ءتىلشى چىن چياڭۋي 10 - ايدىڭ 22 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋعا قاراعاندا، بيىل جىل باسىنان بەرى، الەمدىك ەكونوميكانىڭ ارتۋىنىڭ باسەڭدەۋى سياقتى ءتيىمسىز فاكتورلاردىڭ ىقپالىنا ۇشىراعانىمەن، شينجياڭنىڭ سىرتقى ساۋدا يمپورت - ەكسپورت جالپى قۇنى ءالى دە تەز ارتۋدى ساقتاعان. الدىڭعى 3 توقساندا شينجياڭنىڭ سىرتقى ساۋدا يمپورت - ەكسپورت جالپى قۇنى 110 ميلليارد 450 ميلليون يۋان بولىپ، سايكەس مەزگىلدەگىدەن ％21 ارتتى.
الدىڭعى 3 توقساندا شينجياڭنىڭ ەكسپورت جالپى قۇنى 82 ميلليارد 330 ميلليون يۋان بولىپ، سايكەس مەزگىلدەگىدەن ％11.3 ارتتى؛ يمپورت جالپى قۇنى 28 ميلليارد 120 ميلليون يۋان بولىپ، سايكەس مەزگىلدەگىدەن ％62.3 ارتتى؛ يمپورتتىڭ ارا سالماعى وتكەن جىلعى سايكەس مەزگىلدەگى ％19تەن ％25.5كە جوعارىلادى. 9 - ايدا شينجياڭنىڭ يمپورت - ەكسپورت جالپى قۇنى 22 ميلليارد 500 ميلليون يۋان بولىپ، سايكەس مەزگىلدەگىدەن ％76 ارتىپ، ارتۋ قارقىنى جىل ىشىندەگى تىڭ دەڭگەيدى جاراتتى.
الدىڭعى 3 توقسانداعى ساندى مالىمەتتەن شينجياڭنىڭ سىرتقى ساۋدا ءتاسىلىنىڭ اناعۇرلىم جاقسارعاندىعىن كورۋگە بولادى. ادەتتەگى ساۋدا يمپورت - ەكسپورت جالپى قۇنى 37 ميلليارد 380 ميلليون يۋان بولىپ، سايكەس مەزگىلدەگىدەن ％24.1 ارتىپ، شينجياڭنىڭ سىرتقى ساۋدا جالپى قۇنىنىڭ ％33.8ىن ۇستاپ، وتكەن جىلعى سايكەس مەزگىلدەگىدەن 3.8 پايىز جوعارىلادى. ادەتتەگى ساۋدا شەكاراداعى شاعىن سومالى ساۋداعا قاراعاندا اناعۇرلىم جۇيەلى بولىپ، جەرگىلىكتى سىرتقى ساۋدا تۇلعالارىنىڭ ءىس جۇزىندىك ساۋدا پايداسىن اناعۇرلىم ايگىلەي الادى، سونىمەن قوسا وڭىرلىك ساۋدانىڭ بەرىك نەگىزى جانە ساۋداداعى قۋاتتى رايون قۇرۋدى ىلگەرىلەتۋدىڭ نەگىزى ەسەپتەلەدى.
قازاقستان ءالى دە جۇڭگو شينجياڭنىڭ سىرتقى ساۋداداعى نەگىزگى ساۋدا سەرىك ەلدەرىنىڭ ىشىندە باستى ورىندا ورنىقتى تۇر. الدىڭعى 3 توقساندا جۇڭگو شينجياڭىنىڭ قازاقستانمەن يمپورت - ەكسپورت جالپى قۇنى 51 ميلليارد 390 ميلليون يۋان بولىپ، سايكەس مەزگىلدەگىدەن ％22.9 ارتىپ، جۇڭگو شينجياڭىنىڭ سىرتقى ساۋدا جالپى قۇنىنىڭ ％46.5ىن ۇستادى. جۇڭگو شينجياڭىنىڭ قىرعىزستان، رەسەي، وزبەكستان، تاجىكستان سياقتى ەلدەرمەن يمپورت - ەكسپورت جالپى قۇنى تۇگەلدەي تۇرلىشە دارەجەدە ارتتى.
الدىڭعى 3 توقساندا شينجياڭنىڭ حالىقتىق كاسىپورىندارىنىڭ يمپورت - ەكسپورت جالپى قۇنى 81 ميلليارد 200 ميلليون يۋان بولىپ، سايكەس مەزگىلدەگىدەن ％14.7 ارتىپ، شينجياڭنىڭ سىرتقى ساۋدا جالپى قۇنىنىڭ ％73.5ىن ۇستادى؛ مەملەكەت مەنشىگىندەگى كاسىپورىنداردىڭ يمپورت - ەكسپورت جالپى قۇنى 28 ميلليارد 250 ميلليون يۋان بولىپ، سايكەس مەزگىلدەگىدەن ％44.1 ارتىپ، ％25.6تى ۇستادى. مەملەكەت مەنشىگىندەگى كاسىپورىنداردىڭ الدىڭعى 3 توقسانداعى بەينەسى جاقسى، ايقىن ارتۋ كۇيىن كورسەتتى.
ەكسپورت ەتىلگەن ءونىم تۇرلەرىنەن قاراعاندا، شينجياڭنىڭ ماشينا - ەلەكتر ونىمدەرىنىڭ، ەڭبەككۇش شوعىرلى ونىمدەرىنىڭ ەكسپورتى ارتقان. الدىڭعى 3 توقساندا، شينجياڭنان ەكسپورت ەتىلگەن ماشينا - ەلەكتر ونىمدەرىنىڭ قۇنى 22 ميلليارد 190 ميلليون يۋان بولىپ، سايكەس مەزگىلدەگىدەن ％26.5 ارتتى؛ كيىم - كەشەك، توقىما بۇيىمدار سياقتى 7 ۇلكەن تۇردەگى ەڭبەككۇش شوعىرلى ونىمدەردىڭ ەكسپورت قۇنى جيىنى 42 ميلليارد 60 ميلليون يۋان بولىپ، سايكەس مەزگىلدەگىدەن ％5.1 ارتتى؛ ەكسپورت ەتىلگەن اۋىل شارۋاشىلىق ونىمدەرىنىڭ قۇنى 4 ميلليارد 620 ميلليون يۋان بولىپ، سايكەس مەزگىلدەگىدەن ％16.4 ارتتى.
