تيانشان تورى   ›   جاڭالىقتار   ›   شينجياڭ حابارلارى

اۋىلداستاردىڭ مەيىرىن ۇمىتپاي، اۋىلداستاردى كەدەيلىكتەن ارىلۋعا باستادى

− ماكىت اۋدانى قۇمقۇسار اۋىلىنىڭ ورىنباسار باستىعى، تومەن حادىلىق قىستاعى پارتيا ياچەيكاسىنىڭ شۋجيى حۋاڭ يىڭجيە تۋرالى

ءتىلشى حان چينيان

  ”حۋاڭ شۋجي بىزدەي قىستاق تۇرعىندارىنىڭ ءىسىن ۇنەمى كوكەيىنە ءتۇيىپ جۇرەدى“، - دەدى 9 - ايدىڭ 26 - كۇنى ماكىت اۋدانى قۇمقۇسار اۋىلى تومەن حادىلىق قىستاعىنىڭ تۇرعىنى يمىن نامەت.

  يمىننىڭ اۋزىنا الىپ وتىرعان حۋاڭ شۋجيى ماكىت اۋدانى قۇمقۇسار اۋىلىنىڭ ورىنباسار باستىعى، تومەن حادىلىق قىستاعى پارتيا ياچەيكاسىنىڭ شۋجيى حۋاڭ يىڭجيە ەدى.

”بۇل جاقسىلىقتى مەن ءومىر بويى ۇمىتپايمىن“

  ”قىستاققا العاش كەلگەنىمدە، ەرەكشە كەدەي بولاتىنمىن، اۋىلداستار ماعان ىشەر اس، جاتىن ورىن بەردى، بۇل جاقسىلىقتى مەن ءومىر بويى ۇمىتپايمىن“. حۋاڭ يىڭجيە قىستاق تۇرعىندارىنىڭ كومەگىندە 80 مۋ تىڭ جەردى كوتەرەگە العاندىعىن، قىستاق تۇرعىندارى تاعى ونىڭ اقشا تاپقاننان كەيىن، كوتەرمەگە الۋ اقىسىن تولەۋىنە قوسىلعاندىعىن قاشاندا جادىنان شىعارمادى.

  مىنە وسىلايشا، اۋىلداستاردىڭ قالتقىسىز كومەگىندە، حۋاڭ يىڭجيە قيىن وتكەلدەن بىرتىندەپ وتەدى ءارى ماقتانى عىلمي جولمەن ەگۋدىڭ ارقاسىندا اۋقاتتانادى.

  ”قازىرگى تۇرمىسقا قول جەتكىزۋىمنىڭ بارلىعى اۋىلداستاردىڭ قالتقىسىز كومەگىنىڭ ارقاسى“. ءوزى اۋقاتتانعاندا، حۋاڭ يىڭجيە قىستاقتاعى اۋىلداستاردى ەسىنەن شىعارمادى.

  2006 - جىلى قىستاقتىڭ ءوندىرىس شارت - جاعدايى وتە ناشار بولاتىن، ءىرى تيپتى اۋىل شارۋاشىلىق ماشينا سايماندارى جوقتىڭ قاسى ەدى. حۋاڭ يىڭجيە ەش ءارى - ءسارى بولماستان ءۇي سالۋعا دايىنداپ قويعان اقشاسىنىڭ بارلىعىن الىپ شىعادى، ونىمەن قوسا ءبىر ءبولىم اقشانى تۋىستارىنان قارىزعا الىپ، دۇڭفىڭ 104 تۇرپاتتى ءىرى ات كۇشىندىك ءبىر تراكتور مەن 504 ورتا تۇرپاتتى ءبىر تراكتوردى باستاماشىلدىقپەن ساتىپ الادى. وسىدان كەيىن، قىستاق تۇرعىندارى اقشا بەرسىن - بەرمەسىن، حۋاڭ يىڭجيە قاشاندا ولاردىڭ جەر جىرتۋىنا كومەكتەسەدى.

  2008 - جىلى حۋاڭ يىڭجيە تومەن حادىلىق قىستاعى پارتيا ياچەيكاسىنىڭ شۋجيلىگىنە سايلانادى. ول قارجى توپتاپ قىستاقتىڭ توعانىن، تيەگىن جاڭادان جاساپ، قىستاق تۇرعىندارىنىڭ جەر سۋارۋى قيىن بولۋ ماسەلەسىن تۇبەگەيلى شەشەدى.

