تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ وتكىزدى

اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ كەدەيلىكتەن ارىلتۋدان قامال الۋ قىزمەتى جونىندەگى ماڭىزدى نۇسقاۋىنىڭ رۋحىن جانە كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن توپتىق ۇيرەندى

نىسانادان جازباي، قايراتتانا ۇمتىلىپ، تاعى دا قۇلشىنىپ، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك

چىن چۋانگو باسقاردى، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

  تىلشىلەر ياۋ تۇڭ، ۋاڭ شيڭرۇي 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 20 - كۇنى تۇستەن كەيىن، اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى توپتىق ۇيرەنۋ وتكىزىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ قىزمەتى جونىندەگى ماڭىزدى نۇسقاۋىنىڭ رۋحىن جانە كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي ۇيرەندى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى ءارى ءسوز سويلەدى.

  اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، تيان ۋىن، جي جىڭ، سارقىت اقان، ياڭ شين، جاڭ چۇنلين قاتارلىلار قاتىناستى.

  چىن چۋانگو بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋدىڭ ماڭىزدى ورنىنا قويىپ، جۇڭگونىڭ كەدەيلىكتى ازايتۋ ءىسىنىڭ تاريحي سيپاتتى وراسان زور تابىسقا قول جەتكىزۋىن ىلگەرىلەتىپ، دۇنيە ءجۇزىنىڭ كەدەيلىكتى ازايتۋ ىسىنە وراسان زور ۇلەس قوستى. 6 - رەتكى مەملەكەتتىك كەدەيلەردى سۇيەمەلدەۋ كۇنى قارساڭىندا، باس شۋجي شي جينپيڭ كەدەيلىكتەن ارىلتۋدان قامال الۋ قىزمەتى جونىندە تاعى دا ماڭىزدى نۇسقاۋ بەرىپ، ءبىزدىڭ نىسانادان جازباي، قايراتتانا ۇمتىلىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىمىز ءۇشىن العا ىلگەرىلەۋ بەتالىسىن ونان ارى ايقىن كورسەتتى، قۋاتتى قوزعاۋشى كۇش ازىرلەدى. اناعۇرلىم ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ءسوزسىز جەڭىسكە جەتۋ سەنىمىن كۇشەيتىپ، قامال الۋ بەكىمىن نىعايتىپ، شەشۋشى شايقاستىڭ ورتاق ماقساتىن ۇيىستىرىپ، كەدەيلىكتەن ارىلتۋدان قامال الۋ مىندەتىن باتىل ورىنداۋ كەرەك.

  ءبىرىنشى، حالىق تۇرعىسىنان جازباۋ سىندى نەگىزگى جەلىنى مىقتاپ يگەرۋ كەرەك. حالىقتى وزەك ەتكەن دامۋ يدەياسىنا تاباندى بولىپ، كەدەيلىكتەن ارىلتۋدان قامال الۋدى ماڭداي الدى ءىرى ءىس جانە ءبىرىنشى حالىق تۇرمىسى ينجەنەرياسى ەتىپ، بۇقارانىڭ كەدەيلىكتەن ارىلتۋدان قامال الۋ، ورنىقتىلىقتىڭ، دامۋدىڭ پايداسىنان تەڭ يگىلىكتەنۋ بارىسىندا تۇرمىس دەڭگەيىن جوعارىلاتۋىنا مۇمكىندىك جاساۋ كەرەك.

  ەكىنشى، اۋىر كەدەيلىكتەن قامال الۋ سىندى قيىن ءتۇيىندى مىقتاپ يگەرۋ كەرەك. اۋىر كەدەي وڭىرلەر مەن ەرەكشە كەدەي قاۋىمدى كوزدەپ، ”التى دالمە - ءدال“دى تياناقتاندىرىپ، ”جەتى ءبىر توپ“تى ىلگەرىلەتىپ، ”ۇشتە سەرپىندى ارتتىرۋ“دى ورىنداپ، تۇساۋ بولاتىن كورنەكتى ماسەلەلەردى شەشۋدى ءتۇيىن، كەدەيلەردى سۇيەمەلدەۋ كەلەلى ينجەنەريالارىن جانە قىستاققا، وتباسىنا دەيىن كومەكتەسىپ سۇيەمەلدەۋدى تۇتقا ەتىپ، ءتۇيىنىن، نەگىزىن تاۋىپ سۇيەمەلدەۋدى، ادامعا دەيىن سۇيەمەلدەۋدى، كوڭىل كۇيىنە دەيىن سۇيەمەلدەۋدى شىن مانىندە ورىنداۋ كەرەك.

