تيانشان تورى   ›   جاڭالىقتار   ›   ساياحات

شينجياڭنىڭ كۇز كوركى سانالاتىن توراڭعىنى تاماشالايتىن ەڭ جاقسى مەزگىل جەتتى

  شينحۋا اگەنتتىگىنىڭ 10 - ايدىڭ 23 - كۇنى ۇرىمجىدەن بەرگەن حابارى (ءتىلشى باي جيالي). شينجياڭنىڭ وڭتۇستىگىندەگى تارىم ويپاتىندا التىن ءتۇستى توراڭعىنى تاماشالاۋدىڭ ەڭ كوركەم ماۋسىمى جەتىپ، قىرۋار ساياحاتشىنى تاماشالاۋعا باۋرادى.

  ءتىلشى تاكلاماكان ءشولىنىڭ سولتۇستىگىندەگى بۇگۇر اۋدانى تارىم توراڭعى ورمانى باقشاسىنان ساياحاتشىلاردىڭ اياعى ۇزىلمەگەنىن، جەكە اۆتوكولىكتەردىڭ، ساياحات اۆتوبۋزدارىنىڭ باقشانىڭ اۆتوكولىك توقتاتۋ الاڭىنا لىق تولعانىن، ماڭايىنداعى قوناقجايلارداعى، شارۋالار شاتتىعى ساياجايلارىنداعى ساياحاتشىلاردىڭ دا ەرەكشە مولايعانىن كوردى.

  كۇز كوركىمەن قۇلپىرعان التىن جاپىراقتى توراڭعى ورمانى اراسىندا ساياحاتشىلار اسەم كيىمدەرىن كيىپ، ارالاپ سۋرەتكە ءتۇسىپ ەستەلىك قالدىرىپ ءجۇر، باتار كۇننىڭ كەشكى شاپاعىنداعى كوركەم كورىنىستى كۇتىپ وتىرعان ارناۋلى كەلگەن فوتوسۋرەت اۋەسكەرلەرى دە بار.

  شينجياڭنىڭ تارىم وزەنى اعارىنداعى توراڭعى ورمانىنىڭ جەر اۋدانى 15 ميلليون مۋعا جەتەدى، وزەننىڭ ەكى جاعالاۋىنا كەڭ جايىلعان وسىمدىك جامىلعىسىنىڭ ومىرشەڭدىگى كۇشتى بولىپ قالماستان، ەلىمىزدەگى ءبىرىنشى ۇلكەن ءشول − تاكلاماكان ءشولىنىڭ شابۋىلىن دا بوگەپ تۇر.

  ”ءبىز 5 دوس جەكە اۆتوكولىگىمىزدى ايداپ، ارنايى چۇڭچيڭنەن بۇگىر اۋدانىنا كەلۋدەگى ماقساتىمىز كۇز ماۋسىمىنداعى توراڭعىنى تاماشالاۋ. جولعا شىعاردان بۇرىن ءبىز ادەيى توراڭعى جاپىراعىنىڭ سارعاياتىن ۋاقىتىن انىقتادىق، بۇل جەردە بىرنەشە كۇن تۇرىپ تاماشالاماقپىز“، - دەدى چۇڭچيڭنەن كەلگەن ساياحاتشى ليۋ جۇن.

  تاكلاماكان ءشولىن كەسىپ ءوتىپ، ءشولدىڭ تۇستىگى مەن تەرىستىگىن تۇتاستىراتىن تارىم ءشول تاس جولىندا جەكە اۆتوكولىگىمەن ساياحاتتاعانداردىڭ سانى دا وتكەن جىلدارداعىدان الدەقايدا كوپ بولدى.

  شولدەگى توراڭعىدان سىرت، ساياحاتشىلار وسى تاس جولدان توتەنشە ايبىندى تارىم ءشول تاس جولىنىڭ ەكولوگيالىق قورعانىس ينجەنەرياسىن دا كورە الادى. بۇل تاس جول دا عاجايىپ ءشول كورىنىسىمەن، مىڭ جىلدىق توراڭعىسىمەن ”جۇڭگوداعى 10 ەڭ كوركەم تاس جول“دىڭ ءبىرى بولىپ باعالانعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى