شينحۋا اگەنتتىگىنىڭ ءتىلشىسى سۇن جى
بۇرىنعىعا ۇقسامايتىنى، الميرا قاھار قازىر تاڭەرتەڭ ۇيقىسىنان وياتاتىن قوڭىراۋلى ساعاتتى الدىعا جارتى ساعات جىلجىتتى. ول بىلاي دەدى: ”مەكتەپكە باراردان بۇرىن، وسى جارتى ساعات ۋاقىتتان پايدالانىپ الدىن الا تەكسكە جاتتىعىپ الايىن دەيمىن“. باستاۋىش مەكتەپتىڭ 6 - جىلدىعىنا شىققاننان كەيىن، 12 جاستاعى ونىڭ جاڭا نىساناسى رايونىمىزداعى شينجياڭ ورتالاۋ كلاسىنان وقۋ بولدى.
بىلتىرعى جازعى دەمالىستا ول مارالباسى اۋدانى اناركول اۋىلى چۇچۇرگا قىستاعىنىڭ وقۋشىلار ۋاكىلى رەتىندە، ۇسىنىس بويىنشا شاڭحايعا بارىپ جازدىق لاگەرگە قاتىناستى.
”ۇشاققا وتىرىپ شاڭحايعا بارۋ دەگەنىڭىز ءبىزدىڭ قىستاقتا بۇرىن بولىپ كورمەگەن“. 10 مىڭ مەترلىك بيىككە كوتەرىلگەندە، الميرا ءبىراز قوبالجىدى. الايدا، كوپ وتپەي بۇل قالانى ۇناتىپ قالدى. كينوحاناعا، عىلىم - تەحنيكا سارايىنا، مۇراجايعا باردى... قىسقا عانا ءبىر اپتادا الميرا ومىرىندەگى سان الۋان تاماشالاردىڭ ءبىرىنشىسىن باسىنان كەشىردى.
الميرانىڭ بۇل ساپارعا شىعۋىن جەدەلدەتكەن شاڭحاي قالاسىنىڭ شينجياڭعا باعىتتامالى كومەكتەسۋ قولباسشىلىق شتابى ەدى. ورتالىقتىڭ شينجياڭنىڭ وقۋ - اعارتۋىن دامىتۋ ستراتەگياسىن جەبەۋدىڭ ماڭىزدى قۇرامداس بولىگى رەتىندە، 2016 - جىلدان بەرى، تەك عانا شينجياڭعا باعىتتامالى كومەكتەسەتىن 19 ولكە، قالانىڭ قوسقان 8 ميلليارد 367 ميلليون يۋان قارجىسى نەگىزدىك وقۋ - اعارتۋ قۇرىلعىلارىن قۇرۋعا كومەكتەسۋ سياقتى قىزمەتتەرگە جۇمسالدى.
الميرانىڭ شاڭحايعا ساپارىن ءماز - مايرام بولا اڭگىمەلەگەنىن كورىپ، ءبىر شەتتە وتىرعان چۇچۇرگا قىستاعى قىستاق تۇرعىندار كوميتەتىنىڭ مەڭگەرۋشىسى گۇلزار ۇسەيىن قاتتى قىزىقتى. 23 جاستاعى گۇلزار جونىنەن ايتقاندا، ءوزىنىڭ بۇرىنعى وقۋ جولى نەداۋىر جاپالى بولعان ەدى، مىناداي ”ءسان - سالتاناتتى“ وراي مۇلدە بولماعان.
بۇرىن چۇچۇرگا قىستاعىنىڭ نەگىزدىك وقۋ - اعارتۋ قۇرىلعىلارىنىڭ ”ىرگەسى“ ناشار، قىستاق باستاۋىش مەكتەبىنىڭ ەشتەڭەسى دە جوق ەدى. ”ءبىزدىڭ كلاسىمىز ءبىر بولمەلى توپىراق ءۇي بولاتىن. جاڭبىر جاۋا قالسا، كلاسىمىزدىڭ ىشىنە جاڭبىر ءوتىپ كەتەتىن دە، ءبىز ءبىر بۇرىشقا ۇيلىعىپ ساباعىمىزدى جالعاستىراتىنبىز“، - دەيدى گۇلزار.
ول ەسكە الىپ بىلاي دەدى: ”جول شالعاي بولعاندىقتان، قىستاعىمىزعا كەلۋدى قالايتىن مۇعالىم وتە از بولاتىن. ول كەزدە بۇكىل مەكتەپتە تەك 6 مۇعالىم بار ەدى، ءبىر ادام 3 جىلدىقتىڭ ۇقساماعان ساباقتارىن بەرەتىن“.