  ءۇشىنشى، ولقىلىقتاردى تولىقتىرۋعا تۋرالانۋ سىندى تومەنگى شەكتى مىقتاپ يگەرۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋ“گە تۋرالانىپ، نە تاپشى بولسا سونى تولىقتاۋعا تاباندى بولىپ، قيىنشىلىعى ەڭ زور بۇقارادان باستاپ كىرىسىپ، ەڭ كورنەكتى ماسەلەلەردى كوزدەپ، ەڭ ءالسىز بۋىنداردى يگەرىپ، نازاردى ولقىلىقتارعا شوعىرلاندىرۋ، بايلىقتى ءبىر تۇتاس جوسپارلاۋ، دالمە - ءدال كۇش سالۋ، ءبىر - بىرلەپ تىزىمنەن ءوشىرۋ، ولقىلىقتاردى تولىقتىرۋ كەرەك.

  ءتورتىنشى، جاپپاي بەكەمدەۋ، جوعارىلاتۋ سىندى مىندەتتى مىقتاپ يگەرۋ كەرەك. ءبىر جاعىنان، كەدەيلىكتەن ارىلتۋدى يگەرىپ، ءبىر جاعىنان، قايتا كەدەيلەسۋدەن ساقتانىپ، ءونىمدى شارا قولدانىپ، يكەمدى باسقارۋدى كۇشەيتىپ، ءتۇزىمدى كەمەلدەندىرىپ، ولشەمدى قاتايتىپ، ساڭلاۋلاردى بىتەپ، كەدەيلىكتەن ارىلتۋدان قامال الۋدىڭ تابىستارىن ۇزدىكسىز بەكەمدەۋ، كەڭەيتۋ كەرەك.

  بەسىنشى، قامال الۋدىڭ بىرىككەن كۇشىن ۇيىستىرۋ سىندى تالاپتى مىقتاپ يگەرۋ كەرەك. ارناۋلى تۇرلەر بويىنشا كەدەيلەردى سۇيەمەلدەۋ، كاسىپ سالاسى ارقىلى كەدەيلەردى سۇيەمەلدەۋ، قوعامنىڭ كەدەيلەردى سۇيەمەلدەۋى، شينجياڭعا كومەكتەسۋ بويىنشا كەدەيلەردى سۇيەمەلدەۋ سىندى كەدەيلەردى سۇيەمەلدەۋ ءىرى اۋقىمىن بەكەمدەپ، كۇشەيتىپ، ءار جاقتىڭ كۇشىن ۇيىستىرىپ، سايكەسۋ مەحانيزمىن كەمەلدەندىرىپ، بايلىقتىڭ جايعاسۋىن ساپالىلاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ناقتى، ەگجەي - تەگجەيلى تياناقتاندىرىلۋىنا، ناقتى ونىمگە جەتۋىنە شىنايى كەپىلدىك ەتۋ كەرەك.

  التىنشى، قاتاڭ، ناقتى، شىنايى بولۋ سىندى ماڭىزدى تەتىكتى مىقتاپ يگەرۋ كەرەك. نەگىزگى تاقىرىپتىق تاربيەنى تىڭعىلىقتى ورىستەتۋدى وراي ەتىپ، پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋ قىزمەتىنىڭ جالپى بارىسىمەن ساباقتاستىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارنايى جونگە سالۋدى ۇزدىكسىز تەرەڭدەتىپ، فورماشىلدىقتى، تورەشىلدىكتى ىشكەرىلەي وڭاپ، نەگىزگى ساتىنىڭ اۋىرتپالىعىن شىن مانىندە جەڭىلدەتىپ، تاڭداۋلى ستيل ارقىلى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ كەرەك.

  جەتىنشى، نەگىزگى تۇلعالىق جاۋاپكەرشىلىكتى تياناقتاندىرۋ سىندى كەپىلدى مىقتاپ يگەرۋ كەرەك. ساياسي جاۋاپكەرشىلىكتى مۇقيات وتەپ، ”قوس گرۋپپا باستىعى“ ءتۇزىمىن شىنايى يگەرىپ، اۆتونوميالى رايون باس جاۋاپكەرشىلىكتى ارقالاۋعا، قالا، اۋداندار تياناقتاندىرۋدى يگەرۋگە تاباندى بولىپ، 5 دارەجەلى شۋجيلەر بىرگە يگەرىپ، ساتىلار بويىنشا قىسىم جەتكىزىپ، ساتىلار بويىنشا جاۋاپكەرشىلىكتى نىعايتىپ، جوعارى مەن تومەن بىرلەسىپ قيمىلداپ، تەڭ يگەرىپ، بىرگە باسقارىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە پارمەندى ساياسي كەپىلدىك ازىرلەۋ كەرەك.اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىق) توتە قاراستى ورىندارداعى جاۋاپتى جولداستار توپتىق ۇيرەنۋگە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.