− ءۇرىمجى قالاسى الەۋمەتتىك قاتىناس اۆتوكولىگىنىڭ شوفەرى گۋ شياڭفىڭ تۋرالى
ءتىلشى ۋي حۇڭپيڭ
”مەن ءوزىمدى ەرەكشە باقىتتى سەزىنەمىن، 2 رەت ’مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە‘ اتاعىنا يە بولدىم جانە كورەرمەن ۋاكىلى رەتىندە جاڭا جۇڭگونىڭ قۇرىلعاندىعىنىڭ 70 جىلدىعىن قۇتتىقتاۋ جينالسىنىڭ سالتاناتىن ۇستىنەن تاماشالادىم، توتەنشە اسەرلەندىم...“، - دەدى 10 - ايدىڭ 6 - كۇنى اۆتوكولىكپەن جولعا شىعار الدىنداعى ارەدىكتە ءۇرىمجى قالاسى الەۋمەتتىك قاتىناس جىنباۋ بۋس شەكتى سەرىكتەستىگى الەۋمەتتىك قاتىناس اۆتوكولىگىنىڭ شوفەرى گۋ شياڭفىڭ تىلشىگە، - ”بۇگىن مەنىڭ قايتىپ كەلگەن سوڭ، قىزمەتكە شىققان ءبىرىنشى كۇنىم، 2005 - جول الەۋمەتتىك قاتىناس لەنياسىندا توقتاۋسىز كولىك جۇرگىزىپ، تانىس كوشەنى، جولاۋشىلاردى كورىپ، باس شۋجيدىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنداعى تاپسىرماسىن ەستە بەرىك ساقتاپ، وزىمدە سارقىلماس كۇش - قۋات پايدا بولعانىن سەزىندىم“.
گۋ شياڭفىڭ مەن جولاۋشىلار اراسىنداعى شىنايى دوستىق بەينە ءمولدىر بۇلاقتاي ۇلتتار ىنتىماعىنىڭ شوق - شوق گۇلدەرىن سۋاردى.
2007 - جىلى 3 - ايدا 62 - جول الەۋمەتتىك قاتىناس اۆتوكولىگىنىڭ شوفەرى گۋ شياڭفىڭ 70 - جولدىڭ قوسىمشا لەنياسىنا الماسىپ (ارتىنان 2005 - جول بولىپ رەتتەلگەن)، شيشان سۋلياۋ زاۆودىنان داپۋگوۋ الەۋمەتتىك اۋماعىنا دەيىنگى ارالىقتا قاتىناۋ قىزمەتىن ارقالايدى.
شيشان اۋماعىنا ورنالاسقان داپۋگوۋ الەۋمەتتىك اۋماعى 2004 - جىلى قۇرىلعان، از ۇلت تۇرعىندارىنان 449 ادام بار. سول كەزدە ماڭايداعى نەگىزگى قۇرىلعىلاردىڭ كەمەلدى بولماۋ ىقپالىنان داپۋگوۋ الەۋمەتتىك اۋماعىنداعى تۇرعىنداردىڭ كۇندەلىكتى سۋ ىستەتۋى توتەنشە قيىن بولاتىن، گۋ شياڭفىڭ قىزمەت ورنىنا كەلگەن 7 - كۇنىنەن باستاپ الەۋمەتتىك اۆتوكولىكپەن تۇرعىندارعا كومەكتەسىپ سۋ تاسيدى، كۇنىنە از دەگەندە 70 − 80 كۇبى سۋ تاسيتىن. شاعىن اۋماققا قۇبىر سۋى جالعانعاننان كەيىن عانا، گۋ شياڭفىڭنىڭ وسى ”مىندەتى“ اياقتايدى. تۇرعىن ميھىرگۇل بىلاي دەدى: ”مەن داپۋگوۋ الەۋمەتتىك اۋماعىندا 14 جىل تۇردىم، سول كەزدە قۇرىلعى كەمەلدى بولماعاندىقتان، سۋ ىستەتۋىمىز وتە قيىن بولاتىن، لاۋگۋ تاسىپ اكەلگەن سۋمەن كۇن سايىن تاپ - تازا جۋىنىپ - شايىنىپ جۇردىك“. گۋ شياڭفىڭنىڭ بەيجيڭگە بارىپ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناساتىندىعىن ءارى ماراپاتقا يە بولاتىندىعىن ەستىگەن ميھىرگۇل ارنايى تەلەفون بەرىپ قۇتتىقتايدى.
گۋ شياڭفىڭ قيىنشىلىعى بارلارعا ۇنەمى قول ۇشىن بەرىپ تۇردى، داپۋگوۋ الەۋمەتتىك اۋماعىنداعى كوپتەگەن جاستار ونى ۇلگى تۇتادى. جىنباۋ بۋس سەرىكتەسىگىنىڭ جانە ءار دارەجەلى ۇيىمداردىڭ قولداۋى مەن كومەكتەسۋىنىڭ ارقاسىندا، گۋ شياڭفىڭ داپۋگوۋ الەۋمەتتىك اۋماعىنان ياسىنجان يمىن، رەيىم ءمانسۇر سياقتى 8 شاكىرت تاربيەلەپ شىقتى. ولار الەۋمەتتىك قاتىناس اۆتوكولىگىنىڭ شوفەرى بولىپ جۇمىستانۋ ماسەلەسىن شەشىپ قانا قالماستان، وزدەردى دە ۇزدىكسىز تولىسىپ جەتىلدى.
ياسىنجان گۋ شياڭفىڭنىڭ ەڭ رازى بولعان شاكىرتى، ول گۋ شياڭفىڭدى ”اكە“ دەپ شاقىرعاندى ادەتكە اينالدىرعان. ”اكەمە ىلەسكەنىمە 9 جىل بولدى، قازىر كانديدات پارتيا مۇشەسىمىن“، - دەدى ياسىنجان، ول كەزىندە ۇيىندە جۇمىس كۇتىپ جۇرگەندىكتەن، كۇندە ىستەيتىن جۇمىسى جوق بوس جاتاتىن. گۋ شياڭفىڭ ونىڭ جاعدايىن ۇعىسقان سوڭ، ونىڭ ۇيرەنۋى مەن تۇرمىسىنا قارجىلاي كومەكتەسىپ قانا قالماستان، وعان ءوز قولىمەن شوفەرلىك تەحنيكاسىن ۇيرەتىپ، ءومىر جولىنىڭ جەتەكشىسىنە اينالادى.
ۇلگىنىڭ كۇشىندە شەك جوق. 2005 - جول الەۋمەتتىك قاتىنانس لەنياسىندا قازىر قاراما - قارسى جۇرەتىن 2 اۆتوكولىك قانا بار، ياسىنجان مەن ۇستازى وسى لەنيادان تاپجىلمادى. ياسىنجان ۇستازىنان الىستاپ كەتكسى كەلمەيدى، داپۋگوۋدان دا كەتكىسى كەلمەيدى، ول الەۋمەتتىك قاتىناس اۆتوكولىگى سىندى وسى جىلجىمالى تۇعىردان پايدالانىپ، كولىك جۇرگىزە جۇرىپ ءار ۇلت بۇقاراسى ءۇشىن جاقسى ءىس ىستەۋدە ءارى ۇستازى سياقتى ۇلتتار ىنتىماعىنىڭ ۇلگىسى بولۋدى ارمانداۋدا. ”اكەم مەنىڭ ۇلگىم، مەن دە سول كىسى سياقتى جاقسى ادام بولعىم كەلەدى“، - دەيدى ياسىنجان.
