەرسىزدىكتەردى تولىقتادى

  بازارلانعان تيجارات سالاسىن اناعۇرلىم اشىپ، سەرىكتەستىكتىڭ بازارعا بەت الىپ، تيبىن وزگەرتىپ دامۋىن ىلگەرىلەتتى؛ پارتيا، بۇقارالىق قىزمەت ءبولىمىن قۇرىپ، پارتيا ىستەرى قىزمەتكەرلەرىن باۋلۋ سەرپىنىن كۇشەيتىپ، نەگىزگى ساتى پارتيا ۇيىمىن كۇشەيتىپ قۇردى... نەگىزگى تاقىرىپتىق تاربيەدە قاداعالانعان ماسەلەلەرگە مەڭزەس، بۇراتالا موڭعۇل اۆتونوميالى وبلىستىق مەملەكەت مەنشىگىندەگى مال - مۇلىككە قارجى قوسۋ، تيجارات جۇرگىزۋ شەكتى جاۋاپكەرشىلىك سەرىكتەستىگى بەلسەنە شارا قولدانىپ شەشتى.

  نەگىزگى تاقىرىپتىق تاربيە ورىستەتىلگەننەن بەرى، بۇراتالا وبلىستىق مەملەكەت مەنشىگىندەگى مال - مۇلىككە قارجى قوسۋ، تيجارات جۇرگىزۋ شەكتى جاۋاپكەرشىلىك سەرىكتەستىگىنىڭ باسشىلىق القاسى نازاريامەن قارۋلانۋدى ۇزدىكسىز كۇشەيتىپ، 3 رەتتە جيىنى 7 كۇن توپتىق ۇيرەندى ءارى اپتالىق، ايلىق وزدىگىنەن ۇيرەنۋ جوسپارىن جاساپ، نازاريا ۇيرەنۋدى ۇدايىلاندىردى، تۇزىمدەندىردى. سونىمەن بىرگە، نەگىزگى تاقىرىپتىق تاربيە مەن كاسىپتىك قىزمەتتى بىرگە يگەرۋگە تاباندى بولىپ، نەگىزگى ساتى پارتيا ۇيىمىن كۇشەيتىپ قۇرۋ، جاڭا دامۋ ۇستانىمىن دايەكتىلەندىرۋ سياقتى 5 تەكسەرۋ - زەرتتەۋ تاقىرىبىن تۇراقتاندىرىپ، بولىمشە سەرىكتەستىكتەرگە، سەلبەستىك جاساسقان سەرىكتەستىكتەرگە ىشكەرىلەي بارىپ، 12 رەت اڭگىمە ءماجىلىس اشىپ، بەتپە - بەت پىكىر الىپ، 38 ماسەلەنى قاداعالادى.

  نەگىزگى تاقىرىپتىق تاربيەدە قۇمىل قۇرىلىس (توبى) شەكتى جاۋاپكەرشىلىك سەرىكتەستىگى توپتىق ۇيرەنۋ مەن وزدىگىنەن ۇيرەنۋدى ءوزارا ۇشتاستىرۋ تاسىلىنەن پايدالانىپ، پارتيالى كادرلاردى ءتۇپ نۇسقانى مۇقيات وقۋعا، اۋەلگى ءماتىندى ۇيرەنۋگە، قاعيداسىن تۇسىنۋگە ۇيىمداستىردى ءارى ۇيرەنۋدى قۇرىلىس جۇرگىزۋدىڭ ءبىرىنشى شەبىنە جەتكىزۋگە تاباندى بولىپ، ۇيرەنۋدى ءبىرىنشى شەپتە ورىستەتتى. نەگىزگى تاقىرىپتىق تاربيەنى وندىرىسپەن، تيجارات جۇرگىزۋمەن توعىستىردى، باسشىلىق القاداعىلار نەگىزگى ساتى ورىندارىنا ىشكەرىلەي بارىپ، ءوندىرىس، تيجارات جۇرگىزۋ بارىسىندا ورىن تەپكەن ماسەلەلەردى ۇعىستى، ماسەلەلەر تىزىمدىگىن دايىندادى، قايتكەندە پارتيا قۇرىلىسىن يگەرىپ، ءوندىرىستى جەبەۋگە بولادى، جۇمىسشى - قىزمەتكەرلەر اسىعاتىن، قينالاتىن، ۋايىمدايتىن، اڭسايتىن ماسەلەلەردى قالاي شەشۋ سياقتىلار جونىندە تەكسەرۋ - زەرتتەۋ جۇرگىزىپ، تەكسەرۋ - زەرتتەۋ بايانداماسىن جازىپ، رەتتەۋ - تۇزەتۋ جوباسىن جاساپ، رەتتەۋ - تۇزەتۋدى، تياناقتاندىرۋدى مىقتاپ يگەردى.

  قۇمىل قۇرىلىس توبى پارتكومىنىڭ شۋجيى، القا باستىعى ما جيانرۇڭ: ”نەگىزگى تاقىرىپتىق تاربيە ورىستەتۋدى وراي، قوزعاۋشى كۇش ەتىپ، جەتەرسىزدىكتەردى تەكسەرىپ، ولقىلىقتاردى تولىقتاپ، تيجارات جۇرگىزۋدەگى ماسەلەلەردى، وندىرىستەگى قيىن ماسەلەلەردى، جوعارى ساپالى دامۋ تاقىرىبىن ويداعىداي شەشىپ، ءتۇرلى نىسانالاردى، مىندەتتەردى بار كۇشپەن ورىنداپ، كاسىپورىننىڭ جوعارى ساپالى دامۋىن ۇزدىكسىز ىلگەرىلەتەمىز“دەدى.

  جۇڭگو قۇرىلىس بانكەسى جارنا شەكتى سەرىكتەستىگى حوتان ايماعى بولىمشە بانكەسى پارتكومى نەگىزگى تاقىرىپتىق تاربيەدە 54 پىكىر - ۇسىنىس قابىلداپ، بۇلاردى جيناقتاپ، تۇرگە ايىرعاننان كەيىن، رەتتەۋ - تۇزەتۋ شاراسىن بەلگىلەدى. كاسىپورىننىڭ پارتيا قۇرىلىسى قىزمەتىن جۇيەلىلەندىرۋ، ولشەمدەندىرۋ قۇرىلىسىندا ورىن تەپكەن ماسەلەلەرگە مەڭزەس، ءارقايسى پارتيا ياچەيكالارىن نەگىزگى تاقىرىپتىق پارتيا كۇنى قيمىلىن ورىستەتۋگە ۇيىمداستىرىپ، ءبىر جاعىنان ۇيرەنىپ، ءبىر جاعىنان تەكسەرىپ، ءبىر جاعىنان تۇزەتۋ ارقىلى كاسىپورىننىڭ نەگىزگى ساتى پارتيا ۇيىمى قۇرىلىسىن ۇزدىكسىز كەمەلدەندىرىپ، پارتيا قۇرىلىسى ارقىلى كاسىپتىڭ دامۋىن جەتەكتەدى.

  امانات - قارىز قىزمەت وتەۋى مەن رەال سۇرانىستىڭ اراسىندا پارىق ساقتالۋ سياقتى ماسەلەلەرگە مەڭزەس، قۇرىلىس بانكەسىنىڭ حوتان بولىمشە بانكەسى جالپىعا ءتيىمدى فينانس كاسىبىن ۇزدىكسىز كەڭەيتىپ، جالپىعا ءتيىمدى فينانستىق قىزمەت وتەۋدىڭ كەڭدىگى مەن تەرەڭدىگىن ۇزدىكسىز ۇلعايتىپ، جەرگىلىكتى ەكونوميكانىڭ دامۋىن قولداۋ، كەدەيلىكتەن ارىلتۋدان قامال الۋدى دەمەۋ ءۇشىن قاينارىنان باستاپ جالىندى كۇش ۇستەدى. تاياۋدا 512 ۇساق، شاعىن كاسىپورىننىڭ دامۋىن قولداپ، ءساتتى تۇردە 154 ميلليون يۋان قارىز اقشا تاراتتى.

■ شىنايى وزگەرتىپ، ناقتاپ وزگەرتىپ، ءىس جۇزىندىك ماسەلەلەردى شەشتى

  جۋىقتاعى كۇندەردە قارامايلى قالاسى قارامايلى رايونى مۇناي شاعىن اۋماعىنىڭ 22 - عيماراتىنداعى 50 وتباسىنداعى تۇرعىن قاباعات قۋاندى، ويتكەنى قارامايلى قالالىق سۋ ىستەرى سەرىكتەستىگى كومەكتەسىپ، ولاردىڭ شىرىگەن سۋ قۇبىرىن اۋىستىرىپ بەردى. ”وسى عيماراتتىڭ سۋ قۇبىرىنىڭ پايدالانىلعانىنا 17 جىل بولىپتى، تاياۋدان بەرى سۋ ءسال سارعايىپ، ىشكەندە الاڭدايتىن بولدىق. سۋ ىستەرى سەرىكتەستىگى وسى جاعدايدى ۇعىسقاننان كەيىن دەرەۋ وزگەرتىپ، سۋ تاعى تازاردى“، - دەدى تۇرعىن لو جىنحۋا قۋانا.

  نەگىزگى تاقىرىپتىق تاربيە ورىستەتىلگەننەن بەرى، قارامايلى قالالىق سۋ ىستەرى سەرىكتەستىگى پارتكومى ماسەلەنى باعدار ەتۋگە تاباندى بولىپ، تەكسەرىپ بايقاعان كورنەكتى ماسەلەلەردى ارقاۋ ەتىپ، رەتتەۋ - تۇزەتۋ شارالارىن بەلگىلەپ، رەتتەۋ - تۇزەتۋ جاۋاپكەرشىلىگىن تياناقتاندىرىپ، پارتيا قۇرىلىسى قىزمەتى مەن ءوندىرىس، تيجارات جۇرگىزۋدىڭ دامۋىن ءوزارا توعىستىرىپ، بىرگە ىلگەرىلەتتى.

