ءتىلشى لي ياڭ 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 23 - كۇنى تۇستەن بۇرىن مەملەكەتتىك كەڭەس كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ مۇشەسى، جۇڭگو مۇگەدەكتەر بىرلەستىگىنىڭ ورىنباسار ءتوراعاسى چىڭ كاي باستاعان مەملەكەتتىك كەدەيلىكتەن ارىلتۋدان قامال الۋداعى وزاتتاردىڭ ىزگى ىستەرىنەن ارالاپ بايانداما جاساۋ 5 - ۇيىرمەسى ۇرىمجىدە وزاتتاردىڭ ىزگى ىستەرىنەن بايانداما جاسادى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين بايانداما جاساۋ جينالىسىن باسقاردى.
بايانداما جاساۋ جينالىسىندا چىڭ كاي باس شۋجي شي جينپيڭنىڭ 6 - رەتكى مەملەكەتتىك كەدەيلەردى سۇيەمەلدەۋ كۇنى قارساڭىندا كەدەيلىكتەن ارىلتۋدان قامال الۋ قىزمەتى جونىندە جاساعان ماڭىزدى نۇسقاۋىن جانە لي كىچياڭ زۇڭليدىڭ بەكىتپەسىن جەتكىزدى. ول بىلاي دەپ اتاپ كورسەتتى: باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن مۇقيات ۇيرەنىپ، دايەكتىلەندىرىپ، كەدەيلىكتەن ارىلتۋدان قامال الۋ سالاسىنداعى وزات تيپتەردى جاپپاي جەتىلدىرىپ، تاڭداپ، قورىتىندىلاپ، جالپىلاستىرىپ، وزاتتاردى قاستەرلەۋ، وزاتتاردان ۇيرەنۋ، وزات بولۋعا ۇمتىلۋداي تاماشا راي قالىپتاستىرۋ كەرەك.”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، فورماسى ءار الۋان، كەڭ كولەمدە قامتىعان ۇيرەنۋ، ۇگىتتەۋ قيمىلىن ورىستەتىپ، وزاتتاردان ۇيرەنۋدىڭ جاڭا ورلەۋىن كوتەرۋ كەرەك. قالىڭ كادرلار مەن بۇقارا جاقسىلارعا قاراپ وي تۇزەپ، رۋحتى سەرپىلتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ داۋىرلىك اۋىر مىندەتىن باتىل تۇردە ارقالاۋ؛ ءار دارەجەلى ءارقايسى تاراۋلار وزات تيپتەردىڭ جەتەكتەۋ رولىن ساۋلەلەندىرۋگە ءمان بەرىپ، رۋحتى ۇيرەنىپ، قاسيەتىنەن ۇيرەنىپ، ادىستەن ۇيرەنىپ، كەدەيلىكتەن ارىلتۋدان قامال الۋدىڭ زور كۇشىن توپتاۋ؛ ءار دارەجەلى پارتكومدار مەن ۇكىمەتتەر كەدەيلەردى سۇيەمەلدەۋ كادرلارىنا كوڭىل ءبولىپ، ولاردى ايالاپ، شابىتتاندىرۋ ساياساتتارىن ويداعىداي تياناقتاندىرىپ، كەدەيلىكتەن ارىلتۋدان قامال الۋدىڭ وڭ ەنەرگياسىن اناعۇرلىم قاۋلاتۋ كەرەك.
مەملەكەتتىك كەدەيلىكتەن ارىلتۋدان قامال الۋ سيلىعىنىڭ يەگەرلەرىنىڭ ۋاكىلدەرى لي پىڭ، ليۋ بين، چين جىنباڭ، دىڭ يىڭشياڭ، لي شياۋمەي، جاڭ يۇڭان، ساي سۇڭتاۋ كەدەيلىكتەن ارىلتۋدىڭ ءبىرىنشى شەبىندەگى ءتول كەشىرمەلەرىن، تيپتىك تاجىريبەلەرىن جانە ءتول اسەرلەرىن ءار قىرىنان، ءار تۇرعىدان اڭگىمەلەدى. بايانداما ءۇن مەن سەزىم توعىسىپ، تەرەڭ اسەرگە بولەدى، شىنايى دا قاراپايىم ىستەر ادامدارعا وي سالىپ، تولىق جەڭىسكە جەتپەي استە شەپتەن تايماۋداي باتىل سەنىم مەن بەكىمدى ايگىلەدى، زالدا ءالسىن - ءالى قىزۋ قول شاپالاق ءۇنى كوتەرىلدى.
لي پىڭشين بىلاي دەپ باسا دارىپتەدى: وسى وزات تيپتەر باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى نۇسقاۋىنىڭ جەتەكشىلىگىندە جارىققا شىققان كورنەكتى ۋاكىلدەر. ءبىز ولاردىڭ نىسانانى كوزدەپ، قامال الىپ قيىنشىلىقتاردى جەڭگەن باتىل ساياسي تاباندىلىعىنان ۇيرەنىپ، يدەيا مەن ارەكەتتى باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىمەن باتىل تۇردە بىرلىككە كەلتىرىپ، ”ءتورت تانىم“دى اناعۇرلىم كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، سول ارىنمەن كەدەيلىكتەن ارىلتۋدان قامال الۋ مىندەتىن باتىل تۇردە ويداعىداي ورىنداۋىمىز كەرەك. ولاردىڭ اۋەلگى ماقساتتى ۇمىتپايتىن، بۇقاراعا باقىت جەتكىزەتىن حالىققا دەگەن شىنايى سۇيىسپەنشىلىگىنەن ۇيرەنىپ، حالىقتى وزەك ەتكەن دامۋ يدەياسىنا باستان - اياق تاباندى بولىپ، كەدەيلىكتەن ارىلتۋدىڭ ساپاسىن ۇزدىكسىز جوعارىلاتۋىمىز، بۇقارانىڭ تابىس سەزىمىن كۇشەيتۋىمىز كەرەك. ولاردىڭ كەدەيلەردى دالمە - ءدال سۇيەمەلدەۋ، دالمە - ءدال كەدەيلىكتەن ارىلتۋداي كەدەيلەردى سۇيەمەلدەۋ ۇستالىق رۋحىنان ۇيرەنىپ، ”ەكىدەن تارىقتىرماۋ، ۇشتە قامتاماسىز ەتۋ“مەن تىعىز بايلانىستىرىپ، ىجداعاتتىلىقپەن ىستەۋگە كۇش سالىپ، ”جەتى ءبىر توپ“تى تىڭعىلىقتى ىلگەرىلەتىپ، ”ۇشتە سەرپىندى ارتتىرۋدى“دى ورىنداپ، شاحمات تاسىن ”دالمە - ءدال“ ءجۇرىپ، ناعىز كەدەيلەردى كەدەيلىكتەن ارىلتۋدى، كەدەيلىكتەن شىنايى ارىلتۋدى جۇزەگە اسىرۋىمىز كەرەك. ولاردىڭ داۋىرمەن بىرگە العا ىلگەرىلەيتىن، جاسامپازدىقپەن قىزمەت ىستەيتىن، ەرلىكپەن ۇدەرە العا تارتاتىن جىگەرىنەن ۇيرەنىپ، كەدەيلەردى سۇيەمەلدەۋ ۇلگىسىنە جاڭالىق اشۋ رۋحىمەن ىزدەنىس جاساپ، كەدەي وڭىرلەردىڭ وزىندىك دامۋىنىڭ ومىرشەڭدىك كۇشىن شىن مانىندە كۇشەيتۋىمىز كەرەك. وزات تيپتەردىڭ ىزگى ىستەرى مەن وسكەلەڭ رۋحىنان جاپپاي ۇيرەنىپ، ونى ۇگىتتەپ، وزات تيپتەردى ۇلگى ەتىپ، ءار جاقتىڭ بەلسەندىلىگىن جاپپاي جۇمىلدىرىپ، قامال الىپ قيىنشىلىقتى جەڭۋ، شىنايى جۇرگىزۋ، شىنايى ىستەۋدەي تاماشا راي قالىپتاستىرۋىمىز كەرەك.
اۆتونوميالى رايون باسشىلارىنان جاڭ چۇنلين، دۇڭ شينگۋاڭ، چىڭ جىنشان بايانداما جاساۋ جينالىسىنا قاتىناستى.
بايانداما جاساۋ جينالىسى بەينە ەكران ءماجىلىسى فورماسىمەن اۋىل - قالاشىقتارعا دەيىن اشىلدى. اۆتونوميالى رايوننىڭ، شينجياڭ ءوندىرىس - قۇرىلىس بيڭتۋانىنىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنا مۇشە ورىندارداعى جاۋاپتى جولداستار، سونداي - اق كادرلاردىڭ ۋاكىلدەرى ۇرىمجىدەگى نەگىزگى جينالىس الاڭىندا باياندامانى تىڭدادى.