سوڭعى جىلدارى، ورتالىق ۇكىمەت، شينجياڭعا باعىتتامالى كومەكتەسەتىن ولكە، قالالار سياقتى كوپ جاقتاردىڭ كۇشى وڭتۇستىك شينجياڭداعى 22 اۋىر كەدەي اۋداندى (قالاعا) نازارعا الىپ، اۋىر كەدەي وڭىرلەردى وقۋ - اعارتۋ ارقىلى سۇيەمەلدەۋدى ەڭ الدىمەن قامتاماسىز ەتىپ، مىندەتتى وقۋ - اعارتۋ ساتىسىنداعى وقىتۋ شارت - جاعدايىن كۇش سالا جاقسارتىپ، جەرگىلىكتىڭ نەگىزدىك وقۋ - اعارتۋى ءالسىز بولۋ جاعدايىن شەشتى. سونىمەن بىرگە، شينجياڭداعى ءار دارەجەلى ۇكىمەتتەر تاعى وقۋ - اعارتۋ مينيسترلىگى اتقارا باستاعان 10 مىڭ وقىتۋشىنى وقۋ - اعارتۋ ىسىنە كومەكتەسۋگە جىبەرۋ جوسپارى، ”ارنايى قىزمەت ورنى جوسپارى“ سياقتىلار ارقىلى اۋىل - قىستاقتارداعى وقىتۋشىلار قوسىنىن زور كۇشپەن تولىقتىرۋدى، وقىتۋ ساپاسىن جوعارىلاتۋدى جوسپارلادى.
قىستاق باستاۋىش مەكتەبى مەن بالاباقشانىڭ 3 قاباتتى جاڭا وقىتۋ عيماراتى چۇچۇرگا قىستاعىنداعى ەڭ بيىك قۇرىلىسقا اينالدى، قىستاق باستاۋىش مەكتەبىنىڭ ەسىك الدىنداعى قاتتىلاندىرعان توعاننىڭ جاعالاۋىنا دا قورشاۋ ورناتىلدى. بۇگىنگى كۇندە، الميرا مەكتەپكە باراتىن جولدىڭ شاڭى اسپانعا شىعىپ جاتپايتىن بولدى، ءار كۇنى تۇستە تاعى مەكتەپتە تەگىن تۇسكى اس بار.
”مەكتەپتىڭ قاتتى قۇرىلعىلارىنىڭ دارەجەسى جاپپاي جوعارىلاۋمەن بىرگە، اۋىل - قىستاق وقىتۋشىلار قوسىنى دا ۇزدىكسىز زورايىپ، بالالاردىڭ وقۋ جولى بارعان سايىن ’كەڭەيدى‘“، - دەدى چۇچۇرگا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى مىندەت وتەگەنىنە 3 جىلعا تاياعان اۆتونوميالى رايوندىق دەنە تاربيە مەكەمەسىنىڭ كادرى جاۋ چىڭچياڭ.
ءبارىن بىردەي يگەرگەننەن كەيىن، چۇچۇرگا قىستاق باستاۋىش مەكتەبىنىڭ، بالاباقشانىڭ وقىتۋ ساپاسى كورنەكتى جوعارىلاپ، كەزەكتە وقۋ جاسىنداعى بالالاردىڭ تۇگەلدەي وقۋعا ءتۇسۋى جۇزەگە اسىرىلدى. شينجياڭدا 2018 - جىلى مەكتەپكە دەيىنگى وقۋ جاسىنداعى بالالاردىڭ بالاباقشاعا كىرۋ مولشەرى ％95.95كە، باستاۋىش مەكتەپ جاسىنداعى بالالاردىڭ باستاۋىش مەكتەپكە كىرۋ مولشەرى ％99.91كە جەتىپ، وڭتۇستىك شينجياڭدا 3 جىلدىق مەكتەپكە دەيىنگى وقىتۋ مەن 12 جىلدىق نەگىزدىك وقۋ - اعارتۋ جاپپاي قامتىلىپ، كولەمى ءتىپتى دە كەڭەيدى.
”بولاشاقتا مەن ىشكى ولكەلەردەگى ءىرى قالالارعا بارىپ وقىسام، مۇعالىمدارىم سياقتى، عىلىم - ءبىلىمدى قىستاعىمىزعا الىپ قايتسام دەيمىن“، - دەيدى الميرا.
(شينحۋا اگەنتتىگىنىڭ 10 - ايدىڭ 22 - كۇنى ۇرىمجىدەن بەرگەن حابارى)