  2011 - جىلى حۋاڭ يىڭجيە تۇتاس قىستاق تۇرعىندارىنا جول سالۋدى دارىپتەيدى، ول باستاماشىلدىقپەن 5000 يۋان شىعارادى، باسقا قىستاق تۇرعىندارى كوپ بولعاندا 300 دە 500 يۋان، از بولعاندا 30 دا 50 يۋان شىعارادى، كوپ وتپەي 50 مىڭ يۋان جينالىپ، 2 كيلومەترلىك اسفالت جول توسەلەدى. بۇگىنگى كۇنى، بۇل جول قىستاق تۇرعىندارىنىڭ تاسىمالمەن شۇعىلداناتىن، اۋىل شارۋاشىلىعى قوسىمشا ونىمدەرى كاسىبىن دامىتاتىن ”اۋقاتتانۋ جولى“نا اينالدى.

”تەك قاجىرلىلىقپەن ىستەسەڭ، ارىلمايتىن كەدەيلىك بولمايدى“

  حۋاڭ يىڭجيە ”قالتادا اقشا بولۋ، تاماشا تۇرمىس كەشىرۋ“ بۇقارانىڭ ەڭ ۇلكەن تىلەگى ەكەندىگىن ابدەن بىلەدى. حۋاڭ يىڭجيە القا مۇشەلەرىمەن اقىلداسقاننان كەيىن، ءبىر اۋىزدان: ”قىستاق تۇرعىندارىنىڭ قالتاسىن قامپايتۋدا، سايىپ كەلگەندە، تاعى دا قىستاق تۇرعىندارىنىڭ وزدەرىنە سۇيەنۋ كەرەك“ دەپ قارايدى.

  ماقتا تومەن حادىلىق قىستاعىنىڭ نەگىزگى ەگىستىك داقىلى. بۇرىن قىستاق تۇرعىندارى قارجى جۇمساۋدى قالامايتىندىقتان، ماقتا ەككەندە حيميالىق تىڭايتقىش بەرمەيتىندىكتەن، مۋ باسىندىق ءونىم تومەندەۋ بولعان.

  حۋاڭ يىڭجيە كادرلاردى باستاپ، وتباسىلارىن ارالاپ قىزمەت ىستەسە دە ءبىرءبولىم قىستاق تۇرعىندارى تاعى دا سەنەر - سەنبەسىن بىلمەي اڭتارىلادى. حۋاڭ يىڭجيە ولارعا بىلاي دەيدى: ”بيىل سەندەردىڭ حيميالىق تىڭايتقىشتارىڭدى مەن ساتىپ الىپ بەرەيىن، ەگەر ونىمدىلىگى جاقسى بولسا، حيميالىق تىڭايتقىشتىڭ اقشاسىن قايتارىپ بەرىڭدەر، ەگەر ونىمدىلىگى جاقسى بولماسا، سەندەردەن اقشامدى سۇرامايمىن“.

  حۋاڭ يىڭجيەنىڭ باستاۋىندا، قىستاقتاعى وتباسىلارىنىڭ بارلىعى ماقتا اتىزىنا تىڭايتقىش بەرەدى، سول جىلى تۇتاس قىستاقتا ماقتانىڭ مۋ باسىندىق ءونىمى بۇرىنعى 200 كيلوگرامنان 260 كيلوگرامعا ارتادى، قازىر تۇتاس قىستاقتا ماقتانىڭ مۋ باسىندىق ءونىمى 400 كيلوگرامنان استى.

  اۋىزبەن وراق ورعاننان ىسىڭمەن كورسەتكەنىڭ ابزال. 2009 - جىلى حۋاڭ يىڭجيە جاڭعاقتىڭ پايداسىنىڭ جاقسى ەكەندىگىن ءارى جەرگىلىكتى ورىنعا ەگۋگە ۇيلەسەتىندىگىن بايقاپ، قىستاق تۇرعىندارىن جاڭعاق كاسىبىن دامىتۋعا جەتەكتەيدى. العاشىندا ءىشىنارا قىستاق تۇرعىندارى جاڭعاقتىڭ تابىسىنىڭ پەريودى ۇزاق، اقشا تابا المايمىز دەپ الاڭداعاندا، ول پارتيالى كادرلاردى باستاپ، ”ۇلگى كورسەتۋ اتىزىن“ جاسايدى.

  3 جىلدان كەيىن جاڭعاق جەمىس بەرىپ، مۋ باسىندىق ورتاشا كىرىس 896 يۋانعا جەتەدى، سۇبەلى تابىستى كورگەننەن كەيىن، قىستاق تۇرعىندارى جابال جاڭعاق ەگە باستايدى. جاڭعاق كاسىبىن كولەمدەندىرۋ، كۇشەيتۋ ءۇشىن، حۋاڭ يىڭجيە تاعى 400 نەشە مىڭ يۋان قارىز اقشا الىپ، 600 نەشە مۋلىق جاڭعاق قالامشاسى باقشاسىن سالادى. قازىر تۇتاس قىستاقتىڭ جاڭعاق ەگىلگەن اۋماعى دامىپ 2000 مۋعا جەتتى.”تەك قاجىرلىلىقپەن ىستەسەڭ، ارىلمايتىن كەدەيلىك بولمايتىندىعىنا سەنەمىن“، - دەدى حۋاڭ يىڭجيە.

”مەن باردا، الاڭسىز بولىڭدار“

  ”شينجياڭعا كەلگەن 30 جىلعا جۋىق ۋاقىتتان بەرى، 2013 - جىلى 6 - ايدىڭ 28 - كۇنى جاۋعان بۇرشاق ەسىمنەن كەتپەيدى“. حۋاڭ يىڭجيە تىلشىگە بىلاي دەدى: سول كەزدە ماقتا ءتۇيىن الىپ بولعان، مول ءتۇسىمدى كۇتىپ جاتقان بولاتىنبىز. الايدا سول رەتكى بۇرشاق قىستاق تۇرعىندارىنىڭ ءبىر جىلدىق قۇلشىنىسىن سەلگە كەتىردى، كوپتەگەن قىستاق تۇرعىندارى كوزىنە جاس الدى.

  ”مەن باردا الاڭسىز بولىڭدار“. حۋاڭ يىڭجيەنىڭ ءسوزى قىستاق تۇرعىندارىنا جۇبانىش بولدى. ول قىستاق ”ەكى كوميتەتى“ القاسىنىڭ مۇشەلەرىن باستاپ، قىستاق تۇرعىندارىن اپاتتان كەيىنگى ءوزىن قۇتقارۋعا دەرەۋ ۇيىمداستىرىپ، ءبىر اپتا ۋاقىتتا تۇتاس قىستاقتاعى اپاتقا ۇشىراعان 5000 نەشە مۋ ەگىستىك جەردىڭ بارىنە جاي پىساتىن جۇگەرى ەگەدى ءارى قىستاق تۇرعىندارىنىڭ سىرتقا شىعىپ جۇمىس ىستەۋىنە كومەكتەسەدى.

  ”قىستاق كادرلارىنىڭ قىزمەت مىندەتى جوعارى بولماسا دا الايدا ءاربىر ءسوز - ارەكەتتەرىنىڭ بارلىعىن بۇقارا كوزىمەن كورىپ، كوڭىلىنە تۇيەدى، كادرلاردا ىزگىلىك بولسا، بۇقارا رازى بولادى“. اۋىل - قىستاق قىزمەتىندە تۇككە تۇرعىسىز، بولماشى ىستەر بولمايدى، بۇقارانىڭ ماسەلەسىن شەشۋدە حۋاڭ يىڭجيە قاشاندا ”تەڭ ءمان بەرۋ“ پوزيتسياسىمەن ىستەدى.

  بۇگىنگى كۇندە، قىستاق تۇرعىندارىنىڭ جان باسىندىق ورتاشا تازا كىرىسى 2006 - جىلعى 3000 يۋاننان، 2018 - جىلعى 11 مىڭ 160 يۋانعا ارتتى. 10 نەشە جىلدان بەرى قىستاقتا تۋىلعان وزگەرىستەردى اۋىزعا العاندا، اۋىلداستاردىڭ بارلىعى: ”تاماشا تۇرمىسىمىز پارتيانىڭ ابزال ساياساتىنىڭ ارقاسى، سونداي - اق پارتيانىڭ بىزگە جىبەرگەن جاقسى شۋجيى حۋاڭ يىڭجيەنىڭ ارقاسى“، - دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى