شي جينپيڭ عىلىم - تەحنيكا ارناۋلى قىزمەتكەرى ءتۇزىمى اتقارىلعاندىعىنىڭ 20 جىلدىعى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
دارىندىلاردى تومەنگە تۇسىرۋگە، عىلىم - تەحنيكانى اۋىل - قىستاققا جەتكىزۋگە، ”اۋىل شارۋاشىلىعىنا، اۋىل - قىستاققا، شارۋالارعا“ قىزمەت وتەۋگە تاباندى بولىپ، عىلىم - تەحنيكا ارقىلى كەدەيلىكتەن ارىلتۋدان قامال الۋعا جانە اۋىل - قىستاقتى كوركەيتۋگە دەم بەرۋ كەرەك
شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ عىلىم - تەحنيكا ارناۋلى قىزمەتكەرى ءتۇزىمى اتقارىلعاندىعىنىڭ 20 جىلدىعى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: عىلىم - تەحنيكا ارناۋلى قىزمەتكەرى ءتۇزىمى اتقارىلعان 20 جىلدان بەرى، دارىندىلاردى تومەنگە تۇسىرۋگە، عىلىم - تەحنيكانى اۋىل - قىستاققا جەتكىزۋگە، ”اۋىل شارۋاشىلىعىنا، اۋىل - قىستاققا، شارۋالارعا“ قىزمەت وتەۋگە تاباندى بولىپ، قوسىنى ۇزدىكسىز زورايىپ، پارتيانىڭ ”اۋىل شارۋاشىلىعى، اۋىل - قىستاق، شارۋالار“ ساياساتىنىڭ ۇگىت اترەتىنە، اۋىل شارۋاشىلىق عىلىم - تەحنيكاسىن تاراتۋشىعا، عىلىم - تەحنيكادا جاڭالىق اشۋدىڭ، شارۋاشىلىق قۇرۋدىڭ كوش باسشىسىنا، اۋىل - قىستاقتى كەدەيلىكتەن ارىلتىپ اۋقاتتانۋعا باستاۋشىعا اينالىپ، قالىڭ شارۋانى اناعۇرلىم كوپ تابىس سەزىمىنە، باقىت سەزىمىنە يە ەتتى.
شي جينپيڭ بىلاي دەپ باسا دارىپتەدى: جاڭالىق اشۋ − اۋىل - قىستاقتى جاپپاي كوركەيتۋدىڭ ماڭىزدى تىرەگى. عىلىم - تەحنيكا ارناۋلى قىزمەتكەرى ءتۇزىمىن عىلىم - تەحنيكادا جاڭالىق اشاتىن دارىندىلاردىڭ اۋىل - قىستاقتى كوركەيتۋگە قىزمەت ەتۋدىڭ ماڭىزدى قىزمەتى رەتىندە اناعۇرلىم ناقتى، ويداعىداي يگەرۋگە تاباندى بولۋ كەرەك. قالىڭ عىلىم - تەحنيكا ارناۋلى قىزمەتكەرلەرى اۋەلگى ماقساتتان جازباي، عىلىم - تەحنيكا ارقىلى كەدەيلىكتەن ارىلتۋدان قامال الۋدى جانە اۋىل - قىستاقتى كوركەيتۋدى دەمەۋدە ۇزدىكسىز جاڭا اناعۇرلىم زور ۇلەس قوسۋ كەرەك.
عىلىم - تەحنيكا ارناۋلى قىزمەتكەرى ءتۇزىمى اتقارىلعاندىعىنىڭ 20 جىلدىعىن قورىتىندىلاۋ ءماجىلىسى 10 - ايدىڭ 21 - كۇنى بەيجيڭدە اشىلدى، ماجىلىستە شي جينپيڭنىڭ ماڭىزدى نۇسقاۋى جەتكىزىلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى جاڭا داۋىردە عىلىم - تەحنيكا ارناۋلى قىزمەتكەرى ءتۇزىمىن ىشكەرىلەي ىلگەرىلەتۋدىڭ ءتۇبىرلى بويسۇنۋ ولشەمى جانە ارەكەت باعدارناماسى. 20 جىلدان بەرى، عىلىم - تەحنيكا ارناۋلى قىزمەتكەرى ءتۇزىمى ”اۋىل شارۋاشىلىعىنا، اۋىل - قىستاققا، شارۋالارعا“ قىزمەت وتەۋدى شىعار ءتۇيىن جانە تياناق، عىلىم - تەحنيكا دارىندىلارىن نەگىزگى تۇلعا، عىلىم - تەحنيكا جەتىستىكتەرىن دانەكەر ەتىپ، اۋىل - قىستاقتى كوركەيتۋدى، دامىتۋدى ىلگەرىلەتۋدە، كەدەيلىكتەن ارىلتۋدان قامال الۋ شايقاسىندا جەڭىسكە جەتۋدى دەمەۋدە كورنەكتى ونىمدىلىككە قول جەتكىزدى. جاڭا داۋىردە عىلىم - تەحنيكا ارناۋلى قىزمەتكەرى ءتۇزىمىن ىشكەرىلەي اتقارۋدا جاڭالىق اشۋ ارقىلى دامۋدى دەمەۋدى، اۋىل - قىستاقتى كوركەيتۋدى جانە كەدەيلىكتەن ارىلتۋدان قامال الۋدى تىعىز ارقاۋ ەتىپ، ءتۇزىم جۇيەسىن جانە ساياسات ورتاسىن اناعۇرلىم كەمەلدەندىرىپ، عىلىم - تەحنيكا ارناۋلى قىزمەتكەرى قوسىنىن اناعۇرلىم دامىتىپ، زورايتىپ، جاڭالىق اشۋدىڭ قوزعاۋشى قۋاتىن اتىز باستارىنا دەيىن كەڭەيتۋ كەرەك.
ءماجىلىس 92 عىلىم - تەحنيكا ارناۋلى قىزمەتكەرىن جانە 43 ۇيىمداستىرىپ اتقارۋشى ورىندى حابارلاندىرىپ ماداقتادى. جىجياڭ ولكەسىنىڭ، فۋجيان ولكەسى نانپيڭ قالاسىنىڭ، جياڭشي ولكەسى جيڭگاڭشان قالاسىنىڭ جانە عىلىم - تەحنيكا ارناۋلى قىزمەتكەرلەرىنىڭ ۋاكىلدەرى ماجىلىستە پىكىر اۋىستىرىپ، ءسوز سويلەدى.
قاتىستى تاراۋلارداعى جاۋاپتى جولداستار، ءارقايسى ولكەدەگى، اۆتونوميالى رايونداعى، قالانىڭ جانە جوسپارى ايىرىم جاسالاتىن قالاداعى، شينجياڭ ءوندىرىس - قۇرىلىس بيڭتۋانىنداعى قاتىستى جاۋاپتى جولداستار، حابارلاندىرىپ ماداقتالعان ءىشىنارا عىلىم - تەحنيكا ارناۋلى قىزمەتكەرلەرى مەن ۇيىمداستىرىپ اتقارۋشى ورىنداردىڭ ۋاكىلدەرى قاتارلىلار ماجىلىسكە قاتىناستى.