  نەگىزگى ساتى پارتيا ياچەيكاسىنىڭ جاۋىنگەر قامالدىق رولىنىڭ، پارتيا مۇشەلەرىنىڭ اۆانگاردتىق، ۇلگىلىك رولىنىڭ كورنەكتى ساۋلەلەندىرىلمەۋى ماسەلەلەرىنە مەڭزەس، قارامايلى قالالىق سۋ ىستەرى سەرىكتەستىگى پارتيا قۇرىلىسىن تيجارات جۇرگىزۋ قىزمەتىمەن بىرگە جوسپارلاۋعا، بىرگە ورنالاستىرۋعا، بىرگە باعالاۋعا تاباندى بولىپ، ”پارتيا قۇرىلىسىنداعى ۇلگىلى ءتۇيىن“، ”پارتيا مۇشەلەرىنىڭ جاۋاپكەرشىلىك رايونى“ سياقتىلاردى قۇرۋدى ىلگەرىلەتىپ، ”پارتيا مۇشەلەرىنىڭ جاڭالىق اشۋ، ونىمدىلىك جاراتۋ اۆانگارد قوسىنى“ سياقتى دانەكەرلەردى قۇرۋ تۋرالى ىزدەنىس جاساپ، پارتيا ۇيىمىنىڭ ساياسي يقۋاتىن تولىق ساۋلەلەندىرىپ، پارتيا مۇشەلەرىنىڭ، جۇمىسشى - قىزمەتكەرلەردىڭ ءىس تىندىرىپ، ناتيجە شىعارۋ، وزات ورىن قۇرىپ، ۇزدىك بولۋعا تالپىنۋ، ۇلەس قوسۋعا پەيىل بولۋ بورىشىن، جاۋاپكەرشىلىگىن كۇشەيتىپ، كاسىپورىننىڭ ءۇرتىس اقاۋسىز دامۋىنىڭ قوزعاۋشى كۇشىن اناعۇرلىم نىعايتتى.

  نەگىزگى تاقىرىپتىق تاربيە بارىسىندا، جۇڭگو اۋىل شارۋاشىلىعىن دامىتۋ بانكەسى بايىنعولين وبلىسى بولىمشە بانكەسى پارتكومىنىڭ باسشىلىق القاسى ماقتا توقىماشىلىق كاسىپورىندارىنا ىشكەرىلەي بارىپ، ناقتى جاعدايدى تەكسەرىپ، ناقتى شارا قولدانىپ، ناقتى ءىس ىستەدى. ”كاسىپورىنداردىڭ قارىز اقشا قىسىمىن جەڭىلدەتۋ، كاسىپورىنداردىڭ دامۋىن دەمەۋ ءۇشىن، كاسىپورىنداردىڭ قارىز اقشاسىنىڭ ءبارى نەگىزگى ءوسىم مولشەرى بويىنشا اتقارىلدى“، - دەدى اۋىل شارۋاشىلىعىن دامىتۋ بانكەسى بايىنعولين بولىمشە بانكەسى پارتكومىنىڭ شۋجيى، بانكە باستىعى جي جۇن. سونىمەن قاتار، بۇل بانكە كليەنتتەردىڭ بايلىق باسىمدىعىنان پايدالانىپ، ماقتا مانەرلەيتىن كاسىپورىنداردىڭ تومەنگى بۋىنداعى توقىماشىلىق كاسىپورىندارىمەن تۇيىلىسۋىنە ىرىقتىلىقپەن كومەكتەسىپ، مانەرلەۋشى كاسىپورىنداردىڭ تومەنگى بۋىنداعى بازاردا ساتىلىم ماسەلەسىن شەشۋىنە دەم بەردى. قازىر بۇل بانكە جاڭادان ماقتا ساتىپ الۋعا ءبىر ميلليارد 20 ميلليون يۋان قارىز اقشا تاراتۋدى قاراپ بەكىتىپ، قارىز العان كاسىپورىنداردىڭ ساتىپ الۋ قارجىسىنىڭ جەتكىلىكتى بولۋىنا شىنايى كەپىلدىك ەتىپ، ”ماقتا ساتىپ الاتىن اقشانىڭ دايىن تۇرۋىن“ شىنايى ىسكە اسىردى.

  (تىلشىلەر جاڭ يانفاڭ، شيا چيڭ، حوتانداعى تىلشىلەر پۋنكتىنەن شى يىڭيىڭ، ەرىكتى ءتىلشى حاۋ جيڭ، ساۋ يگۋاڭ، گاۋ يۇيفەي، ليۋ ۋىنحۋا جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى