− سانجى حۇيزۋ اۆتونوميالى وبلىستىق حالىق پروكۋراتۋراسى پارتيا باسشىلىق گرۋپپاسىنىڭ ورىنباسار شۋجيى، ورىنباسار باس پروكۋرور ديڭ ديانچين جونىندە
ءتىلشى گاي يوۋجۇن
10 - ايدىڭ 1 - كۇنى تۇستەن بۇرىن، ءتىلشى سانجى حۇيزۋ اۆتونوميالى وبلىستىق حالىق پروكۋراتۋراسى پارتيا باسشىلىق گرۋپپاسىنىڭ ورىنباسار شۋجيى، ورىنباسار باس پروكۋرور ديڭ ديانچينگە تەلەفون جالعاعاندا، ول شونجى اۋدانى شيدى قالاشىعى چوزا قىستاعىندا جۇپ قۇراعان تۋىسى ساتتار نياز وتباسىنداعىلارمەن بىرگە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ تەلەۆيزوردان تىكە تاراتىلىمىن كورىپ وتىرعان ەدى. تەلەفوننان ونىڭ تەبىرەنگەن جانە قۋانعان كوڭىل كۇيىن شىنايى سەزىنۋگە بولاتىن ەدى
تاياۋدا عانا ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ داڭقتى اتاعىن العاندىعىنا ايالداعاندا، ديڭ ديانچين: ”بۇل پارتيا مەن مەملەكەتتىڭ قامقورلىعى، بۇكىل شينجياڭداعى پروكۋراتۋرا قىزمەتكەرلەرىنىڭ داڭقى. شينجياڭدا ۇلتتار ىنتىماعىن جەبەپ، قوعام ورنىقتىلىعىن قورعاۋ ءاربىر ادامنىڭ جاۋاپكەرشىلىگى“، - دەدى.
قىزمەتتە ديڭ ديانچين قاشاندا ۇلتتار ىنتىماعى مەن قوعام ورنىقتىلىعى قىزمەتىن ماڭداي الدى ورىنعا قويىپ كەلەدى. ول ۇلتتار ىنتىماعى تاربيەسىنە ءمان بەرىپ، ءوزىنىڭ توڭىرەگىندەگى ىستەرمەن بۇكىل پروكۋراتۋراداعى كادرلاردى وتاننىڭ تۇتاستىعىن قورعاۋعا، ۇلتتىق بولشەكتەۋشىلىككە قارسى تۇرۋعا، ”ءۇشتىڭ ءبىر - بىرىنەن ايرىلا الماۋ“ يدەياسىن بەرىك ورناتۋعا جەتەكتەپ، تاربيەلەپ، بۇكىل پروكۋراتۋرادا ءوزارا سەنەتىن، ءوزارا قولدايتىن، جۇدىرىقتاي جۇمىلاتىن تاماشا جاعداي قالىپتاستىردى.
10 - ايدىڭ 4 - كۇنى تۇستە ساتتار وتباسى قۋانىشقا شومدى. سول كۇنى ديڭ ديانچين ءوز وتباسىنداعىلاردى ەرتىپ، ءتۇرلى - ءتۇستى ازىق - تۇلىك ساتىپ الىپ، وزىمەن جۇپ قۇراعان تاعى 2 تۋىسىن ۇسىنىس ەتىپ، ساتتاردىڭ ۇيىندە وتباسىلىق باس قوسۋ وتكىزدى. قوناعاسىدا كوپشىلىك قۇتتىقتاۋ جينالىسىنىڭ تەلەۆيزورداعى قايتا تاراتىلىمىن كورە وتىرىپ، وتاننىڭ وراسان زور وزگەرىستەرىن، سونداي - اق ءوز وتباسىلارىنىڭ وزگەرىسىن تىلگە تيەك ەتتى، بارلىق ادامنىڭ جۇزىنە باقىت پەن قۋانىش كۇلكىسى ەستى.
ديڭ ديانچين ىلگەرىندى - كەيىندى چوزا قىستاعىنداعى 3 قىستاق تۇرعىنىمەن تۋىس بولدى. تۋىسى پاتتار توقسۇن وتباسىنداعىلار تار ۇيدە وتىراتىن، ۇلىندا قىزمەت جوق، تۇرمىسىندا ەداۋىر قيىنشىلىق بار ەدى. ديڭ ديانچين بەلسەنە سايكەسىپ، بىلتىر پاتتار وتباسىنىڭ ارزان باعادا جالعا بەرىلەتىن ءۇي ءوتىنىش ەتۋىنە كومەكتەستى ءارى پاتتاردىڭ ۇلىنىڭ كومەكشى ساقشى بولۋىنا دا جاردەمدەستى. تۋىسى ماناپ ابدىرەشيتتىڭ ايەلى سوزىلمالى ناۋقاسقا شالدىققان، ديڭ ديانچين ولارعا ۇنەمى امانداسا بارىپ، تالاي رەت حال سۇراۋ قاراجاتىن بەردى. بىلتىر ساتتار دوسىنا كەپىل بولعاندىقتان، ءبىر قارىز داۋ - شارىنا ارالاسىپ قالادى. ديڭ ديانچين جاعدايدى ۇعىسقاننان كەيىن، ساتتارعا اقىل كورسەتىپ، ءادىس - امال قاراستىردى ءارى داۋگەرمەن كوپ رەت حابارلاسىپ جاراستىردى، ءبىر ايدان استام ۋاقىت جاراستىرۋ ارقىلى داۋ - شار ءساتتى شەشىلدى.
ديڭ ديانچين شوگەل، مىندەتىن ادالدىقپەن وتەيدى. 2011 - جىلى سانجى وبلىستىق حالىق پروكۋراتۋراسىنىڭ ورىنباسار باس پروكۋرورى بولعاننان بەرى، باتىلدىقپەن امالياتتا ايگىلەپ، سانجى وبلىسىنداعى 7 اۋدان، قالانىڭ تەكسەرۋ بايلىعىن جيناقتاپ، كەمەلدى ”جان - جاقتى قولباسشىلىق ەتۋى پارمەندى، جاپپاي سەلبەستىك جاساسۋى تىعىز، ينفورماتسيا اۋىس - كۇيىسى ىركىلىسسىز بولۋ“ سىندى تەكسەرۋدى ءبىر تۇلعالاندىرىپ دەلو اشۋ قىزمەت مەحانيزمىن قالىپتاستىردى. 2016 - جىلى ديڭ ديانچين ساقتانۋ قىزمەت مەحانيزمىنە جاڭالىق اشىپ، سانجى وبلىسىنداعى 2 دارەجەلى پروكۋراتۋرانىڭ ءبىر ءبولىم قىستاقتاردان ”زورلىقتى كۇش لاڭكەستىك قىلمىستارىنان ساقتانۋ جانە ۇشقارىلىقتى الاستاۋ“دى باستى مىندەت ەتكەن ”قىلمىستان ساقتانۋ پروكۋراتۋرالىق بايلانىس جاساۋ كەڭسەسىن“ جانە ”ساقتىق تاربيەسى بازاسىن“ قۇرۋىنا جەتەكشىلىك ەتىپ، بۇكىل وبلىستاعى 72 اۋىل، قالاشىقتان ”مىندەتتىك قىلمىستان ساقتانۋ پروكۋراتۋرالىق بايلانىس جاساۋ كەڭسەسىن“، سونداي - اق قاتىستى ينفورماتسيالار ساندى مالىمەت قامباسىن قۇرىپ، قوعام ورنىقتىلىعى مەن باياندى تىنىشتىقتى قورعاۋ ءۇشىن بەرىك نەگىز قالادى.
قىزمەتكە قاتىناسقان 40 نەشە جىلدان بەرى، ديڭ ديانچين ىلگەرىندى - كەيىندى ”مەملەكەتتىك ۇلگىلى پروكۋرور“، ”مەملەكەتتىك 1 - مامىر ەڭبەك مەدالى“، ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“، ”اۆتونوميالى رايوننىڭ ۇلتتار ىنتىماعى، العاباسارلىعىنداعى تاڭداۋلى كوممۋنيستىك پارتيا مۇشەسى“ قاتارلى داڭقتى اتاقتارعا يە بولدى.
”ءار رەتكى سيلاۋ، ماداقتاۋدىڭ بارلىعى ءبىر جاڭا باستاما. ويتكەنى ۇلتتار ىنتىماعى، العاباسارلىعىن جەبەۋ ۇلى ىسىندە تەك باستاما عانا بار، كومبە جوق، بۇل مەنىڭ ماڭگىلىك بورىشىم بولادى“، - دەدى ديڭ ديانچين.
