جۇمىس ىستەپ كىرىس تاپتى، كەدەيلىكتەن ارىلۋ سەنىمدەرى ارتتى
تىلشىلەر باي جىيۇي، حى ليڭ، جاۋ چۇنحۋا 10 - ايدىڭ 22 - كۇنى اتۇشتان حابارلايدى. 10 - ايدىڭ 19 - كۇنى اتۇش قالاسى شاعىن، ۇساق (كيىم - كەشەك) كاسىپ باقشاسىنداعى گوليحۋا كيىم - كەشەك شەكتى سەرىكتەستىگىنىڭ ءوندىرىس سەحىندا ماشينا داۋىسى گۇرىلدەپ، 300دەن استام قىزمەتكەر كيىم تىگۋ جابدىقتارىن شەبەرلىكپەن جۇرگىزىپ، جۇمىس ءتارتىبى بويىنشا گرۋپپالارعا ءبولىنىپ، كيىمنىڭ ءار بولىكتەرىن تىگىپ جاتتى.
گوليحۋا كيىم - كەشەك شەكتى سەرىكتەستىگىنىڭ باس ديرەكتورى گۋ مەييىڭ سوڭعى جىلدارى سەرىكتەستىكتىڭ اۆتونوميالى رايوننىڭ جۇمىستاندىرۋ ارقىلى كەدەيلەردى سۇيەمەلدەۋ ورنالاستىرۋىن بەلسەنە تياناقتاندىرىپ، جەرگىلىكتى ورىنداعى كەدەي وتباسىلارىن جۇمىستانۋعا كۇش سالا باۋراعاندىعىن ايتتى. 300دەن استام قىزمەتكەردىڭ ۇشتەن ءبىرى كەدەي وتباسىلارىنان كەلىپتى.
اتۇش قالاسى ءۇستىن اتۇش قالاشىعى ديقانلا قىستاعىنداعى كەدەي گۇلنۇر ابىلا گوليحۋا سەرىكتەستىگىندە جۇمىستانۋ ارقىلى ءوز تاعدىرىن وزگەرتىپ قانا قويماي، بۇكىل وتباسىنىڭ كىرىسىن دە مولايتتى.
گۇلنۇر 2018 - جىلدان ىلگەرى ءوزىنىڭ وت باسى، وشاق قاسىنان شىقپاي، اكە - شەشەسى مەن بالالارىنا قارايلاسقانىن، نەگىزگى ”قىزمەتى“ ءۇي شارۋاسى ەكەنىن، وتباسىندا ەڭبەككۇش كەم بولعاندىقتان، ءبىر ۇيدەگى 7 جاننىڭ نەگىزگى ەكونوميكالىق كىرىسى 7 مۋ جەرگە ەگىلگەن جاڭعاق پەن كىرىستىرە ەگىلگەن ءبيدايدان كەلەتىنىن، تۇرمىستارىنىڭ وتە تارعالاڭدىقتا وتكەنىن ايتتى.
”سوڭعى جىلداردا قىستاقتاعى اپەكە - سىڭلىلەرىمنىڭ بارلىعىنىڭ جۇمىسقا ورنالاسىپ، ءوز قۇلشىنىستارى ارقىلى تۇرمىستارىن جاقسارتقانىن كورىپ، ىشتەي ەرەكشە شيرىقتىم“، - دەدى گۇلنۇر.
بىلتىر 8 - ايدا گۇلنۇر بالاسىن بالاباقشاعا بەرىپ، اۋىل - قالاشىق ۇيىمداستىرعان قىزمەتكەر قابىلداۋ جينالىسىنا قاتىناسىپ، گوليحۋا سەرىكتەستىگىنە جۇمىسقا تۇردى. 3 ايلىق تىگىنشىلىك تەحنيكاسى كۋرسىنا قاتىناسقاننان كەيىن، گۇلنۇر سەرىكتەستىكتىڭ رەسمي قىزمەتكەرى بولدى، قازىر ايىنا 1200 − 1800 يۋان ەڭبەكاقى الادى. ول: ”تەحنيكاعا بارعان سايىن ىسىلىپ، كىرىسىم دە بارعان سايىن كوبەيە ءتۇستى، بىلتىردان قازىرگە دەيىن 10 مىڭ يۋان اقشانى بانكەگە اماناتقا قويدىم، بيىل بۇكىل وتباسىمىز، ءسوزسىز، كەدەيلىكتەن ارىلادى. جاقسى ىستەسەم، الداعى كۇندەردەن ءۇمىت زور“ دەدى.
كاسىپ باقشاسىندا گۇلنۇر سياقتى قوس قولدارىمەن باقىتتى تۇرمىسقا قول جەتكىزگەن كەدەي قاۋىمنان تالايى بار. جۇمىستاندىرۋ ارقىلى كەدەيلەردى سۇيەمەلدەۋ ساياساتىنىڭ دەم بەرۋىندە، ولاردىڭ تۇرمىسى كۇن سايىن جاقسارىپ، گۇلدەنە ءتۇستى.
شينجياڭ بيباحا ەگىن، مال شارۋاشىلىعى عىلىم - تەحنيكا شەكتى سەرىكتەستىگىندە قازىر 30دان استام ادام جۇمىستانىپ وتىر، بۇلاردىڭ اراسىندا ارحيۆ تۇرعىزىلىپ، كارتچكالاندىرىلعان كەدەي وتباسىلارىنان 9 ادام بار، كوبى اتۇش قالاسى ازاق اۋىلىنىڭ توڭىرەگىندەگى ەگىنشى - مالشىلار.
شينجياڭ ياڭدىڭ ەلەكتر جابدىقتار شەكتى سەرىكتەستىگى، اتۇش قالاسى انچيلا كىلەم فابريكاسى سياقتى كاسىپورىندار 450 ادامدى جۇمىستانۋعا تارتتى، مۇندا ارحيۆ تۇرعىزىلىپ، كارتچكالاندىرىلعان وتباسىلاردان 140 ادام بار.
...
اتۇش ونەركاسىپ باقشاسى رايونىن باسقارۋ كوميتەتى امبەباپ كەڭسەسىنىڭ ورىنباسار مەڭگەرۋشىسى سۇڭ جىيۇڭ بىلاي دەپ تانىستىردى: جۇمىستانۋدى جەبەۋ ءۇشىن، سوڭعى جىلدارى اتۇش قالاسىنىڭ شاعىن، ۇساق (كيىم - كەشەك) كاسىپ باقشاسى ساۋداگەر شاقىرىپ قارجى ەنگىزۋ بارىسىندا كيىم - كەشەك كاسىبى، ەلەكتر تۇلعالىق بولشەكتەرى مەن ۇساق بولشەكتەردى قۇراستىرۋ، وڭدەۋ سياقتى ەڭبەك شوعىرلانعان كاسىپورىنداردى كەلىپ ىرگە تەبۋگە بەلسەنە باۋرادى. قازىرگە دەيىن، باقشا رايونىندا سۋلياۋ بۇيىمدار، كيىم - كەشەك، كىلەم، كەستەشىلىك، قوي جۇنىنەن، تۇبىتتەن توقىلعان بۇيىمدار سياقتى 33 ءوندىرىس كاسىپورنى ىرگە تەۋىپ، 5947 ادامنىڭ جۇمىسقا ورنالاسۋ ماسەلەسى شەشىلدى، مۇندا ارحيۆ تۇرعىزىلىپ، كارتچكالاندىرىلعان كەدەي وتباسىلاردان 1200 ادام بار، ءسويتىپ، اتۇش قالاسىنىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋىنە مىعىم نەگىز قالاندى.
ءتىلشى كەلەسى قادامدا كاسىپ باقشاسىنىڭ قىزمەت سەرپىنىن كۇشەيتىپ، تيىمدىلىك ساياساتىن تياناقتاندىرىپ، شارۋاشىلىق - ساۋدا ورتاسىن ساپالىلاندىرىپ، كاسىپورىنداردىڭ دامىپ زورايۋىن جەبەپ، اتۇش قالاسىنان ارتىق ەڭبەككۇشتەردى، اسىرەسە، كەدەي وتباسىلارىن جۇمىستانۋعا ۇزدىكسىز تارتىپ، ”ءبىر ادام جۇمىستانىپ، بۇكىل وتباسى كەدەيلىكتەن ارىلۋ“دىڭ تابىستارىن اناعۇرلىم بەكەمدەيتىندىگىن ۇعىستى.
